Aposel 10:15 - Nyindrou

¹⁵ Eme Kindrei aloh san rasan ja anya, “Ou badeh, saloh anya iri lakou, Kindrei sikinei ko-ak ndra-au, ya ou saloh ko-ak udu aliy ja ai, ndri-iy.”

Aposel 10:15 Referans Kwoze

1 Korin 10:25

Buku ou asih oda iri lakou badu mada ba-en, iri marakon badeh, mwasin ta aimon. Ou satehei budon solo-an ta ndremenya ta oda iri lakou dah, iri ndratehei salom ta kindrei ta wasai ndrala bwele-en, o, bwe.

Metiu 15:11

Saba lakou i bolo boho ari ndramak, idoh babwidi iy bandra-i bwe. Arile, lakou bohon asehek, idoh mesekei ndramak andra-i.”

Taitus 1:15

Ya kati tanan handru i buku doh: I buku none tekedek ta lau udu mwasin ta mada Kindrei, sasah lau beleben badeh, winiyan badai iy bwe, idoh badeh, ndra mwasin le. Arile, i buku none tekedek ta lau bamwenen ta mada Kindrei bwe, ma hawe iri batehei budon handru ba-en tan bwe; iri beleben sasah, arile idoh badeh, bamesekei iri bamwenen ta mada Kindrei bwe le. Ma laba tinan ta aliy badeh, budon toro bala mwasin ja bwe. Oro bala tana oro ndra-in udu heh bwe, hawe oro bala tana oro mwasin udu heh bwe. Eme sasah ndra-in oro amekes badeh, oro batona anya idoh ndra-in bwe. Oro anya ndra mwasin le ai.

Tarou ta Mak 7:19

tasah idoh winiyan bala budon bwe, arile ili ndrabai ano ndramak iu akeh ili sareu.” (Eme sehek ta aliy, Jises anya, nyamon mari mwasin ta aimon le ai.)

La-ukei ta Pol atorou ili tiri lau badu kon Rom 14:14

Eme ya, jo katiye kamwenen; jo dah badu hawe Laban Jises. Ya jo ndratanan handru en, ta nyamon mari kede-eh ndra mwasin le, ya ari ndra-in aliy bwe. Arile, i buku none ari ndramak anya iy beleben badeh, mwasin, lakou ta budon tan ai, ma mesekei iy baimon nyamon bwe.

Aposel 10:28

Eme iy tiye i tiri i buku doh, “Ado badeh, tanan idoh badeh, ba-en hamon ta batanau malen bwe, ta ahi lau badu Juwis winiyan ba-en bolo aha bwe, ma ahi saselesen aha lau badu leheleh. Arile, Kindrei mene ndraleheyani ndrame tek, ta jo badeh, saloh ari ndramak ndra-in ta mada Kindrei.

Aposel 11:9

“Eme Kindrei aloh san rasan ja anya, ‘Ou badeh, saloh anya iri lakou Kindrei sikinei ko-ak ndra-au, ou saloh ko-ak udu aliy ja ai, ndri-iy.’

La-ukei ta Pol atorou ili tiri lau badu kon Rom 14:20

Aha sasemete-ei lahou ta Kindrei na andres ta nyamon, ndri-iy. Handru, nyamon mari badeh, ndra mwasin le ta aimon. Arile, ndra-in badeh, i buku ou aimon nyamon ari, ma kandriyen tam doh amekes ndramak ari ja ato-ak ma taku.

Aposel 15:20

Arile, to atorou ki toro ma katandra-un toro saimon nyamon iri ndratehei ndra mine kindrei ta wendreya, iri amekes na sukumada kei; oro samekes kandriyen ndra-in ta karei; oro saimon oda iri lakou buku me ma bulumakau ndra udu ta aliy, ma sa-un ndraye iri ale.

Aposel 15:9

Iy badeh, bamesekei iri bala randrah ja tato bwe; iy badeh, sikine ndrine iri amwenen i san ta budon handru tiri le.

Aposel 15:29

Aha saimon nyamon ala ndrala ta salom tiri kindrei nane iri asehek na sukumada kei, ma aha saimon oda iri lakou buku me ma bulumakau ndra udu ta aliy, ma hawe sa-un ndraye iri, ma hawe aha samekes kandriyen ndra-in ta karei. Buku none aha kateleya aha tiri lakou doh, idah kameh aha ado mwasin. Kabwai.”

Rebelesen 14:20

Iri waen badeh, ili bolo kun bek laba tinan udu manan kesehe kon tinan ta atisih iri. Eme ma ndraye waen amou kabede kun bek eme len, atas ili winiya kilomita ma tonek (300), ma eme loken lawe-en badeh, winiya le hayen iri atehei udu boho iri hos.

Aposel 10:16

Kindrei aloh i san tulusin ano, suwi labai kolau dah iu i kandrah ja.