Aposel 12:17 - Nyindrou

¹⁷ Eme Pita atehei minen i loken amunum le ma iy tiye i toro kandru-uk, ma iy asehek i toro ta nyala Laban kuhi iy udu bolo kou eme len. Ano iy anya, “Ado badeh, kasehek nyala Jemis ma hawe oro nadu tine to oro rayah ja ta aliy. Ano ma iy ruwani oro, ya iy iu ili kon rakon ja.”

Aposel 12:17 Referans Kwoze

Aposel 21:40

Iy tiye i buku doh, ma tinan tiri lau ta bahun anya, “Mwasin, ou winiyan asehek sahou.” Eme ma Pol atehei minen i loken ta iri kandru-uk. Eme ma iri andru-uk i le rasan, ma iy asehek sahou ili tiri i boho kon Aramek.

Aposel 19:33

Eme iri Juwis andrekei Aleksandra ili udu mwena tiri ma iri rayah sarakau, ta iy ki-in hamon ta boho iri. Eme ma iy tiye iri mari kandru-uk, ya iy kamekes sahou ta aseben iri lau.

Aposel 13:16

Eme Pol ales udu loken edeu minen i loken amunum le ma anya, “Ado lau badu Isra-el, hawe ado lau badu leheleh, ado ta atudun Kindrei, ado kanuhun bohok!

Aposel 21:18

Na len ari ja badeh, Pol hawe aso mari ala anyolom Jemis; ma oro lau ta Jises rayah tinan are aliy ale.

Aposel 15:13

Sahou turu ano le badeh, Jemis asehek sahou anya, “Ado nadu tine kanuhun jo.

Galesiya 2:12

Na len Jemis basuni oro lau rayah bala hawe Pita bwe le badeh, Pita aimon nyamon hawe iri lau badu leheleh. Arile udu, oro lau ta Jemis asahan ale, iy inoh ma iy ruwani ta aimon nyamon hawe oro lau badu leheleh. Eme iy baimon nyamon hawe oro ja bwe. Tasah, iy inoh oro Juwis doh, tiye tiri lau badu leheleh kasan ku-i iri bwena.

Galesiya 2:9

Eme Jemis, Pita hawe Jon badeh, oro lau ta batun dah, ndratanan Kindrei badeh, ndratehei lahou dah ndrame kanik; eme, oro ndrateu lim hawe aru Banabas. Eme, aso ndrasehek sahou randra le, ta aso amekes lahou le. Oro amekes lahou i bolo iri Juwis, ya aru Banabas amekes lahou i bolo iri lau badu leheleh.

Galesiya 1:19

Jo badeh, batou oro aposel marakon bwe. Jo badeh, atou le Pita hawe Jemis, nadu tine Laban tataha Jises.

1 Korin 15:7

Iy ale asahan hawe Jemis, ano iy barasahan hawe oro aposel tan marakon.

Tarou ta Jon 11:54

Eme ma Jises badek bala bame hawe iri Juwis ja bwai. Iy ruwani kon nane iy udu aliy, iy edek iu ili kon ari doh mirihik ta kon lomale an, ili loboho kon ari iri aloh Iparayim, ma iy manyah udu hawe oro lau tan ado kon doh udu gwek.

Tarou ta Jon 8:59

Jises asehek sahou ano le badeh, iri lau akohok bek, iri ame anya korou iy. Arile Jises aton udu bolo asiu tinan ta Kindrei udu. Ano iy iu ili manan.

Metiu 10:23

Ya buku none are lau mwan deh badih badu saba kon tinan amekes ndra-in ewek tado, mwasin, ado katobwak kala kon tinan ari ja. Jo asehek sahou handru ewek tado, ado winiyan babwidi gok dah bano bwe udu bolo iri kon tinan badu Isra-el, ya jo Nadu Ndramak Awas ta Kindrei kameh eme hamon ja.

Jemis 1:1

Jo Jemis, jo ndramak ta lahou ta Kindrei hawe Laban Jises Krais. Jo atorou la-ukei dah ma edeu sekesek tek ewek taha mwan ma badih mari badu boho kamen ma ronoh la-uh badu Isra-el aseker areu bolo kon munyak mara-ei nane dah.

Aposel 16:40

Eme uru ala asiu ta Lidiya, batanau iri lau nane atehei budon tiri handru in ta Jises, ma iri kabadok, ano ma uru au ai.

Tarou ta Jon 13:24

Eme Saimon Pita ndrokonya batun ili ta iy lau nane ma iy asehek, “Kandremenya iy, are lau handru ale iy asehek iy doh?”

Tarou ta Jon 10:40

Jises eme edek iu ili hamon ili kapa gwa Jodan bilisiu bwena mene Jon ta alomwa inyu iri lau are aliy, ma iy udu aliy udu gwek.

Tarou ta Jon 7:1

Ano badeh, Jises edek in bolo kon Galili. Iy bwalen edek ili bolo kon Judiya, tasah iri Juwis badeh, atondrok ta adai iy kimek.

Tarou ta Luk 1:22

Ano Sekaraya eme len badeh, iy winiyan basehek sahou bala tiri bwe. Eme iy asehek sahou na andra lim le i tiri. Eme iri anya, “Iy kede-eh nane amekes lele in asiu tinan ta Kindrei.”

Tarou ta Mak 6:3

Taha tana taha, iy ndramak kede-eh ta atah asiu, ma iy nadu Mariya, nadu tine Jemis, Joses, Judas hawe Saimon, ya nadu tinen oro badih, are hawe to kada-ah, neh?” Oro asehek i buku doh, ma oro atehei kona oro i tan.

Aposel 1:15

Eme na len doh badeh, Pita ales ere loken bolo iri lau ta Kindrei, kane iri ma rinek lunoh (120),

Aposel 12:16

Arile, bwai, Pita atukoh kou udu le gwek, ya eme iri anya kasulu-i kou, oro atou iy. Eme mani iri atur handru.

Aposel 12:18

Eme ya na mandraben badeh, oro lau ta bahun lomondra solo-an ta aliy. Eme oro anya, “Sasah handru ndrasahan ta Pita doh?”

Aposel 28:15

Iri lau ta Kindrei badu Rom anuhun, buku ahi adek ala, eme iri adek ame mada baen ta Apiyus, ma kon iri aloh Asiu Ma Taloh Ta Amunyau, atondrok ahi are aliy. Pol anyolom iri le badeh, ma iy edeu wurah tinan labai i ta Kindrei, ma bwidi ndrinen sekesek labai.