Aposel 1:24 - Nyindrou

^24-25 Ano oro amekes salom anya, “Laban, ou badeh anyolom ndrine lau mari. Ou leheyani keme lewan keme taso ta are turu kasahan aposel ta amekes lahou tam ki saluwe Judas mene iy ndramak ndra-au.”

Aposel 1:24 Referans Kwoze

Aposel 15:8

Eme ya Kindrei badeh, tanan ndrine iri ma leheyani iy aseken iri i san ta iy atehei Malawin Ndrabun i tiri, i buku none iy amekes eme tato mene.

Rebelesen 2:23

Ma jo ale kameh idi nadu i badih nane mara-ei amak au. Eme ma iri mwan ma badih ta Kindrei kameh winiyan atanan buku, jo badeh, anyolom ma aleben amwenen labai iri lakou udu budon ma ndrine iri mwan ma badih mari. Ma jo kameh edeu ndramas ndra-in labai ewek taha ari ari, i bundruwe le iri kandriyen nane aha amekes.

Hiburu 4:13

Iri lakou marakon Kindrei mesekei, ari winiyan bamai ta madan bwe. Iri lakou marakon ere le lewan, ma udu kon lewan labai ta madan. Ma iy le ari kameh winiyan anyolom iri kandriyen taha amekes, ma taha kanyowonya marakon ki tan.

La-ukei ta Pol atorou ili tiri lau badu kon Rom 8:27

Kindrei anyolom ndrine taha, ma iy tanan budon ta Malawin Ndrabun ma sasah kameh iy ndremenya iy ta aliy ta aseben taha lau tan. Ma Malawin Ndrabun kameh ndremenya iy boto-on boto-on amwenen le ta budon ta Kindrei.

Aposel 14:23

Ano Pol uru Banabas atehei lau mwasin kasahan batun ta atondrok iri lau ta Kindrei badu kon rakon rakon. Eme iri abeles iri ta aimon nyamon, ma amekes salom i toro ma atehei oro a mine Laban ta lahou iri atehei i kani oro ta amekes.

Aposel 6:6

Eme iri tiyani oro lau doh ala hawe oro aposel. Eme oro adeu nyosowan i la-u oro ma asolom oro.

Tarou ta Jon 21:17

Ili san tulusin ai, Jises asehek sahou le nane ili tan ja, “Saimon, nadu Jon, ou kede-eh aso-ok jo handru?” Eme bwidi Pita tikisiy, tasah Jises badeh, ndremenya iy san tulusin ai, ta sahou randra le doh, “Ou kede-eh aso-ok jo handru deh?” Eme iy asehek i tan, “Laban, ou tanam lakou marakon; ou ale ndratanam jo, jo badeh, aso-ok ou labai!” Jises eme asehek sahou ili tan ja, “Mwasin, ou atondrok iri sipsip tek.

Tarou ta Luk 16:15

Eme Jises tiye i toro anya, “Ado le baden adeh, anya, ado mwasin ta mada lau adeh, arile bwe, Kindrei badeh, tanan ndrine ado. Tasah, sasah lau atou ta mada iri, anya idoh aliy le ai; arile bwe! Ta mada Kindrei anyolom badeh, lakou ndra-in laleyah.”