Aposel 11:23 - Nyindrou

²³ Ya eme na len iy isos badeh, iy sekesek tasah iy anyolom Kindrei atehei nyosowan i tiri, ma iy tiye iri mari kado handru le ta Laban na ndrine iri mari.

Aposel 11:23 Referans Kwoze

1 Korin 15:58

Eme ma, aha nadu tine mwan ma badih i san ta Krais, aha kabadok, ma aha kado le rasi. Tasah aha ndratanan, lahou boto-on aha amekes ta Laban kameh winiya ba-au laleyah bwe.

Aposel 14:22

Oro ala badeh, batanau iri lau ta budon handru badeh, kabadok ta tanan handru ta bolo budon handru tiri. Eme uru anya, “Taha kameh bwese maha-an solo-an solo-an, ano taha barala baha tondrok ta Kindrei.”

Aposel 13:43

Eme ma, iri lau au, arile iri Juwis hawe iri lau badu leheleh mene ndra-en hamon ta kandriyen tiri Juwis badeh, a-en hamon ta Pol uru Banabas. Uru aposel ame batanau iri i buku doh, “Aha badeh, kabadok ta bolo manyah mwasin ma tikisiy nane Kindrei ndratehei ndrame tataha.”

1 Jon 2:28

Ya, aha naduk ta Kindrei, aha katehei budon taha kihis ki-in ta Krais, ma aha ka-en hamon tan. Tasah, buku iy eme hamon eme kon munyak dah ja, kora-on bwili aha sama ta kandriyen mene aha ndramesekei, ma aha anoh ta anyolom iy. Aha kasekesek ta an hamon tan, ma aha kameh sekesek ta anyolom iy.

2 Timoti 3:10

Arile, Timoti, ou badeh, basahan buku iri lau ta leheya wasai bwe. Ou mene are hawek, ma ou ndratanam iri sahou marakon jo leheya, ma ou tanam iri tekedek tek. Ma ou tanam ndrinek, jo atehei budon tek mara-ei in ta Kindrei, ma jo atadau ndrinek, ma ales boto-on ta lakou ndra-in asahan tek. Ma ndrinek ale winiyan barih suwi bala tiri lau bwe. Jo aso-ok iri labai.

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

3 Jon 1:4

Jo anuhun buku none ado naduk an hamon ta sahou handru, ya jo sekesek ya sekesek tek badeh, sakalawi budon tek mari.

Aposel 14:26

Ano udu kon Ataliya badeh, uru alakak ala hamon ala Antiyok. Kon tinan doh mene iri lau ta Kindrei suni uru ala a len, ta amekes lahou mene i kani uru i san ta tikisiy ta Kindrei. Uru ndramesekei lahou turu ndrano, ma uru ame hamon ame Antiyok ja.

Tarou ta Jon 15:4

Arile ado badeh, kahis badak, jo kihis bada ado ale. Buku andra waen bahis badan tinan bwe, idah kameh iy winiyan bato-ou salin bwe. Idoh i buku ado bahis badak bwe, ado kameh winiyan bato-ou sali ado bwe.”

Metiu 16:24

Eme Jises tiye toro lau tan i buku doh, “Buku none ari ndramak anya ki-in hamon tek, mwasin, iy kamani iri so-ok tan mari, ya iy kabwese-ei kei tondreh tan, ya iy ki-in hamon tek.

2 Korin 1:17

Handru! Idoh budon mene jo anya ki-in hamon ta aliy. Arile, jo bawek hamon batou aha bwe. Aha anya jo ndramak ari ta tobolowe lakou laleyah nadeh? Bwe, jo bala buku i ndramak doh anya, “Ehe ma bwe” hawe a-en hamon ta so-ok tek laleyah, bwe.

Aposel 20:32

“Ya eme ta sendrehendreh ta aliy, na dah jo edeu ado ala baha tondrok ta Kindrei, ma jo aseken ado abudon sahou ta nyala tikisiy tan. Ya sahou doh kameh winiyan mesekei ado abadok, ma winiyan amekes kandriyen tado ki mwasin winiya ado akohok manyah mwasin, Kindrei ndralebelei ndra ta lau tan.

Aposel 15:40

Ya Pol kuhi Sailas i hawen ma nadu tine uru i san ta Laban atehei nyosowan i bwele-e uru ma ndremenya Kindrei ta iy katehei tikisiy tan ki bwele-e uru, eme ma uru au.

Tarou ta Mak 2:5

Eme Jises anyolom budon toro boto-on labai in tan, ya eme iy tiye sahou i ta ndramak nane badan imek anya, “Naduk, kandriyen tam ndra-in mari badeh, ndrasikine mara-ei ndra-au.”

Aposel 4:36

Eme Josep badeh, badu boho kamen ta Libai, adeu iy udu Saipres, ya oro aposel badeh, aloh iy Banabas (moson “ndramak ta edeu tanan mwasin.”)

La-ukei ta Pol atorou ili tiri lau badu kon Rom 12:8

Ya, i buku none iy tan ta amekes budon tiri lau kabadok badeh, iy kamekes iri kabadok kudu mwasin. Ya, i buku none iy tan ta anyohan iri na lakou badeh, iy kanyohan na ndrinen handru ma solo-an. Ya, i buku none iy tan ta atondrok badeh, iy katondrok kudu mwasin labai. Ya, i buku none ndramas tan ta tikisiy ma aseben iri lau maha-an udu tiri badeh, iy kaseben iri ma sekesek.

2 Korin 6:1

Ahi aposel badeh, abo gok hawe Kindrei, ma ahi tiye sahou boto-on ewek taha i buku doh, “Aha badeh, ndrakohok tikisiy ta Kindrei. Eme ma, kora-on aha karuwani laleyah.

1 Pita 5:12

Sailas badeh, iy nadu tine ari ai. Iy badeh, aseben jo ta atorou sahou tek in bolo la-ukei mo-on dah. Eme ma jo atehei ewek taha. In bolo la ukei dah, jo anya kaliu budon taha keme loken, ma jo asehek sahou handru ewek taha. Sahou jo atorou, hawe budon aha tawiy badeh, asahan ta tikisiy ta Kindrei nane, ma hawe kandriyen mwasin, iy amekes ewek taha. Eme ma, aha kales boto-on ta aliy.

La-ukei atorou Jut 1:4

Lau rayah badu lulik badeh, ndratobwak ndrame bolo taha lau ta Kindrei, taha tanan iri bwe. Iri propet bwena mene atorou nyala iri lau doh kameh ales are ta mada sahou ta Kindrei ta ndra-in tiri. Iri badeh, tebelese ma tubuni tikisiy ta Kindrei i buku kandriyen ta karei. Iri ale badeh, baso-ok Jises Krais, Laban tataha ari le doh bala buku tinan tiri bwe.