Aposel 1:14 - Nyindrou

¹⁴ Oro mari atukum ame se ya oro atehei budon toro i randra le i ta salom. Ma hawe oro badih rayah hawe Mariya tine Jises hawe nadu tine Jises ale udu hawe oro.

Aposel 1:14 Referans Kwoze

Epesus 6:18

Iri lakou doh, aha kamekes hawe salom, ma kandremenya Kindrei ta aseben aha. Aha badeh, kasolom ta iri lakou marakon aha amekes, na boto-on ta Malawin Ndrabun. Ma aha ale katehei ndrokei kamwenen labai, ma aha winiyan bajos bwe. Len marakon aha kasolom ta aseben iri mwan ma badih ta Kindrei.

Aposel 6:4

Ya aso badeh, budon taso ki le ta salom ma katiye sahou ta Kindrei.”

Kolosi 4:2

Aha badeh, katawiy kihis kandriyen ta salom. Buku aha anya kasolom, aha katondrok, ma aha kadeu wurah kili ta Kindrei.

Aposel 2:42

Eme iri badeh, aso-ok labai ta a-en hamon ta leheya toro aposel ma atukum ta atudun hawe abo-os jabi ramen ma asolom.

La-ukei ta Pol atorou ili tiri lau badu kon Rom 12:12

Na len ou anyolom bohon i bwena ta lakou Jises kameh edeu tam badeh, ou sekesek. Buku none maha ma isi katok tam, ou sanunu-uh ma ou ado le. Ma, na len mari, ou amekes salom ma ou ado le ta salom; ou sabudon anya Kindrei kameh winiyan bamesekei bwe, ndri-iy.

Tarou ta Luk 18:1

Ano Jises tiye sahou sokek ari i toro lau tan ta oro badeh, saruwani budon handru toro, ma oro saruwani kandriyen ta salom.

Metiu 21:22

Ya buku none ado atehei budon boto-on ma asolom, iri lakou ado asolom ta akohok, ado winiyan kuhiy.”

Aposel 2:1

Eme len ta Pentikos asahan badeh, oro mari atukum ame kon rasi le.

Tarou ta Luk 11:13

Ya, ou tanam ou ndra-in, arile ou tanam ta adeu lakou mwasin ili na nadum oro, ou winiyan atanam handru, tama ado udu kandrah kameh sekesek labai ta edeu Malawin Ndrabun ale ili toro are lau ndremenya iy!”

Aposel 2:46

Ma len mari badeh, iri atukum ala bolo asiu tinan ta Kindrei. Ma iri badeh, ado kon tiri abo-os jabi ramen ma aimon amunum le ma sekesek,

Tarou ta Luk 24:53

Ya eme na len mari badeh, oro are asiu tinan ta Kindrei adeu wurah i tan.

Metiu 12:46

Jises asehek sahou hawe iri lau mari nane kahis le, tinen hawe oro nadu tinen ame ales areu manan. Oro anya kasehek sahou hawen.

Tarou ta Luk 24:10

Oro badih nane badeh, Mariya Makdala, Jo-ana hawe Mariya tine Jemis ma hawe oro lau rayah are hawe oro asehek nyala oro aposel.

Tarou ta Luk 23:55

Eme oro badih mene ado hamon ta Jises ado ndra Galili ame badeh, an hamon ta Josep ala anyolom munu bek nane, hawe anyolom lowosa iy i bolon i andri i buku sah.

Tarou ta Luk 23:49

Arile, oro are tanan iy, hawe oro badih mene an hamon tan ado ndra Galili ame badeh, ales ado len anyolom lakou mari doh asahan.

Tarou ta Mak 16:1

Eme ya len ta amunyau ndrano ai, eme Mariya badu Makdala hawe Salome hawe Mariya tine Jemis badeh, sihinei suluw. Eme oro anya kala kanyas ki bada Jises.

Tarou ta Mak 15:40

Ma ale iri badih rayah ale areu len anyolom. Ya udu bolo iri badih nane doh badeh, Mariya badu Makdala ma hawe Salome ma hawe Mariya tine i loweu Jemis ma Joses.

Metiu 27:55

Iri badih solo-an ale ales areu len anyolom le, iri mene areu hamon tan adek loboho Galili ame ta aseben iy.

Tarou ta Luk 24:33

Eme uru suri uru suwi suwi ala Jerusalem. Eme uru ala badeh, ndruni oro lau ma ronoh ari ta Jises hawe lau rayah are hawe oro atukum.

Tarou ta Luk 8:20

Eme ndramak ari ili tiye tan anya, “Jises ei, tinem hawe nadu tinem oro ales ado manan, anya katou ou.”

1 Korin 14:13

Ta katin doh le, i buku taha asehek sahou ili boho kon rakon ja, eme lau rayah tana iri bwe, taha badeh, kasolom kili ta Kindrei ta boto-on tan keme tataha ta tobolowe moso iri sahou kamwenen.