Aposel 10:1 - Nyindrou

¹ Udu kon Sesariya doh badeh, ndramak ari nyaran Koniliyus udu aliy. Iy badeh, batun tinan ta atondrok lau ta bahun ma rinek (100) badu Rom. Iy ma hawe iri lau ta bahun tan badu rakum iri aloh lau ta bahun badu Itali.

Aposel 10:1 Referans Kwoze

Aposel 27:1

Iri atilik nyala iri ano, eme ma nyala iri ndra le randra, ta aso kakohok ndron ta ala kon tinan Rom udu bolo munyak tinan Itali. Iri ame atehei Pol ili hawe iri lau rayah ja nane badu bolo asiu lulik, i mine tinan ari nyaran Juliyus. Iy ta atondrok iri lau ta bahun, kane iri ma rinek (100). Iy badu hawe iri lau ta bahun ta Sisa amwenen.

Metiu 27:27

Iri lau ta bahun ta Pailat kuhi Jises ili bolo asiu tinan ta atukum tiri Rom, ma iri mari tukumwi iri ame ales are madan.

Aposel 8:40

Ya Pilip badeh, ili ja asahan Asdot; eme iy ili bolo kon tinan mari atiye sahou mwasin ili ili asahan Sesariya.

Aposel 27:43

Arile, tinan ta atondrok iri lau ta bahun badeh, anya kaseben Pol, ma iy tiye tiri lau tan samekes kandriyen doh. Iy eme tiye tiri lau nane, tana iri ta aya, kasandroh kala gwa, ma kaya kala amik.

Aposel 25:1

Pestus eme asahan Sesariya ta akohok kon ta Peliks. Ano, udu hamon ta len taloh iu, iy iu ili loke ili Jerusalem.

Metiu 27:54

Iri lau ta bahun ma tinan tiri nane atondrok Jises nane atou kon totoreh ma iri lakou mari nane asahan, oro anoh labai ma oro anya, “Handru labai, iy kede-eh Nadu Kindrei handru!”

Aposel 27:31

Arile, Pol asehek ili tiri tinan ta tondrok lau ta bahun ma iri lau ta bahun i buku doh, “Buku oro lau doh bado ndron bwe, aha kameh winiyan bado bwe.”

Aposel 25:13

Len sabe iu, ano kabin Agripa hawe udun Banis, uru ame Sesariya anya kaselesen Pestus.

Aposel 23:33

Oro ala asahan kon tinan Sesariya, eme oro lau ta bahun nane tiyani Pol amwenen iu ili hawe kabin ta kon doh. Ma oro atehei la-ukei nane ili minen.

Aposel 23:23

Eme, tinan ta atondrok iri lau ta bahun luhi uru tinan la-uh ja badu bahandran ame, ma iy asehek i turu anya, “Ya, ah kandrei lau ta bahun ma lunek (200) kawek hawe ah ta ala Sesariya na ben kameh, hawe oro ndro tonoh (70) lau ta bahun, oro winiyan sakaliye ta hos, ma hawe lunek (200) lau ta bahun ja ta orou nyah. Ah katiye iri kado le katondrok mada an kili buku ndro-ari na ben dah.

Aposel 22:25

Eme ma iri lau ta bahun ame bawei Pol, ano iri anya ka-um iy ai. Arile, Pol badeh, ales ere mirihik ta ndramak tinan ta bahun ari, iy ta atondrok iri rayah ai. Eme Pol tiye i ta ndramak nane i buku doh, “Ou anuhun se, buku nyara ndramak udu bolo buk badu kon Rom, ya kandriyen ta batanau asehek i buku doh, iy kili ta mada sahou mwena op, ta seleya iy ndramak nane doh, bwidi kandriyen handru o bwe. Ya, i buku sah handru, na idah ja ado kameh anya ka-um jo laleyah?”

Aposel 21:8

Na len ari ja badeh, ahi alakak are Tolomes ala kon tinan Sesariya. Udu loboho doh, badeh aso ala asahan asiu ta lau ta Jises ari nyaran Pilip, ma aso amadin hawen. Iy ta atiye sahou ta Jises na len mari, ma iy badu hawe oro lau ma ndro taloh mene iri lau ta Kindrei hawe oro aposel badu Jerusalem atehei oro ta aseben iri lau ta Kindrei.

Tarou ta Jon 18:12

Ano iri lau nane ta bahun badu kon Rom hawe tinan ta bwena ta bahun tiri, ma hawe iri lau ta atondrok asiu ta Kindrei ame tawi Jises, ma bawei iy.

Tarou ta Jon 18:3

Iri tinan tiri pris ma iri Parasi tiye i tiri lau ta bahun badu kon Rom, ma iri lau ta atondrok asiu tinan ta Kindrei ka-en hamon ta Judas. Judas tanan kon doh, eme ma iy in bwena tiri. Iri telemei sun hawe iri lakou ta bahun, iri ala asahan bolo bilin ta Olip nane doh.

Tarou ta Luk 7:2

Eme ndramak batun tinan ta atondrok lau ta bahun udu Kapena-um ale. Iy ma hawe ndramak ta lohowan tan, ma lohowan tan doh badeh, iy aseken iy tinan labai. Arile, iy badeh, ibo sik ma iy anya kimek.

Tarou ta Mak 15:16

Eme oro lau rayah ta bahun aluwi iy eme len i bolo asumwe Pailat (idoh asiu tinan ta atukum tiri Rom). Eme ma oro luhi iri lau solo-an solo-an ta bahun dah ame.

Aposel 10:24

Ano i bada len ari ja badeh, iy isos Sesariya. Ya Koniliyus badeh, abe-en oro kameh asahan na len doh. Eme iy luhi oro kawas tan, hawe lowan oro badu mirihik tan ala hawen.

Aposel 21:31

Iri anya kadi Pol kimek ki-iu, arile tinan ta atondrok lau ta bahun badu Rom, badeh, ndranuhun lau solo-an labai ado Jerusalem ndratukum, ma anya kamekes bahun laba tinan.