Aposel 12:19 - Nyindrou

¹⁹ Ya eme Herot takaleh ili badeh, iy batakahei bwe, eme iy ndremenya oro lau ta ndrokei ma tiye ta kadai oro kamak. Udu hamon ta idoh badeh, Herot udu Judiya iu ili udu Sesariya winiya ben sabe.

Aposel 12:19 Referans Kwoze

Aposel 16:27

Ya eme ndramak ta ndrokei atondrok iri, amak anyolom kou mari asak badeh, iy anya iri are bolo kou ndratobwak. Eme iy andrei samen ta anya kidi iy le badeh,

Aposel 21:8

Na len ari ja badeh, ahi alakak are Tolomes ala kon tinan Sesariya. Udu loboho doh, badeh aso ala asahan asiu ta lau ta Jises ari nyaran Pilip, ma aso amadin hawen. Iy ta atiye sahou ta Jises na len mari, ma iy badu hawe oro lau ma ndro taloh mene iri lau ta Kindrei hawe oro aposel badu Jerusalem atehei oro ta aseben iri lau ta Kindrei.

Aposel 12:6

Na ben ano kon kaleu doh badeh, Herot kameh edeu iy i ta sahou. Ya Pita badeh, amadin ndrokowa uru lau ta bahun ma la-uh. Sawei iy badeh, na sen ma la-uh. Ya, oro lau ta bahun rayah ja badeh, ado ta ndrokei ado madasan tinan, loboho manan.

Aposel 12:4

Iy tawi iy ano badeh, iy atehei Pita i bolo kou, i mine oro lau ma hahuw, badu bolo oro lau ma habuk ta bahun badeh, tondrokei iy. Oro ndrokei ta Pita badeh hahuw, hahuw ta bolo awa onoh onoh, ben ma len. Budon ta Herot badeh, anya iy keme lewan mada lau mari ta sahou, kudu hamon ta len ta Pasoba.

Aposel 8:40

Ya Pilip badeh, ili ja asahan Asdot; eme iy ili bolo kon tinan mari atiye sahou mwasin ili ili asahan Sesariya.

Metiu 2:13

Udu bada len oro anya ka-au le badeh, angelo ta Kindrei ari eme tiye ta Josep udu bolo ameh na ben. Iy tiye i buku doh, “Ou amak! Ou andrei iy nah hawe tinen, ma ado katobwak ka-au kala Ijip. Ado kado gwek winiya jo le baratiye ou, tasah Herot kameh asilah iy nah dah ta idi iy kimek.”

Aposel 27:42

Iri lau ta bahun amekes budon ta adai iri lau ta bolo kou kamak, iri abudon anya kora-on iri kaya kala amik ma iri katobwak ka-au.

Aposel 25:13

Len sabe iu, ano kabin Agripa hawe udun Banis, uru ame Sesariya anya kaselesen Pestus.

Metiu 2:16

Herot i tanan oro lau ta tanan badeh, ndrawendreyani iy. Eme ma iy ibolosen handru ma iy atehei sahou boto-on i tiri lau ta bahun tan ta kadai iri nah mwan mari badu Betlehem. Iri nah doh ala jaha tiri udu kalama jaha la-uh eme andri. Iy atehei sahou ta adai nah mwan mari kamak, amwenen ta len iy i tanan ma iy seleyani oro lau ta tanan.

Metiu 2:1

Hamon ta Jises ndrasahan udu Betlehem udu bolo kon tinan Judiya, udu bada len ta kabin Herot, oro lau ta tanan badu loboho an eme loke ame Jerusalem,

Aposel 12:18

Eme ya na mandraben badeh, oro lau ta bahun lomondra solo-an ta aliy. Eme oro anya, “Sasah handru ndrasahan ta Pita doh?”