Aposel 11:26 - Nyindrou

²⁶ Eme iy ndruni iy badeh, iy kuhi iy eme Antiyok. Ya eme udu bolo jaha ari ma buruwen badeh, Banabas uru Sol atukum hawe iri lau ta budon handru ta Kindrei ma leheya iri lau solo-an. Oro lau ta Laban, iri lau aloh oro “Kristen” ma mwena badeh, udu Antiyok.

Aposel 11:26 Referans Kwoze

1 Pita 4:16

Arile, buku none ou akohok maha-an, tasah iri aloh ou Kristen, ou bwilim sama, ndri-iy, ou adeu le wurah ki ta Kindrei, tasah ou bwese-ei nyara Krais.

Aposel 26:28

Agripa eme ndremenya Pol i buku doh, “Buku sah handru? Ya, na bolo len sese le dah, ou abudon anya, ou kameh winiyan andrekei jo asahan ‘Kristen’ nadeh?”

1 Jon 2:27

Arile, aha badeh, barah ta tanan bwe. Aha ndrakohok Malawin Ndrabun ta Krais, eme ma iy doh leheya aha ta lakou mari ta Kindrei. Ya sahou tan doh handru, iy bawasai bwe. Eme ma aha katawi Krais kihis, buku none le Malawin Ndrabun ndraleheya aha.

1 Pita 4:14

Aha kasekesek buku none iri lau asehek sahou ma aluhe aha. Tasah, aha badeh, an hamon ta Krais. Ma moson ta aliy i buku doh: Malawin Ndrabun ta Kindrei badeh, nyaran tinan, ya iy boto-on labai, ma iy ereu la-u aha handru.

Epesus 3:15

Iy le amwenen tondrohon nyara taha lau tan marakon nane atehei budon handru in tan le, iri mwan ma badih ndramak bwena, ma ado kandrah, ma taha mwan ma badih ado ndra awas are kon munyak kahis.

1 Korin 14:23

Eme ma, buku aha lau ta Kindrei atukum a se, ma aha marakon kamekes sahou ta boho kon rakon, rakon, aha kabudon kamwenen op. Buku lau rayah tana iri bwe, ma batehei budon tiri bwe, buku iri kame bolon ale kanuhun aha, iri kameh abudon i buku sah bah? Sebwe, iri kameh asehek i buku doh, “Aha ndralolo-ou.”

1 Korin 12:12

Bada taha ari le, lakou solo-an badeh, udu aliy. Iri lakou mara-ei nane doh ahis are bada taha. Bada Krais badeh, i buku aliy.

1 Korin 11:18

Jo anya kasehek taha ma bwena ta lakou doh: Len ta atukum ta salom badeh, aha atalan laleyah; ari, ari in ndrahunen labai. Jo anuhun i buku iri sahou doh, handru.

1 Korin 4:17

Ta idoh le, jo tiye Timoti ewek ta atou aha. Jo aso-ok iy labai, i buku naduk handru. Iy badeh, atondrok iri gok marakon ta Laban udu mwasin labai. Iy kameh winiya asehek taha ta iri kandriyen jo amekes ta in hamon ta Krais. Iri kandriyen nane doh, jo leheya iri lau ta Kindrei are bolo kon mari.

Aposel 14:27

Eme uru ala asos Antiyok badeh, uru nyuruwini iri lau ta Kindrei atukum, ma tiye i tiri ta lahou mari Kindrei ndramesekei na mine uru, ma i buku sah Kindrei ndrasihi san ndra tiri lau badu leheleh ta budon handru.

Metiu 28:19

Ado kala kon mari, ya kamesekei iri lau mari kasahan lau tek, ado kalomwa iri na nyara tama, ma nadun ma hawe Malawi Ndrabun.

Rebelesen 3:18

Eme ma, jo anya kedeu sahou dah kewek taha. Aha mara-ei badeh, kame le hawek kasih bek nyikilikin tek. Jih badeh, ndrasulumwi lakou marakon udu bwele-en ndra-au, ma bwidiy ndra nyikilikin mara-ei. Ma aha kameh asahan nadu batun. Ya, aha kame kasih taha kolau belen ta tubuloh bada aha, ma iri mwan ma badih winiyan banyolom bada aha ndrakane ja bwe. Ma mwasin ale, ta aha kame hawek kasih rayah ndrelekei tek, ta adeu i mada aha, ta aha kanyolom kon ja. Ma aha winiyan atanan, buku aha badeh, bateu lakou handru ta Kindrei bwe. Ma aha kameh winiyan anyolom aha are buku sah handru.

Aposel 14:23

Ano Pol uru Banabas atehei lau mwasin kasahan batun ta atondrok iri lau ta Kindrei badu kon rakon rakon. Eme iri abeles iri ta aimon nyamon, ma amekes salom i toro ma atehei oro a mine Laban ta lahou iri atehei i kani oro ta amekes.

Aposel 11:27

Udu bolo len doh badeh, iri propet rayah ale, ado Jerusalem ame andri, ame Antiyok.

Aposel 11:22

Eme iri lau ta Kindrei badu Jerusalem anuhun nyala lahou doh badeh, ma iri suni Banabas ili Antiyok.

Aposel 11:20

Arile, oro lau rayah badeh, badu Sairini hawe badu Saipres ala Antiyok atiye sahou i tiri lau badu Grik ale ta nyala sahou mwasin nyala Laban Jises Krais.

Aposel 6:5

Eme iri mari badeh, sekesek ta budon doh. Eme iri lebelei Stiben, ndramak idih na Malawin Ndrabun hawe ndramak ta budon handru; ale hawe Pilip, Prokorus, Nikanor, Timon, Parmenas, hawe Nikolas badu Antiyok. Iy mene badu Juwis bwe, arile udu ja, iy in hamon ta kandriyen tiri Juwis.

Tarou ta Jon 2:2

Ndramak ta kati molak nane doh aso-ok Jises hawe oro lau tan kala ta molak tan.

Aposel 1:15

Eme na len doh badeh, Pita ales ere loken bolo iri lau ta Kindrei, kane iri ma rinek lunoh (120),

Aposel 6:1

Na len doh badeh, kane iri lau nane a-en hamon ta Jises ma atehei budon tiri handru i ta Kindrei i sola le ai. Eme ma iri Juwis nane asehek boho iri Grik badu bolo iri lau ta Kindrei badeh, tebelese hawe iri Juwis rayah nane asehek boho Aramek. Iri Grik anya iri badih nyau tiri badeh, bakohok nyamon sola bwe.

Aposel 9:19

Ano iy aimon nyamon ma nyamun eme hamon ja. Eme Sol badeh, udu hawe oro lau ta Jises udu Damaskus len solo-an sese.

Aposel 9:38

Lida doh badeh, udu mirihik ta Jopa. Ya eme oro lau ta Jises anuhun Pita badeh, udu Lida. Eme oro suni uru lau la-uh badeh, ala andrek iy anya, “Ou ame suwi.”

Aposel 11:29

Eme oro lau ta a-en hamon ta Jises tiye anya, idah kameh, oro ari ari kameh abudon ta oro winiyan adeu lakou ili ta aseben nadu tine oro rayah nane ado Judiya. Oro lau lakou toro solo-an badeh, adeu lakou solo-an ta aseben.

Aposel 14:20

Arile, udu hamon ta iri lau atehei budon tiri handru in ta Kindrei awudi iy, ano badeh, iy suri iy eme loken edek iu ili hamon ja ili kon tinan. Ano len ari ja badeh, Pol uru Banabas au ala kon Debi.

Aposel 14:22

Oro ala badeh, batanau iri lau ta budon handru badeh, kabadok ta tanan handru ta bolo budon handru tiri. Eme uru anya, “Taha kameh bwese maha-an solo-an solo-an, ano taha barala baha tondrok ta Kindrei.”

Aposel 14:28

Eme uru ado hawe iri lau ta hamon ta Kindrei luluwen handru ado gwek.

Aposel 18:27

Na len Apolos anya kili Akaya badeh, nadu tinen oro ta Kindrei rayah amekes ndrinen abadok ta ili, ma oro atorou la-ukei ili toro lau ta hamon ta Jises kabe-en iy. Eme Apolos asahan badeh, ma iy ndramak mwasin ta aseben oro are mene asahan lau ta budon handru i san ta tikisiy ta Kindrei.

Aposel 19:9

Arile, iri rayah badeh, ndrine iri boto-on labai, ma batehei budon tiri bala ta Kindrei bwe, ma iri asehek sahou ndra-in i bada bolo San ta Laban udu ndranye iri lau mari. Ya eme Pol ruwani iri ado gwek ai. Eme iy kuhi oro lau ta budon handru nane dah ala bolo asiu ta leheya ta Tiranus, ma iy udu hawe oro na len mari, ta leheya oro.

Aposel 20:1

Udu hamon ta sarakau tiri ano badeh, Pol suni sahou i toro lau atehei budon toro handru in ta Kindrei ame. Ya eme iy batanau oro. Ano ma iy edek iu ili Masadoniya.

Aposel 20:30

Ma na len eme kameh, lau rayah badu bolo ado badeh, kameh tebeya wasai ta aliu iri mwan ma badih ame len ta budon handru, ma ta iri ka-en hamon toro.

Aposel 21:4

Aso ala kon doh, ma ndruni oro lau ta Jises rayah, ma aso are hawe oro are gwek, winiya len ma ndro taloh. Udu bolo len doh badeh, boto-on ta Malawin Ndrabun tiye sahou randra ili tiri. Eme ma iri tiye sahou nane doh ili ta Pol i buku doh, “Ou sala kon tinan Jerusalem labai, bwe kameh iri kadai ou amak.”

Jemis 2:7

Ya, Kindrei ale badeh, ndratehei nyara Krais mwasin labai ndra-en la-u aha. Arile, are lau handru bobose nyara Krais? Iri nadu batun, iri ateu luk solo-an udu mine iri.