Aposel 1:2 - Nyindrou

² eme, eme taku na len andrei Jises iu i kandrah. Idoh, udu hamon ta iy edeu batanau na boto-on ta Malawin Ndrabun i toro aposel tan, iy mene ndralebelei.

Aposel 1:2 Referans Kwoze

Aposel 1:9

Eme iy asehek sahou doh i toro ano le badeh, Kindrei kuhi iy udu mada oro iu i loken, ma asi jor turuki iy amai ta mada oro.

Hiburu 9:24

Krais bala bolo asiu ndrabun nane lau atah na mine iri amwenen bwe, idoh malawi le asiu ndrabun handru ta Kindrei udu kandrah. Iy iu ili bolo kandrah amwenen. Iy ndrala mirihik hawe Kindrei, iy asehek taha i tan ma iy amekes gok ta aseben taha ale.

Aposel 10:38

Ma ado ndratanan i san mene Kindrei atehei nyosowan ta Malawin Ndrabun hawe boto-on ili ta Jises badu Nasaret. Ma hawe iy edek ili eme ta amekes lahou mwasin hawe amekes iri lau mene are le bahandra boto-on ta balik. Tasah, Kindrei badeh, udu hawen.

Tarou ta Jon 20:21

Jises tiye toro ja, “Mondrei kudu hawe ado. Buku le tama suni jo eme, ma jo suni ado ta ala bolo kon munyak.”

Tarou ta Jon 13:18

“Jo winiyan basehek ado marakon bwe, jo tanan are lau jo ndrandrei, arile sahou udu bolo buk ndrabun asehek, kameh asahan handru, tiye i buku doh, ‘Ndramak nane iy aimon nyamon hawek, iy le kameh edeu sa-oh tek.’ Wari 41:9

Tarou ta Jon 13:3

Jises tanan taman badeh, ndratehei iri boto-on marakon ndrala bahandra tondrok tan, iy udu hawe Kindrei eme, ano iy kameh iu ili loken hawen ja.

Rebelesen 21:14

Kabowe kon tinan nane doh, bilisiu ma bilisiu iri atudun i bwele-e bek laba tinan. Ya udu bada oro bek nane doh iri torowenei nyara oro aposel ma ronoh la-uh ta Nadu Sipsip ta Kindrei udu aliy.

Rebelesen 3:22

I buku ndranye aha udu aliy, jo aso-ok aha kanuhun saba lakou handru, Malawin Mwasin asehek ili tiri lau ta Kindrei.’ ”

Rebelesen 3:16

Arile, bwe. Aha badeh, nyarahan sese le. Eme ma jo anya kamwitini aha ado bohok kame len.

Rebelesen 3:13

Ya, buku are lau ndranyen udu aliy, jo aso-ok iy kanuhun saba lakou handru, Malawin Mwasin asehek ili tiri lau ta Kindrei.’ ”

Rebelesen 2:29

Ya, buku ndranyem udu aliy, jo aso-ok ou anuhun iri saba lakou handru, Malawin Mwasin asehek ili tiri lau ta Kindrei.’”

Rebelesen 2:11

Ya, buku ndranyem udu aliy, abo, ou anuhun saba lakou handru, Malawin Mwasin asehek ili tiri lau ta Kindrei! Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, iri kameh winiyan bakohok sisi-in ta imek ari hamon ja bwe.’ ”

Rebelesen 2:7

‘Ya, buku ndranye aha udu aliy, aha kanuhun saba lakou handru Malawin Mwasin asehek ili tiri lau ta Kindrei! Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri bwe, jo kameh tiye buku doh, iri kameh winiyan akohok nyamon badu ta kei nane edeu kohan mwasin ili tiri mwan ma badih. Kei doh badeh, udu bolo bilin ta Kindrei udu bolo kandrah.’ ”

Rebelesen 1:1

Sahou ale jo atorou dah badeh, mene bame lewan bwe, arile Jises Krais le amwenen bwidiy asahan eme lewan. Kindrei le amwenen edeu i ta nadun Jises Krais, ta iy kaleheya taha lohowan tan, ta se luwen bwe, iri lakou mara-ei doh kameh asahan. Eme, Jises amekes sahou dah i san ta ameh, iy eme suni angelo hawe sahou tan eme tek, Jon, jo lohowan tan, ma iy asehek kati ameh mara-ei doh.

2 Pita 3:2

Jo badeh, aseken ado samani sahou mene iri propet ndrabun ta tiye sahou badu boho Kindrei asehek i tado bwena mene ta nyala lakou kameh asahan na len hamon. Ma hawe bale ado ale samani sahou batanau mene toro aposel ta Laban Jises Krais, ndramak ta aseben taha, mene suni iri awek tiye ndrawek tado.

1 Pita 3:22

Ya idah Krais ndrala loken ndrala bolo kandrah, iy ere loboho lim salin ta Kindrei. Ma Kindrei ndratehei nyaran ndra tinan, ma atehei boto-on i tan, ta iy atondrok iri angelo hawe iri lakou boto-on handru badu kandrah ma munyak. Iri lakou mari ja badeh, ereu bahandran ale.

1 Timoti 3:16

Lakou laba tinan ta Kindrei aton mene ndrasahan ndrame lewen asah idoh: Jises Krais badeh, asahan ndrame awas, Ma Malawin Ndrabun leheyani iy doh badeh, amwenen handru, Ya eme iri angelo anyolom iy, Ma iri lau tan atiye sahou ta nyalan i tiri lau badu kon munyak mari, Ya iri lau badu kon munyak atehei budon tiri handru i tan. Ano iy iu ili loken i kandrah, ma atondrok lakou mari hawe taman.

Epesus 2:20

Aha asahan buku asiu, Kindrei amekes. Iy mene atah ahi aposel hawe iri propet bwena; ahi asahan buku ndru ta asiu doh. Ya, Krais Jises asahan buku ndru alih ta bwese maha-a asiu marakon doh.

Galesiya 1:1

Jo Pol: Jo badeh, aposel tiri lau ta Kindrei. Jo atorou la-ukei dah ewek taha lau mwan ma badih ta Kindrei ale are bolo kon munyak tinan Galesiya. Iri lau nane ahi amekes lahou se badeh, ale are hawek, ma iri ale anya, bada-an mwasin tiri ewek taha. Jo aposel ari, eme ma jo badeh, edek ma atiye sahou ta Kindrei. Idoh badeh, basahan na seken ta ari ndramak, bwe. Idoh badeh, asahan na seken ta Jises Krais hawe taman Kindrei le amwenen. Uru le amwenen badeh, atehei gok dah eme tek ma suni jo ta atiye sahou mwasin ewek taha. Jises mene imek, arile Kindrei ndramete-ei iy udu ta imek tan badeh, ndrame awas ja.

Aposel 1:13

Eme oro asos badeh, oro ala loken a bolo asiu mene oro areu aliy. Oro lau areu aliy badeh, Pita, Jon, Jemis hawe Enduru, Pilip, Tomas, Batolomiu, Metiu, Jemis nadu Alpeyus, Saimon Selot ma hawe Judas nadu Jemis.

Aposel 1:11

Eme uru anya, “Ado lau badu Galili. Ado ales ado kede-eh, anyolom i kandrah, ta sasah handru? Iy ndramak Jises le doh, kameh, ado anyolom, andrei iy ndra-au ndra kandrah; idah kameh, ado anyolom iy eme andri ja kameh i le buku none ado anyolom iy i loken doh.”

Tarou ta Jon 20:17

Jises anya, “Minem same badak o! Tasah, jo bala loken hawe tama bwe le. Arile ou ala tiye oro lau tek, ou tiye toro, ‘Jo kameh ilih loken hawe tama, iy tama ado. Jo ili hawe Kindrei tek ma Kindrei tado ale.’ ”

Tarou ta Jon 17:13

Na len dah jo ewek hawem, arile jo udu ndra kon munyak kahis, jo asehek iri lakou dah ili toro, ta sekesek tek tinan kirek ndrine oro.

Tarou ta Jon 16:28

Jo udu hawe tama eme andri kon munyak, ano kameh jo ruwani kon munyak, ma jo iu ili hawe tama.”

Tarou ta Jon 13:1

Len ndrabun iri aloh Pasoba ma hawe nyamon tinan ndrame mirihik. Jises ndratanan, udu bolo len doh eme kameh iy ruwani kon munyak ta iy iu ili loken hawe taman. Iy aso-ok iri lau tan marakon ado bolo kon munyak tinan labai, ili winiya le iy imek.

Tarou ta Jon 6:70

Ano Jises asehek sahou i toro i buku doh, “Jo andrei ado ma ronoh la-uh badeh, an hamon tek. Arile, iy ari in bolo ado badeh, iy balik.” (

Tarou ta Jon 6:62

Budon tado i buku sah handru, buku ado anyolom Nadu Ndramak Awas iu ili hamon ili kon mene iy udu aliy eme?

Tarou ta Jon 3:34

Are lau Kindrei nane suni iy eme, iy badeh, asehek sahou badu boho Kindrei amwenen. Tasah, Kindrei ndranyuhi iy ndrarek mara-ei na Malawin Mwasin.

Tarou ta Jon 1:16

Iy badeh, irek labai ta kandriyen ta aso-ok ma ta tikisi taha. Iy amekes kandriyen mwasin eme tataha lau mwan ma badih mari, ma taha ndrakohok nyosowan mwasin, eme taha arek ta aliy.

Tarou ta Luk 24:51

Eme iy edeu nyosowan i la-u oro le badeh, ma Kindrei andrei iy iu i loken bolo kandrah.

Tarou ta Luk 9:51

Jises badeh, tanan, mirihik kameh Kindrei akohok iy udu Jerusalem iu i kandrah. Eme ya mesekei budon tan badeh, abadok ta ili Jerusalem.

Tarou ta Mak 6:30

Eme oro aposel ame hamon ame hawe Jises, ma oro asehek nyalan ta lakou mari oro amekes.

Metiu 12:28

Arile ado kanuhun, i buku none Malawin Ndrabun ta Kindrei aseben jo ta atikah iri malawin ndra-in, ado ndratana ado kabwe, Kindrei ndrame ta atondrok aha lau mwan ma badih badu Isra-el.

Metiu 3:16

Jon ta alomwa anyuwi Jises le badeh, ma Jises eme loken ta gwa Jodan ma nawin bwe kandrah asak, ma iy atou Malawin Mwasin ta Kindrei atah i buku ban eme andri amwenen le bwele-en ma manyah udu bwele-en.

Rebelesen 2:17

‘Buku ndranye aha udu aliy, jo aso-ok aha kanuhun saba lakou handru Malawin Mwasin asehek ili tiri lau ta Kindrei. Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, jo kameh edeu niri mana, amai labai udu kon tek. Ma jo ale kameh edeu bek belen mara-ei i tiri ari, ari. Ma udu bwele-e bek doh, jo kameh torowenei nyaran ha-un udu aliy. Ma ari ndramak ja winiyan bala tanan ta kati nyaran doh bwe. Are lau, iy nane akohok bek doh, iy le kameh winiyan i tanan moson ta aliy ai.’ ”

Aposel 1:22

Udu ndra kabatana Jon ta alomwa eme, eme taku kabatana andrei Jises udu hawe to iu i loken. Iy doh badeh, keme hawe to ta asehek nyala Jises mene amak eme awas ja.”