Aposel 13:10 - Nyindrou

¹⁰ “Ou badeh, nadu balik amwenen, ma ou badeh, baseken kandriyen mwasin mari bwe! Ou adah labai na kandriyen ta wasai ta balik. Ya, ma saba len kameh ou aruwe ta tobolowe sahou handru ta Laban kasahan wasai?

Aposel 13:10 Referans Kwoze

Tarou ta Jon 8:44

Tama aha balik, aha nadun, aha amekes lakou an hamon ta iri lakou iy aso-ok. Udu ndra bada katin eme, iy ta idi lau. Iy bwalen sahou handru, tasah iy tanan ta asehek sahou handru bwe. Iy ta wendreya, ma iy aso-ok ta asehek sahou ta wendreya. Iy badeh, tine wendreya udu tan.

Galesiya 1:7

Ya, kandriyen ha-un nane badeh, mwasin handru bwe. Kandriyen ari le doh badeh, mwasin mara-ei. Idoh badeh, kandriyen ta Krais. Iri lau nane ndrasahan hawe aha badeh, iri anya katobolowe kandriyen ta Krais kasahan randrah ja. Ma iri ale anya kabolowa budon ma manyah taha sasahan samwenen.

2 Korin 11:3

Arile, jo badeh, inoh. Jo abudon ta balik ibin i mwak, iy tanan mwasin labai ta kandriyen ta wendreya, ma mwena mene iy ndrawendreya Ip. Kora-on kandriyen ndra-in buku doh, kameh asahan taha, ma aha kameh alelei iri rayah wendreya aha, ma budon taha winiyan bado rasi bwe, ma aha kameh mani Krais mara-ei.

Metiu 13:38

Ya bilin badeh, kon munyak dah. Buwa wit badeh, iri lau mwasin badu hawe Kindrei. Ya bwidiu ndra-in doh badeh, iri lau ndra-in badu hawe balik amwenen.

1 Jon 3:8

Bwena handru, kala Kindrei mene mesekei kon munyak dah, tama balik Satan badeh, mesekei kandriyen, ma lomondra ndra-in. Eme adeh, lau mwan ma badih badu munyak ame amekes kandriyen ma lomondra ndra-in. Are lau amekes kandriyen ma lomondra ndra-in kahis le, iy badeh, ereu ndra hawe balik kahis le. Ta idoh le adeh, Nadu Kindrei eme kon munyak dah ta atikah, ma ta adai kandriyen ma lomondra ndra-in ta tama balik Satan nane ki-iu.

Tarou ta Luk 11:52

“Ado lau ta leheya kandriyen tiri Juwis, mada ado kaleu! Sisi-in laba tinan ale kameh ewek bwele-e ado! Tasah, ado ndrasulu-i kou ta asiu ta akohok tanan handru ndrala. Eme ya ado amwenen ale, bala se bolon bwe, ya eme iri lau buku liliy anya ka bolon, arile ado aturuk san ta iri sala bolon.”

2 Pita 2:15

Iri ndraruwani san mwasin, ya iri ndra-en hamon ta san ta Balam nadu Be-or. Iy badeh, tanan kandriyen ta aseken labai ta iri lau kanyohan iy luk, buku iy kamekes kandriyen ndra-in ta aseben iri; arile iy anya ndra mwasin le, iy amekes ili le ai.

Aposel 20:30

Ma na len eme kameh, lau rayah badu bolo ado badeh, kameh tebeya wasai ta aliu iri mwan ma badih ame len ta budon handru, ma ta iri ka-en hamon toro.

Metiu 23:13

Jises asehek sahou ja i buku doh, “Ado lau tanan ta batanau malen ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Tasah, ado ndrasulu-i kou ta ala bolo kon mwasin udu kandrah ereu mada iri lau. Ado ale winiyan bala bolon bwe. Ya, buku none iri lau anya kala bolon, ado aturuk san tiri.

Metiu 15:19

Iri lakou mari ale asahan ta budon ta ndramak badeh, lolowa ndramak amekes lomondra ndra-in. Lakou buku none, budon ndra-in, kandriyen ta adai ndramak imek, ya iri kandriyen mari ta karei, ma kandriyen ta amekes tasou andra-i, kandriyen ta bahana, kandriyen ta amekes sahou wasai ereu mada iri lau ta anuhun sahou, ma kandriyen ta amekes sahou ndra-in i bada ndramak ari ja.

Metiu 3:7

Arile iy atou ja iri Parasi ma hawe oro Sadusi ame le hawen, ta iy kalomwa iri, eme ma iy tiye i toro Parasi ma Sadusi i buku doh: “Ado nadu mwak ndra-in. Are lau tiye ado ta atobwak au a len ta losen ta Kindrei kameh eme?

Tarou ta Jon 1:23

Jon asumon boho oro na sahou ta propet Aisaya, “Jo i boho ndramak ari, iy aloh in kon lomale an, ‘Kalowosa san ta Laban ma kadik san kales lewan.’ ” Aisaya 40:3

Tarou ta Luk 11:39

Ano Jises tiye i tan anya, “Ado Parasi badeh, sikine kona bwesam ma kona bwekei tado le, arile bolo ado badeh, ndrarahak le ko-ak hawe manahun ndra-in.

Jenesis 18:19

Jo badeh ndrasehek tan ta atehei iy badeh kabatanau nadun oro hawe lau badu asiu tan kanuhun le jo, ma kamwekes kandriyen mwasin le handru. I buku none oro an hamon ta batanau mari, jo tandrakan ta amwekes lakou mari i tan.”

Jenesis 3:15

“Ya jo kameh mwesekei ou hawe i badih kameh ah kameh baseken ah bwe; nadu ah kameh uru kameh andra-i udu le buku doh. Ya nadu i badih kameh tihisiy batum abwesek ma i dah kameh ou kameh aso ma aimon katin.”

Epesus 4:14

Buku taha asahan i buku doh, badeh, taha winiyan bado buku nadu nah bwisik ja, ta budon taha ateu bwe. Ma iri sahou wasai marakon tiri lau ta tamar winiyan batoroyani budon tataha bwe, ma taha winiyan asahan buku ndron udu bolo bayau. Ma idoh ale winiyan baruwi taha buku jor aluhi ndron bwe, ma taha winiyan bateheh laleyah bwe, ma mani budon handru.