Aposel 12:24 - Nyindrou

²⁴ Arile, na bolo len doh badeh, sahou ta Laban asahan i tinan ma aseker ili bolo kon mara-ei, ma lau solo-an a-en hamon tan.

Aposel 12:24 Referans Kwoze

Aposel 6:7

Eme ya sahou ta nyala Kindrei badeh, aseker. Eme kane iri lau badu Jerusalem atehei budon tiri handru i ta Kindrei i sola suwi suwi. Ma iri pris solo-an badeh, anuhun sahou ma atehei budon handru.

2 Tesalonaika 3:1

Na dah, aha nadu tine aso, mwan ma badih, sahou taso ari ja i buku doh: Aha kasolom kili ta Kindrei, iy kaseben aso ta atiye sahou ta Krais, ma sahou ta Laban kameh winiyan sakaliye ili bolo kon mara-ei, iri kandrei, ma katawi kihis kudu budon tiri, i buku le iy mene amekes udu ndrokowa aha, na len aha anuhun, ma atehei budon in ta sahou mwasin doh.

Aposel 19:20

Eme i san le doh badeh, sahou ta Laban aseker ma i tinan, ma amekes iri lau tan abadok le gwek.

Metiu 16:18

Ya jo tiye tam i buku doh: Ou Pita, ya jo kameh amekes iri mwan ma badih tek asahan i buku asiu salom tek, ya ou kameh aseben iri i buku ndru bek aseben asiu ales boto-on udu bwele-e munyak dah, ya Satan hawe boto-on ta imek kameh winiyan batohowei asiu salom tek doh bala andri bwe.

Aposel 11:21

Eme boto-on ta Laban badeh, udu la-u oro, eme lau solo-an badeh, atehei budon tiri handru ma tubuni ndrine iri ja i ta Laban.

Aposel 5:39

Arile, buku none budon doh ta Kindrei handru eh, idah kameh ado winiyan batobohei oro bwe; ya ado kameh amekes bahun i bada Kindrei le.”