Aposel 11:24 - Nyindrou

²⁴ Iy badeh, ndramak mwasin idih na Malawin Ndrabun hawe budon handru. Ma iy aluwi iri lau solo-an a ta Laban.

Aposel 11:24 Referans Kwoze

Aposel 11:21

Eme boto-on ta Laban badeh, udu la-u oro, eme lau solo-an badeh, atehei budon tiri handru ma tubuni ndrine iri ja i ta Laban.

Aposel 5:14

Arile, bwai, iri lau solo-an labai badeh, atehei budon tiri handru ili le ta Laban, ma andromwei iri hawe iri lau tan nane.

Aposel 6:5

Eme iri mari badeh, sekesek ta budon doh. Eme iri lebelei Stiben, ndramak idih na Malawin Ndrabun hawe ndramak ta budon handru; ale hawe Pilip, Prokorus, Nikanor, Timon, Parmenas, hawe Nikolas badu Antiyok. Iy mene badu Juwis bwe, arile udu ja, iy in hamon ta kandriyen tiri Juwis.

La-ukei ta Pol atorou ili tiri lau badu kon Rom 15:15

Jo nane atorou sahou rayah boto-on labai ewek taha ta tiye nyala aha ta budon taha samaniy. Tasah, na tikisiy ta Kindrei le badeh,

Aposel 9:31

Ano iri lau ta budon handru badu loboho Judiya, Galili hawe Samariya sekesek handru ta iri babwese isi ja bwe. Iri badeh, abadok ma ales boto-on na boto-on ta Malawin Ndrabun. Ma eme, kane iri i sola ma iri anoh Kindrei, eme ma iri atudun iy.

Aposel 6:8

Stiben badeh, Kindrei nyosowani iy tinan labai, ma atehei boto-on i tan ta amekes kalem tinan hawe amekes lahou tinan, udu bolo iri lau.

Aposel 6:3

Ado nadu tine, ado badeh, kalebelei oro lau ma ndro taloh badu bolo ado. Oro lau doh badeh, kadah na Malawin Ndrabun hawe tanan ta aleben budon. Ya to kameh atehei lahou doh kameh i kani oro.

La-ukei ta Pol atorou ili tiri lau badu kon Rom 5:7

Handru labai, iy ari tataha winiyan bamak ta aseben ndramak ari, taha aloh iy ndramak mwasin ta mada taha, bwe. Arile, i buku taha anyolom ndramak ari kandriyen tan mwasin labai mara-ei, sebwe taha ari winiyan atehei iy imek ta aseben iy lau doh.

Aposel 24:16

Eme ma, na len mari, jo aseken budon tek badeh, kaleu, ma jo ki-in hamon ta kandriyen mwasin ta ere mada Kindrei, ma hawe iri lau badu munyak.

Tarou ta Jon 7:12

Loboho doh badeh, iri lau solo-an labai. Iri badeh, suburuk i tiri ta Jises. Iri rayah asehek Jises i buku doh, “Iy ndramak ari mwasin.” Iri rayah ja asehek anya, “Iy ta wendreya iri lau.”

Tarou ta Luk 23:50

Ya eme ndramak ari badu hawe iri kansol nyaran, Josep badeh, ndramak ari mwasin handru ta mada Kindrei. Iy badeh, badu kon ari iri aloh Arimateya udu bolo kon loboho Judiya.

Metiu 19:17

Jises tiye i tan i buku doh, “Tasah handru ya ou ndremenya jo ta kandriyen mwasin? Ndramak ari le Kindrei, iy mwasin labai. Arile, buku none ou anya akohok kohan mwasin ta ereu le buku doh, ou a-en hamon ta sahou batanau ta Kindrei.”

Metiu 12:35

Buku none ndramak mwasin ma budon mwasin solo-an idih ereu ndrinen, idon adeh, iy ale amekes kandriyen mwasin ale. Iri lau ndra-in, tiri budon ndra-in solo-an ereu ndrine iri, ma iri ale amekes kandriyen ndra ndra-in le.

Aposel 2:4

Eme Malawin Ndrabun anyuhi ndrine oro, ma mesekei oro badeh, asehek boho kon randra doh, randra doh.

Aposel 2:47

ma atudun Kindrei. Ma, iri badeh, mwasin labai udu mada iri lau ta kon doh. Eme ya udu bolo len mari badeh, kane iri lau asola ala hawe iri rayah mene, tasah Kindrei ibo gok ta akohok iri ame hamon.