Aposel 13:23 - Nyindrou

²³ Edek ta lundriyen kameh, Kindrei atehei ndramak ari ta seben iri Isra-el, nyaran Jises. I buku mene iy ndratandrakan ta aliy.

Aposel 13:23 Referans Kwoze

Metiu 1:1

Idah nyara tubu Jises Krais, nadu Debit, iy ale nadu Abraham.

Rebelesen 22:16

“Jo Jises, jo mene tiye angelo tek amwenen ewek bolo aha ta asehek nyala iri lakou marakon doh i taha lau ta Kindrei. Jo badeh, i buku nyabun asahan boho kamen ta Debit. Ya, lomadak badeh, anya i buku lomada ndrau ta boho len.”

La-ukei atorou Jut 1:25

Jo anya kasehek taha, Kindrei ari le doh badeh, udu kandrah. Iy le adeh, andrei taha ame hamon ta gok mari, Laban tataha Jises Krais ndramesekei. Ya, taha badeh, katudun nyaran. Iy kasahan kabin ari le, boto-on mari udu le tan, iy atondrok ma udu bwele-en labai tiri lakou marakon. Bwena mene, iy udu le buku doh. Nadah badeh, iy udu aliy. Hamon ale kameh iy ta udu le buku don ai. Handru.

Aposel 13:32

“Eme aso asehek nyala sahou mwasin dah ewek taha: Sasah mene Kindrei tandrakan i ta tubu taha iri badeh,

La-ukei ta Pol atorou ili tiri lau badu kon Rom 1:3

Sahou mwasin doh badeh, ta nyala nadun, ya iy badeh, saren tiye iy asahan ta lundriye tubun Debit.

1 Jon 4:14

Tama taha ndratehei nadun ndrame ta akohok taha lau mari badu munyak. Ahi aposel ndratou lakou doh kabwe. Ma ahi asehek nyala aliy i ta ndramak ari ja.

2 Pita 3:18

Arile, ado badeh, kandriyen ta tikisiy kudu tado badeh, kasahan ki tinan ma hawe kandriyen ta atanan Laban tataha Jises Krais, ndramak ta aseben taha, kudu tado ki tinan ale. Ya eme taha kasore nyaran ma katudun iy na len dah ma hawe na len eme, kudu le buku doh! Handru.

2 Pita 3:2

Jo badeh, aseken ado samani sahou mene iri propet ndrabun ta tiye sahou badu boho Kindrei asehek i tado bwena mene ta nyala lakou kameh asahan na len hamon. Ma hawe bale ado ale samani sahou batanau mene toro aposel ta Laban Jises Krais, ndramak ta aseben taha, mene suni iri awek tiye ndrawek tado.

2 Pita 2:20

Eme ta sihide iri lau ta leheya tanan ta wasai asah i buku doh: Iri mene tana iri Laban Jises Krais mwasin labai, ndramak ta aseben taha, ma na tanan doh le, iri bamekes kandriyen ta bwilima ja bwe. Arile, udu ja badeh, iri a hamon ja amekes kandriyen bwena ta bwilima doh ja, ma kandriyen doh atondrok iri ai. Ano, udu ja, iri ala labai ta kandriyen ndra-in ta bwilima ma sakalawiy bwena mene iri amekes ja.

2 Pita 1:11

Ma hawe ado kameh, Laban Jises Krais, ndramak ta aseben taha kameh sekesek tado laba tinan labai udu baha tondrok tan, udu le buku doh.

2 Pita 1:1

La-ukei dah, jo Saimon Pita amwenen atorou ewek tado. Jo badeh, lohowan ma aposel, batun ari, Kindrei suni jo ta atiye sahou ta Jises Krais ili tiri lau tan. Jo atorou la-ukei dah, ewek tado lau mari ta budon handru i ta Jises Krais ado badeh. Tasah, Jises Krais badeh, iy ale Kindrei tataha ma hawe iy ndramak ta aseben taha. Iy abudon ta amekes taha badeh, kakohok budon mwasin handru i randra le, eme ma iy amekes ado asahan lau ta budon handru i le buku aso.

Taitus 1:4

Eme ya la-ukei dah badeh, jo atorou ewek tam, Taitus, tasah ou badeh, i buku naduk handru. Ou badeh, budon tam handru badeh, i le buku tek. Eme ya tikisiy ma mondrei ta tama taha Kindrei hawe Krais Jises ndramak ta aseben taha, kudu hawem.

La-ukei ta Pol atorou ili tiri lau badu kon Rom 11:26

Ma i san doh kameh, buku kane iri lau badu leheleh winiyan eh, Kindrei kameh akohok iri Isra-el mari ame hamon, ma iri kameh ado mwasin i buku none ndratorowenei mene ndra-au, “Ndramak ta seben kameh asahan udu Sayon eme. Iy kameh tikahei kandriyen ta tunuhun sahou tan au a len ta lundriye Jekob oro.

Aposel 3:26

Na len Kindrei tutuni lohowan tan, iy suni iy ewek taha bwena ta adeu nyosowan ewek la-u aha, ta amekes aha badeh, katubuni kona aha ki tiri kandriyen ndra-in.”

Aposel 2:30

Iy badeh, propet ya iy tanan tandrakan ta Kindrei mene tandrakan iy. Kindrei badeh, tandrakan ta lundriyen oro ari kameh asahan kabin, i buku le iy amwenen.

Tarou ta Jon 7:42

Buk ndrabun ndrasehek, Mesaya kameh asahan boho kamen ta Debit. Ma buk ndrabun asehek ale ta Mesaya kameh asahan Betlehem kon tinan ta Debit bwena mene udu aliy.”

Tarou ta Jon 4:42

Iri ame tiye sahou i ta butuhu Samariya i buku doh, “Ma bwena badeh, ahi atehei budon tahi ili le ta Jises, tasah ou ame asehek tahi. Arile, na dah ja badeh, ahi ndratehei budon tahi ndrala tan, tasah ahi ndranuhun udu ndranye ahi amwenen. Ahi ndratanan, iy ndramak kede-eh, iy kameh akohok taha lau marakon badu kon munyak ame hamon.”

Tarou ta Luk 1:69

Iy atehei ndramak ari boto-on eme ta seben taha, badu boho kamen ta lohowan tan Debit,

Metiu 22:42

“Ado abudon i buku sah handru ta ndramak taha aloh Krais o Mesaya? Iy nadu are handru?” Eme oro tiye i tan i buku doh, “Iy nadu Debit.”

Metiu 21:9

Iri lau ra-on adek ala bwena ta Jises ma hawe iri ra-on adek an hamon tan, ya iri mari arah i buku doh, “Hosana! Kasekesek ki ta nadu Debit! Kasore nyaran! Iy eme ta nyara Laban!” Wari 118:26 “Hosana! Kasekesek ki loken mara-ei!”

Metiu 1:21

Iy kameh tuwi nah mwan, ya ou kameh tondrohani nyaran Jises, tasah iy kameh sebenei iri lau ta karei ma lomondra ndra-in.”

Aposel 4:12

Taha badeh, winiyan batakalahei ari seben bare ta ari lau ja bwe; tasah ari lau udu baha kandrah ja kada-ah atehei iy ki nyara seben tataha bwe.”