Aposel 10:22 - Nyindrou

²² Eme oro lau anya, “Aso dah ado hawe Koniliyus ndramak batun tiri lau ta bahun badu Rom ame dah. Iy badeh, ndramak mwasin handru ma iy badeh, inoh Kindrei labai, ma iy badeh, iri lau mari badu Isra-el aso-ok iy tinan labai. Angelo ndrabun badeh, tiye tan ta ou ala asiu tan, ya eme iy kanuhun sahou badu bohom.”

Aposel 10:22 Referans Kwoze

Aposel 11:14

Iy kameh tiye sahou tam ma hawe oro lowam mari. Ma na sahou doh Kindrei kameh sebenei ado.’

Aposel 10:2

Koniliyus ma hawe lowan oro badu Juwis bwe, arile iy ma hawe oro mara-ei ado asiu tan badeh, atudun Kindrei le ai. Iy badeh, edeu lakou i tiri lau lakou bwe, ma amekes salom i ta Kindrei na bolo len mari.

3 Jon 1:12

Lau mari tanan Demitiriyus, ma iri asehek nyala kandriyen mwasin tan hawe sahou handru ta Kindrei iy asehek. Aso ale asehek nyala kandriyen tan, aha ndratanan, buku sahou taso badeh, handru.

2 Pita 3:2

Jo badeh, aseken ado samani sahou mene iri propet ndrabun ta tiye sahou badu boho Kindrei asehek i tado bwena mene ta nyala lakou kameh asahan na len hamon. Ma hawe bale ado ale samani sahou batanau mene toro aposel ta Laban Jises Krais, ndramak ta aseben taha, mene suni iri awek tiye ndrawek tado.

Hiburu 12:23

Idah aha ndruni iri nah Kindrei aso-ok iri tinan labai, nyara iri iy ndratorowenei udu bolo buk tan udu kandrah. Eme aha ndrasilahei Kindrei amwenen, iy atehei lau marakon are ta mada sahou. Ma malawi iri lau ale mwena mene ndramak, Kindrei aloh iri lau mwasin, ma iri ndrasahan mwasin labai ta madan.

Hiburu 11:2

Budon ta tubu taha iri handru in le ta Kindrei, eme ma bwidi iy sekesek tinan labai.

Hiburu 10:38

Arile, iri lau mwan ma badih tek mwasin, iri atehei budon tiri in tek, eme ma koha iri kameh ta ere le buku doh. Ma buku iri tubuni kona iri eme tek, o, iri batehei budon tiri bame tek ja bwe, ndrinek kameh winiyan basekesek tiri bwe.” Habakuk 2:3-4

1 Timoti 3:7

Nyaran badeh, ki mwasin ta ndranye lau mari. Ya, ki buku none bwe, badeh kameh iy akohok bwilima ma balik kameh sawei iy.

2 Korin 5:18

Kindrei le amwenen, kati iri lakou marakon doh. Bwena mene ahi ta amekes bahun i tan, arile na gok Krais amekes, Kindrei aseben ahi asahan mwasin hawen. Ma iy edeu gok dah eme tahi ta aseben iri mwan ma badih rayah ame asahan mwasin.

La-ukei ta Pol atorou ili tiri lau badu kon Rom 1:17

Sahou doh handru, tasah sahou mwasin leheyani kandriyen mwasin ta Kindrei eme lewan, ta iy aloh iri lau mwasin mara-ei ta madan i san ta budon handru le, udu ndra bada katin eme taku na len dah. I buku none tarou ta Kindrei tiye i buku doh, “Are lau le atehei budon tan handru in ta Kindrei, Kindrei kameh aloh iy mwasin mara-ei ta madan, ma iy ndramak doh le winiyan akohok kohan ha-un ta udu le buku doh.” Habakuk 2:4

Aposel 24:15

Jo in hamon ta Kindrei, iri lau nane atehei jo ili ta mada sahou badeh, a-en hamon tan ale, ma ahi atondrok, len hamon Kindrei kameh mete-ei iri lau mwasin, ma hawe iri lau ndra-in mene ndramak, kameh amak ame awas ja.

Aposel 22:12

“Ndramak ari nyaran Ananayas, iy udu bolo kon nane doh. Iy lau ta Jises ari ai, len mari badeh, iy in hamon le tiri kandriyen ta batanau, eme ma iri Juwis nane are Damaskus badeh, aso-ok iy tinan labai.

Aposel 10:33

Eme jo suni oro awek suwi ta atou ou, ma mwasin handru ta ou ame. Ya abo, aso mari kada-ah are mada Kindrei ta anuhun sasah Laban tiye ewek tam ta asehek eme taso.”

Aposel 10:6

Iy badeh, udu asiu ta liyen Saimon, ndramak ta asereh ku-i katin haka, ya asiu tan udu kabede ndras.”

Aposel 6:3

Ado nadu tine, ado badeh, kalebelei oro lau ma ndro taloh badu bolo ado. Oro lau doh badeh, kadah na Malawin Ndrabun hawe tanan ta aleben budon. Ya to kameh atehei lahou doh kameh i kani oro.

Tarou ta Jon 17:20

“Tama, jo basolom toro le lau nane ado hawek kada-ah bwe, arile ta are lau kameh iy atehei budon tan ale in tek, tasah ta sahou tam oro kameh asehek.

Tarou ta Jon 17:8

Jo ndratiye toro ta sahou mene ou asehek tek, ma bwidi oro sekesek. Oro ndratanan jo udu hawem eme, ma oro atehei budon toro ewek tam ta ou le suni jo eme.

Tarou ta Jon 13:20

Ado kanuhun, jo tiye tado handru, are lau iy akohok ma aseben ndramak nane iy amekes lahou tek, idoh i buku none le iy akohok jo ma aseben jo ale. Ma are lau akohok jo, idoh i buku none le iy akohok Kindrei iy suni jo eme dah.”

Tarou ta Jon 6:68

Saimon Pita eme asehek ili tan i buku doh, “Laban, are handru kameh aso kala hawen? Sahou ou asehek badeh, kohan handru udu aliy iy winiyan bano bwe, iy kameh ta udu le buku doh.

Tarou ta Jon 6:63

Oda ndramak winiyan badeu kohan handru bala ta ndramak bwe. Idoh badeh Malawin Ndrabun edeu kohan handru. Sahou jo asehek ewek taha badeh, ta Malawin Ndrabun, ma iri sahou doh edeu koha iri ewek taha.

Tarou ta Jon 5:24

“Handru labai, jo katiye tado: Are lau iy anuhun sahou tek ma iy atehei budon in ta iy nane suni jo eme, kohan handru kameh winiyan bano bwe, iy kameh ta udu le buku doh. Iy winiyan bala ta mada sahou bwe. Iy ndrasakalawi imek, ma iy akohok kohan handru.

Tarou ta Luk 23:50

Ya eme ndramak ari badu hawe iri kansol nyaran, Josep badeh, ndramak ari mwasin handru ta mada Kindrei. Iy badeh, badu kon ari iri aloh Arimateya udu bolo kon loboho Judiya.

Tarou ta Luk 2:25

Eme ndramak ari badu Jerusalem nyaran Simiyon badeh, udu aliy. Iy badeh, mwasin handru ta mada Kindrei ma iy inoh Kindrei labai. Ya iy badeh, Malawin Ndrabun udu tan, ma iy abe-en len ta seben ta lau badu Isra-el kameh asahan.

Tarou ta Mak 8:38

Ou are lau bwilim ama jo ma ta sahou tek udu bolo lau rebesem dah ta maliye Kindrei ma lomondra ndra-in, Nadu Ndramak Awas kameh bwilin ama ou ale, i buku none len hamon kameh, iy eme ma hawe lomada taman hawe iri angelo, lau ndrabun badu loken.”

Tarou ta Mak 6:20

ma Herot ale, inoh Jon, tasah Jon badeh, ndramak mwasin labai ta mada Kindrei, eme ma Herot badai iy bwe. Batun aso ta anuhun Jon, arile iy aso-ok ta anuhun iy labai ja.

Metiu 1:19

Josep badeh iy ndramak ari ta amekes kandriyen mwasin, arile iy bwalen ta asehek Mariya eme lewan ta lau mari sanuhun; eme ma iy amekes budon ta iy kisan tasou turu ki-iu kamunum le.

Metiu 2:12

Na ben oro amadin ma oro ameh Kindrei batanau oro sala hamon ja sala hawe kabin Herot, oro kala hamon kala kon toro kala san rasan ja.

Tarou ta Luk 9:26

Ou are lau bwilim ama jo ma ta sahou tek, Nadu Ndramak Awas kameh bwilin ama tan ale, i buku none len hamon kameh, iy eme ma lomadan tan, hawe lomadan ta taman, ma hawe lomadan tiri angelo, lau ndrabun badu loken.

Aposel 10:21

Eme Pita ili andri tiye i toro anya, “Ado asilah jo, jo asah idah. Ado ame dah luwa sah?”

Aposel 10:30

Eme Koniliyus anya, “Len hahuw mene ndra-au, na mada an taloh na beyeh badeh, jo udu asiu tek asolom. Nawin bwe badeh, ndramak ari asini awin belen nyikadin, ales udu bwena tek,

Rebelesen 14:10

Iri kameh a-un waen udu bwesam ari. Waen doh kameh leheya iri lakou ndra-in labai, Kindrei kameh amekes ili tiri mwan ma badih, ta kandriyen ndra-in nane iri a-en hamon ta aliy. Tasah, iy ibolosen tinan labai ili tiri. Eme ma iri kameh akohok sisi-in ndra-in labai ta nyaraha jih anya ta bek solpa. Ma iri angelo ta Kindrei hawe Nadu Sipsip tan, kameh anyolom iri mwan ma badih akohok sisi-in tinan labai doh.