Aposel 1:8 - Nyindrou

⁸ Arile, ado kameh akohok boto-on na len Malawin Ndrabun kameh ewek la-u ado; ma ado kameh atiye sahou tek ili Jerusalem, ili Judiya, ili Samariya, ano kili kon munyak mari.”

Aposel 1:8 Referans Kwoze

Metiu 28:19

Ado kala kon mari, ya kamesekei iri lau mari kasahan lau tek, ado kalomwa iri na nyara tama, ma nadun ma hawe Malawi Ndrabun.

Tarou ta Mak 16:15

Eme ma iy tiye i toro i buku doh, “Ado kala bolo kon munyak mara-ei badeh, katiye sahou mwasin doh ki tiri lau mari.

La-ukei ta Pol atorou ili tiri lau badu kon Rom 15:19

Handru, Malawin Ndrabun aseben jo ta asehek sahou, ma iy edeu boto-on eme tek ta amekes kalem ma lahou tinan. Iri lau anyolom ma iri atehei budon tiri handru in ta Krais. Ya eme jo mene edek udu ndra Jerusalem o-on eme eme taku Ilirikum ta atiye sahou mwasin handru ta nyala Krais.

Aposel 5:32

Ya, eme aso dah badeh, anyolom lakou mari doh, na mada aso amwenen. Ma hawe Malawin Ndrabun ta Kindrei ale bwidiy aleu iri lakou doh. Kindrei badeh, winiyan edeu Malawin i tare lau, buku none iy anuhun bohon.”

Aposel 4:33

Eme oro aposel asehek sahou ta nyala amak eme awas ja ta Laban Jises na boto-on ta Kindrei. Ya eme Kindrei apwai nyosowan badeh, i la-u iri mari.

Aposel 6:8

Stiben badeh, Kindrei nyosowani iy tinan labai, ma atehei boto-on i tan ta amekes kalem tinan hawe amekes lahou tinan, udu bolo iri lau.

La-ukei ta Pol atorou ili tiri lau badu kon Rom 10:18

Ya eme jo lelen i buku doh, iri ndranuhun sahou mene deh bwe? Ehe, iri ndranuhun oh! Buk ndrabun tiye, “Sahou badu boho oro ndraseker bolo munyak mari, ma sahou badu boho oro, lau badu len loboho heh, loboho heh ndranuhun kabwe.” Wari 19:4

Tarou ta Jon 15:27

Eme ma aha ale kameh asehek jo, tasah aha ado hawek ndra bwena labai, eme asahan nane dah.

Tarou ta Luk 10:19

Ado kanuhun! Jo badeh, ndratehei boto-on handru ndrawek tado, ta ado winiyan adek bwele-e mwak ndra-in, hawe adek bwele-e sabiyep; ma boto-on ta sakalau boto-on ta balik; ya eme ari lakou winiyan batok tado bwe.

Aposel 1:5

Tasah, Jon mene inyu ado na gwa, arile len rayah iu, ano kameh, ado anyu na Malawin Ndrabun.”

Metiu 24:14

Sahou mwasin dah nyala tondrok ta Kindrei kameh tiyaniy ili isos kon mari, ta iri lau marakon kanuhun, ano kon munyak dah barano.

Aposel 2:32

Kindrei badeh, mete-ei Jises amak eme awas ta imek. Eme ya aso dah badeh, asehek nyala lakou handru mene asahan.

Aposel 22:15

Ma ou kameh a buku bohon ta tiye tiri lau mari ta saba lakou nane ou ndranyolom, ma ou ndranuhun.

Aposel 13:31

Ma udu bolo len solo-an badeh, oro lau mene ta adek hawen ado Galili ili Jerusalem anyolom iy. Oro badeh, anyolom iy na mada oro amwenen, ma iri asehek sahou tan ili tiri lau badu Isra-el ai.

Tarou ta Luk 1:35

Eme angelo dah anya, “Malawin Ndrabun kameh ewek la-um, ma hawe boto-on ta Kindrei ewek la-um. Ta katin doh le, nah doh kameh i ndrabun ma aloh iy Nadu Kindrei.

Aposel 3:15

Aha badeh, adai ndramak ta edeu kohan handru ta udu le buku doh. Arile, Kindrei le mete-ei iy ta imek eme loken. Eme aru badeh, anyolom na mada aru amwenen ma aru asehek nyala aha.

Kolosi 1:23

Kindrei kameh bwidi lakou doh, buku aha tawi budon taha handru ihis, ma aha ales boto-on handru. Kora-on ari lakou kariu aha, ma aha kamani kandriyen ta budon boto-on ta sahou mwasin dah, aha mene ndranuhun ta Krais ndrandrei aha ndrame hamon ja. Jo Pol, jo ndrasahan ndramak ta atiye sahou mwasin dah, ma ahi atiye ili tiri lau mwan ma badih marakon are bolo kon munyak dah.

Aposel 1:22

Udu ndra kabatana Jon ta alomwa eme, eme taku kabatana andrei Jises udu hawe to iu i loken. Iy doh badeh, keme hawe to ta asehek nyala Jises mene amak eme awas ja.”

Aposel 8:1

Na len doh Sol badeh, udu aliy anyolom ale ma iy tiye iri ta kadai Stiben kimek. Eme na le bolo len doh badeh, iri lau mwan ma badih nane manyah ado bolo kon tinan Jerusalem amekes ndra-in labai, ili tiri lau nane atehei budon tiri handru in ta Jises, eme ma iri akohok sisi-in laba tinan labai. Eme ma iri atobwak au ala loboho kon munyak tinan Judiya hawe Samariya. Arile, oro aposel le badeh, batobwak bwai.

Tarou ta Luk 24:29

Arile, uru anya, “Ei, ou anya a heh? Ou amadin hawe aru na ben dan op, mirihik kon eben ai.” Eme iy eme hamon hawe uru.