Aposel 1:7 - Nyindrou

⁷ Eme iy tiye i toro i buku doh, “Len ma sasah asahan kameh, udu mine tama le ari. Idoh badeh, ta ado katanan ta aliy bwe.

Aposel 1:7 Referans Kwoze

Metiu 24:36

“Ari ndramak bala tanan len, deh, mada an ta Laban eme hamon bwe. Iri angelo badu kandrah ale ma nadun ale tanan bwe, taman le ari tanan.

Tarou ta Mak 13:32

“Ari ndramak bala tanan len, deh, mada an ta Laban eme hamon bwe. Iri angelo badu kandrah ma nadun ale tanan bwe, taman le ari badeh, tanan ai.

Tarou ta Mak 10:40

Arile, are kameh manyah ereu minek salin ma are kameh manyah ereu minek kamweu, idoh jo winiyan batiye bwai. Tasah kon doh tiri lau ale tama Kindrei ndralowosani iri kabwe.”

Epesus 1:10

Budon doh, Kindrei kameh bwidi marakon ano, ta len ta aliy amwenen, ta atukum lakou marakon iy amekes i le se, iri lakou marakon badu kandrah, ma udu bwele-e munyak ma Krais le ari atondrok iri marakon.

Tarou ta Luk 21:24

Ya idah kameh, iri amundroh lau rayah na samen, ya iri rayah kameh kuhi iri a bonyo-ou a kon munyak tinan mari. Ma iri lau badu leheleh kameh atondrok lakou mari badu Jerusalem, winiya le tondrok tiri barano.

2 Timoti 3:1

Ou atanam ta lakou doh: Len badeh, ndra mirihik ta Jises kameh eme hamon, iri lau ndra-in kameh amekes maha-an solo-an asahan, ma amekes i ndra-in mara-ei ja ili tiri mwan ma badih anya ka-en hamon ta kandriyen mwasin.

1 Timoti 6:15

Ya iy kameh asahan na len Kindrei le tanan, eme ya masiye ma tudun ki tan, tasah iy le ari badeh, atondrok, ma iy le ari badeh, kabin tiri kabin mari ma hawe iy le ari badeh, Laban sakalau Laban mari.

Aposel 17:26

Iy bwidi lau mari asahan badeh, in hamon ta ndramak ari le, ma iy weleyani iri lau mari manyah ado kon rakon rakon udu bolo kon munyak. Ma iy le amwenen sani len ta kon iri manyah ado aliy, ma iy atehei iri kobek ta aliy.

Metiu 20:23

Jises tiye turu buku doh, “Handru, bwiniu kameh jo a-un na aliy, ah kameh a-un na aliy ale. Arile, are kameh manyah ereu minek salin ma are kameh manyah ereu minek kamweu, idoh jo winiyan batiye bwai. Tasah, kon doh tiri lau ale tama Kindrei ndralowosani iri kabwe.”