Aposel 10:34 - Nyindrou

³⁴ Ano Pita asehek anya, “Kabwai, na dah jo ndranyolom handru ta Kindrei badeh, baseken ndramak rayah le bwe.

Aposel 10:34 Referans Kwoze

La-ukei ta Pol atorou ili tiri lau badu kon Rom 2:11

Tasah, Kindrei aleben iri lau mari i san ta kandriyen randra le.

Kolosi 3:25

Iri mwan o badih, amekes kandriyen ndra-in, iri kameh akohok ndramas in hamon ta kandriyen nane iri amekes. Kindrei badeh, aleben kandriyen tiri mwan ma badih marakon kasahan ari le.

1 Pita 1:17

Taha aloh Kindrei badeh, tama taha, buku taha asolom i tan. Iy badeh, ndramak ta ereu bwena ta anuhun sahou, ma iy kameh edeu sihine taha lau mari, amwenen le ta gok nane taha amekes. Ma iy badeh, babudon ou saba lau handru, ma iy kameh winiyan batobolowe budon tan bala bame, bwe. Iy badeh, anuhun sahou tataha mari na kati budon tan ari le. Budon tan badeh, mwasin labai. Eme ma, len mari taha areu kon munyak dah, taha kabeleben Kindrei kamwenen handru.

Epesus 6:9

Aha lau tinan tiri lau bonyo-ou, aha ale kamekes kandriyen mwasin i buku doh kili tiri. Aha karuwani kandriyen ta sahou ndra-in, ma nohowa iri bonyo-ou mwan o badih. Tasah, aha ale tanan, Laban badeh, udu kandrah, ma iy Laban taha, ma tiri lau bonyo-ou ale, ma iy badeh, aleben kandriyen tiri mwan ma badih marakon ta kandriyen randra le.

Tarou ta Luk 20:21

Eme ya oro lalou lelen Jises anya, “Ndramak ta leheya, aso badeh, tanan sasah ou leheya kede-eh, ndra handru le ai, ma ou badeh, banoh are ndramak bwe. Ou badeh are le alih turu. Tasah, ou badeh, leheya san ta Kindrei handru i tiri lau.

Jemis 2:9

Arile, buku aha apwai iri lau ta Kindrei a rabuk doh, rabuk doh, eme ma aha atondrok iri mwan ma badih nane tiri luk solo-an ai, ya aha atehei kona aha ja ili tiri lau nane tiri lakou bwe, badeh, aha ndrabwidi kandriyen ndra-in kabwe, ma aha ale badeh, ndrabokoro-ei batanau ta Kindrei.

Kolosi 3:11

Eme ma, taha lau marakon ndrasahan ha-un, taha marakon badeh, ari le. Taha sabudon ja buku taha badu Grik, o, badu Juwis, ma taha mene asan ku-i taha, o, taha basan ku-i taha bwe. Ma taha badu boho kon randrah, randrah, o, badu bada kon tinan rakon, rakon, o, taha ado buku bonyo-ou le, o, taha are laleyah. Tasah, Krais le ari udu aliy, ma Krais le amwenen badeh, udu bolo taha marakon.

Galesiya 2:6

Arile, oro tinan tiri lau ta Kindrei badu Jerusalem badeh, bamekes bala buku iri lau ta wasai doh bwe. Taha anya, oro tinan tiri lau ta Kindrei doh badeh, are bwele-en sese tiri lau rayah ja, arile Kindrei ja badeh, baso-ok oro lau tinan nane doh bwe. Iy ja badeh, banyolom oro ta lakou badu manan bwe. Eme ma, lakou laleyah ta budon tek, iri tinan deh bwe. Oro badeh, badeu sahou toro amwenen bala hawe sahou mwasin nane aso asehek ewek taha bwe,

Jemis 2:4

Buku aha amekes kandriyen i buku doh ta bokoro-ei i ndramak nane tan ari lakou bwe, badeh, aha ndrabwidi kandriyen ndra-in kabwe. Idoh i buku aha ndralebelei iri lau ta Kindrei rayah na budon ndra-in taha. Aha badeh, babudon anya iri ale buku aha, ma aha amekes kandriyen mwasin i buku doh i tiri, bwe. Aha le amwenen badeh, aleben aha ta anuhun sahou tiri, ma idoh badeh, bamwenen bwe.

Metiu 22:16

Iri suni oro ra-on tiri hawe oro lau ra-on ta Herot, ala atou Jises, ma oro tiye tan i buku doh, “Ndramak ta leheya, aso tanan, ou lau ta asehek sahou handru. Ya, na sahou handru ou ale leheya iri lau mwan ma badih ta kandriyen ta Kindrei. Ou banoh ta ari ndramak bwe. Ya, ou asehek sahou ari le ili tiri lau mari, buku ndramak nyaran tinan, deh, ndramak iy nyaran bwe.

Metiu 5:2

Eme ma iy leheya oro, ma iy asehek sahou i toro i buku doh,

Aposel 8:35

Ano Pilip asehek nyalan ta sahou nane iy aloh, ma asehek sahou mwasin ta nyala Jises i tan.

Aposel 10:33

Eme jo suni oro awek suwi ta atou ou, ma mwasin handru ta ou ame. Ya abo, aso mari kada-ah are mada Kindrei ta anuhun sasah Laban tiye ewek tam ta asehek eme taso.”

Aposel 15:9

Iy badeh, bamesekei iri bala randrah ja tato bwe; iy badeh, sikine ndrine iri amwenen i san ta budon handru tiri le.

La-ukei ta Pol atorou ili tiri lau badu kon Rom 3:29

Ya buku sah bah? Sebwe Kindrei badeh, Kindrei tiri Juwis le ai? Ya iri lau badu leheleh bwai? Bwe, iy Kindrei tiri lau badu leheleh ale.

Jemis 2:1

Aha nadu tine mwan ma badih tek amwenen, aha ndratehei budon taha ndra-en ta tinan tataha Laban Jises Krais. Iy Laban ta lakou mwasin mara-ei badu kandrah. Eme ma, kora-on aha kabo gok ta amekes kandriyen mwasin ili le tiri lau nyara iri tinan, ma aha atehei kona aha ili tiri mwan ma badih nyara iri bwe. Aha badeh, kamekes kandriyen mwasin randra le kili tiri mari.