Aposel 13:16 - Nyindrou

¹⁶ Eme Pol ales udu loken edeu minen i loken amunum le ma anya, “Ado lau badu Isra-el, hawe ado lau badu leheleh, ado ta atudun Kindrei, ado kanuhun bohok!

Aposel 13:16 Referans Kwoze

Aposel 12:17

Eme Pita atehei minen i loken amunum le ma iy tiye i toro kandru-uk, ma iy asehek i toro ta nyala Laban kuhi iy udu bolo kou eme len. Ano iy anya, “Ado badeh, kasehek nyala Jemis ma hawe oro nadu tine to oro rayah ja ta aliy. Ano ma iy ruwani oro, ya iy iu ili kon rakon ja.”

Aposel 13:26

“Ya ado nadu tine, lundriye Abraham hawe ado lau badu leheleh ala an hamon ta Kindrei. Sahou ta nyala seben badeh, ndrame tataha.

Aposel 10:2

Koniliyus ma hawe lowan oro badu Juwis bwe, arile iy ma hawe oro mara-ei ado asiu tan badeh, atudun Kindrei le ai. Iy badeh, edeu lakou i tiri lau lakou bwe, ma amekes salom i ta Kindrei na bolo len mari.

Rebelesen 2:29

Ya, buku ndranyem udu aliy, jo aso-ok ou anuhun iri saba lakou handru, Malawin Mwasin asehek ili tiri lau ta Kindrei.’”

Rebelesen 2:17

‘Buku ndranye aha udu aliy, jo aso-ok aha kanuhun saba lakou handru Malawin Mwasin asehek ili tiri lau ta Kindrei. Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, jo kameh edeu niri mana, amai labai udu kon tek. Ma jo ale kameh edeu bek belen mara-ei i tiri ari, ari. Ma udu bwele-e bek doh, jo kameh torowenei nyaran ha-un udu aliy. Ma ari ndramak ja winiyan bala tanan ta kati nyaran doh bwe. Are lau, iy nane akohok bek doh, iy le kameh winiyan i tanan moson ta aliy ai.’ ”

Rebelesen 2:11

Ya, buku ndranyem udu aliy, abo, ou anuhun saba lakou handru, Malawin Mwasin asehek ili tiri lau ta Kindrei! Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, iri kameh winiyan bakohok sisi-in ta imek ari hamon ja bwe.’ ”

Rebelesen 2:7

‘Ya, buku ndranye aha udu aliy, aha kanuhun saba lakou handru Malawin Mwasin asehek ili tiri lau ta Kindrei! Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri bwe, jo kameh tiye buku doh, iri kameh winiyan akohok nyamon badu ta kei nane edeu kohan mwasin ili tiri mwan ma badih. Kei doh badeh, udu bolo bilin ta Kindrei udu bolo kandrah.’ ”

Aposel 22:22

Iri Juwis anuhun sahou ta Pol, arile iri anuhun iy asehek ja ta aseben iri lau badu leheleh, eme ma bwidi ndrine iri ibolosen, ma iri arah boto-on labai anya, “Iy sare kon munyak hawe taha! Kadi iy kimek ki-iu! Iy ndra-in labai, ma iy sado kon munyak dah!”

Aposel 21:40

Iy tiye i buku doh, ma tinan tiri lau ta bahun anya, “Mwasin, ou winiyan asehek sahou.” Eme ma Pol atehei minen i loken ta iri kandru-uk. Eme ma iri andru-uk i le rasan, ma iy asehek sahou ili tiri i boho kon Aramek.

Aposel 19:33

Eme iri Juwis andrekei Aleksandra ili udu mwena tiri ma iri rayah sarakau, ta iy ki-in hamon ta boho iri. Eme ma iy tiye iri mari kandru-uk, ya iy kamekes sahou ta aseben iri lau.

Aposel 13:46

Arile, Pol uru Banabas asehek sahou nyarahan labai i tiri anya, “Aru badeh, kasehek sahou ta Kindrei ki taha Juwis bwena op. Arile, aha badeh, baseken bwe, ma sahou taha badeh, leheya i buku, aha kameh winiyan bakohok manyah mwasin ta Kindrei ta udu le buku doh bwai. Eme ma aru kameh ruwani aha kon dah areu, ya, aru kameh ala aseben iri lau badu kon leheleh ai.

Aposel 10:35

Arile, iy badeh, aseken lau mari badu kon munyak tinan labai, buku ndramak ari ari anoh iy, ma amekes kandriyen mwasin le.

Aposel 3:12

Eme Pita anyolom badeh, iy tiye i toro anya, “Aha lau badu Isra-el, mani aha atur ta sasah? Aha anyolom aru boto-on tasah handru? Budon taha kede-eh anya, boto-on mari badeh udu taru, tasah aru mwasin mara-ei ta mada Kindrei, ma aru bwidi iy ndramak kede-eh edek ja. Arile bwe.

Aposel 2:22

“Ado lau badu Isra-el kanuhun sahou doh. Jises Krais badu Nasaret mene, Kindrei suni iy ewek hawe ado. Ya iy mene amekes lahou tinan ma amekes kalem tinan na boto-on ta Kindrei edeu i tan udu ndrokowa ado. Ya ado tanan iy.

Aposel 2:14

Ano Pita suri iy ere loken hawe oro ma ronoh ari dah, aloh i tinan ma asehek sahou i tiri anya: “Ado nadu tine badu Juwis ma hawe ado lau mari areu Jerusalem dah, ndranye ado kasak, ya jo kasehek kaleu kewek tado.

Tarou ta Luk 1:50

Iy leheya tikisiy tan i tiri lau heh anoh iy; ano ili ta lau rebesem au, ano lau rebesem au, i le buku doh.

Metiu 11:15

Ou are lau ndranyem udu aliy, ou anuhun.

Tarou ta Luk 23:40

Arile, ndramak ari udu bilisiu badeh, ibolosen i tan anya, “Ou kede-eh, banoh Kindrei bwe nadeh? Ou badeh, bwese maha-an i le buku iy kede-eh!

Tarou ta Luk 1:22

Ano Sekaraya eme len badeh, iy winiyan basehek sahou bala tiri bwe. Eme iy asehek sahou na andra lim le i tiri. Eme iri anya, “Iy kede-eh nane amekes lele in asiu tinan ta Kindrei.”