Aposel 1:17 - Nyindrou

¹⁷ Judas badeh, mene badu hawe to ta amekes lahou dah.

Aposel 1:17 Referans Kwoze

Aposel 21:19

Aso ateu lim hawe oro, ma aso mari ja sekesek a le se. Ano Pol asehek nyala iri lakou marakon nane Kindrei amekes ere bolo iri mwan ma badih badu leheleh udu bolo iri len bwena mene iy amekes lahou tan.

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Tarou ta Jon 17:12

Len jo udu ndra hawe oro, jo atondrok oro udu mwasin labai, are bahandra boto-on ta nyaram, ou mene tondrohon jo. Jo turuki oro na aliy, eme oro mari are mwasin. Iy ari le toro kameh amai iu mara-ei. Idah kameh iri sahou marakon udu bolo buk ndrabun asahan eme lewan handru.

2 Korin 5:18

Kindrei le amwenen, kati iri lakou marakon doh. Bwena mene ahi ta amekes bahun i tan, arile na gok Krais amekes, Kindrei aseben ahi asahan mwasin hawen. Ma iy edeu gok dah eme tahi ta aseben iri mwan ma badih rayah ame asahan mwasin.

2 Korin 4:1

Kindrei mwasin, ma iy tikisi ahi, ma iy mene atehei gok ta atiye sahou mwasin dah eme tahi. Eme ma, ahi bawoyah ta amekes gok dah bwe.

Aposel 12:25

Ano, na bolo len doh ale gok ta amekes lahou ta Kindrei udu bolo Jerusalem badeh, Banabas uru Sol ndrabwidiy mari ndrano, eme ma, uru kuhi Jon Mak i hawe uru ili hamon ili Antiyok.

Tarou ta Luk 22:47

Ya eme iy asehek sahou kahis le, Judas, iy badu hawe oro lau ma ronoh la-uh nane, in mwena ma hawe lau rayah an hamon tan, ame. Iy edek eme hawe Jises anya kedeu bohon ki boho Jises.

Tarou ta Luk 6:16

ano Judas nadu Jemis, ma hawe Judas Iskariyot, ndramak kameh ta edeu sa-oh.

Metiu 10:4

Ma hawe Saimon, iy lau badu bolo iri Selot, ma Judas Iskariyot, ndramak doh hamon kameh iy edeu sa-oh ta Jises.