Aposel 11:29 - Nyindrou

²⁹ Eme oro lau ta a-en hamon ta Jises tiye anya, idah kameh, oro ari ari kameh abudon ta oro winiyan adeu lakou ili ta aseben nadu tine oro rayah nane ado Judiya. Oro lau lakou toro solo-an badeh, adeu lakou solo-an ta aseben.

Aposel 11:29 Referans Kwoze

Galesiya 2:10

Sahou ari le oro tiye i buku doh, “Ado kabudon ta aseben iri lau tiri lakou bwe, are bolo aso dah.” Seben dah mene, jo aseken labai ta amekes ale.

1 Korin 13:5

Ta aso-ok ndramak ari, ari, iy winiya bamekes lakou laleyah bwe. Iy winiya babudon iy le bwe, ma ndrinen winiya babolosen suwi bwe. Ta aso-ok ndramak ari, ari iy winiya babudon ndra-in iri nane amekes i tan bwena bwe.

Aposel 11:26

Eme iy ndruni iy badeh, iy kuhi iy eme Antiyok. Ya eme udu bolo jaha ari ma buruwen badeh, Banabas uru Sol atukum hawe iri lau ta budon handru ta Kindrei ma leheya iri lau solo-an. Oro lau ta Laban, iri lau aloh oro “Kristen” ma mwena badeh, udu Antiyok.

Aposel 11:1

Oro aposel hawe nadu tine oro badu loboho Judiya anuhun iri lau badu leheleh ale ndrandrei sahou ta Kindrei.

Aposel 4:34

Eme iri ari ari badeh, bandriliu ta lakou bwe. Ya len rayah, oro lau heh, munyak toro udu aliy hawe asiu toro udu aliy badeh, adeu i ta sisih.

Tarou ta Jon 2:2

Ndramak ta kati molak nane doh aso-ok Jises hawe oro lau tan kala ta molak tan.

Aposel 1:15

Eme na len doh badeh, Pita ales ere loken bolo iri lau ta Kindrei, kane iri ma rinek lunoh (120),

Aposel 6:1

Na len doh badeh, kane iri lau nane a-en hamon ta Jises ma atehei budon tiri handru i ta Kindrei i sola le ai. Eme ma iri Juwis nane asehek boho iri Grik badu bolo iri lau ta Kindrei badeh, tebelese hawe iri Juwis rayah nane asehek boho Aramek. Iri Grik anya iri badih nyau tiri badeh, bakohok nyamon sola bwe.

Aposel 9:19

Ano iy aimon nyamon ma nyamun eme hamon ja. Eme Sol badeh, udu hawe oro lau ta Jises udu Damaskus len solo-an sese.

Aposel 9:25

Ma iri lau tan badeh, andrei iy na ben ma atehei iy i bolo ndrom sahin rahak iu ta malou i san ta mada munu kowah i andri.

Aposel 13:52

Ma iri lau atehei budon tiri handru in ta Laban ado Antiyok badeh, adah na sekesek ma na Malawin Ndrabun.

Aposel 14:20

Arile, udu hamon ta iri lau atehei budon tiri handru in ta Kindrei awudi iy, ano badeh, iy suri iy eme loken edek iu ili hamon ja ili kon tinan. Ano len ari ja badeh, Pol uru Banabas au ala kon Debi.

Aposel 14:22

Oro ala badeh, batanau iri lau ta budon handru badeh, kabadok ta tanan handru ta bolo budon handru tiri. Eme uru anya, “Taha kameh bwese maha-an solo-an solo-an, ano taha barala baha tondrok ta Kindrei.”

Aposel 24:17

“Winiya jaha sabe kolek, jo ruwani kon tinan Jerusalem, jo iu ili bolo iri kon leheleh, ano jo eme hamon ja atiye luk i toro lau tek amwenen, toro lakou bwe, ma hawe iri lakou rayah ta asun i nyara salom ili ta Kindrei.

Metiu 25:17

Ya iy nane kuhiy lulou (K2,000) mesekei buku aliy ale, ma iy kuhi lulou (K2,000) ja ili hawen tan nane.