Aposel 11:16 - Nyindrou

¹⁶ Ano jo lomondrani sasah Laban mene tiye i buku doh, ‘Jon badeh alomwa ado na gwa, arile ado kameh anyu ado na Malawin Ndrabun.’

Aposel 11:16 Referans Kwoze

Aposel 1:5

Tasah, Jon mene inyu ado na gwa, arile len rayah iu, ano kameh, ado anyu na Malawin Ndrabun.”

Tarou ta Mak 1:8

Jo badeh, alomwa ado na gwa, arile iy kameh inyu ado na boto-on ta Malawin Ndrabun.”

Tarou ta Jon 14:26

Seben badeh, Malawin Ndrabun. Tama kameh suni iy eme in ta bwele-e nyarak. Iy kameh leheya aha ta iri lakou marakon, ma amekes iri budon taha kudu tiri lakou mene jo ndrasehek ndrawek taha.

Tarou ta Luk 3:16

Eme Jon anya, “Jo alomwa ado na gwa, arile ndramak ari in hamon tek eme kameh, boto-on tan badeh, sakalawi boto-on tek ja. Jo badeh, mwasin handru bwe, ta talou malou ta molowa ku-i katin bwe. Arile, iy kameh inyu ado na boto-on ta Malawin Ndrabun ma aleben ado buku jih.

Metiu 3:11

Jo alomwa ado na gwa ta leheya ado badeh, ndratubuni ndrine ado ma ado tikisi kandriyen ndra-in tado. Arile ndramak ari in hamon tek eme kameh, boto-on tan badeh, sakalawi boto-on tek ja. Jo badeh, mwasin handru bwe, ta bwese ku-i katin bwe. Iy kameh inyu ado na boto-on ta Malawin Ndrabun ma aleben ado buku jih.

1 Korin 12:13

Handru, taha rayah badeh, Juwis, ma rayah bwe. Taha rayah badeh, bonyo-ou, ma taha rayah badeh, bwe. Arile, Malawin Ndrabun ndratehei taha mara-ei ndrala ndrahis ta bada Krais le ari. Iy amekes doh bwena, kala taha mene alomwa taha na Malawin Ndrabun ari le nane, eme ma, Kindrei tiye iy ta eme ndrine taha mara-ei.

Aposel 20:35

Ma udu bolo lahou tek mari, jo ndraleheya aha ta san ta kandriyen ta amekes gok boto-on, aha kaseben iri lau nyamu iri bwe. Ma taha kabudon sahou mene Jises asehek i buku doh, ‘Are ndramak, iy edeu lakou ili tare lau, iy badeh, sekesek tinan handru. Ma sekesek ta iy ndramak nane akohok lakou winiyan basakalawi sekesek ta iy ndramak nane aseben iy bwe.’ ”

Tarou ta Jon 16:4

Arile jo ndrasehek iri sahou dah ndrawek taha, i buku len asahan ta iri anya kamekes iri lakou nane doh, eme aha kameh abudon ja, ta sahou jo mene ndrasihidiy ndrawek taha. “Jo ma bwena mene udu hawe aha, arile jo basehek iri lakou marakon nane dah bawek taha bwe.

Tarou ta Jon 1:33

Jo bala tanan iy bala mwasin bwe, arile Kindrei leheyani iy i buku doh eme madak: Iy tiye jo kinyu iri lau na gwa. Idoh iy asehek eme tek, ‘Buku ou anyolom Malawin Mwasin atah eme andri, ma erah udu bwele-en, badeh, iy le ai. Iy kameh inyu iri lau na Malawin Ndrabun.’ ”

Tarou ta Jon 1:26

Jon anya, “Jo inyu iri lau badeh, na gwa. Arile, ndramak ari ales udu hawe to kada-ah, ado tanan ado iy bwe.

2 Pita 3:1

Ado kawas tek ta budon handru, idah la-ukei tek ramen ja ai; badu hawe ramen mene jo atorou ndrawek tado. Udu bolo la-ukei ma lumen doh, jo anya katiye tado ja ta bale ado samani kandriyen mwasin ta bolo tekedek tado.

Tarou ta Luk 24:8

Ano badeh, oro baralomondrani ai.

Metiu 3:6

Eme ma iri asehek budon ma lomondra ndra-in ta karei tiri i ta Kindrei, ma iy alomwa iri ta sikine kandriyen ndra-in tiri iu udu gwa Jodan.