Aposel 1:13 - Nyindrou

¹³ Eme oro asos badeh, oro ala loken a bolo asiu mene oro areu aliy. Oro lau areu aliy badeh, Pita, Jon, Jemis hawe Enduru, Pilip, Tomas, Batolomiu, Metiu, Jemis nadu Alpeyus, Saimon Selot ma hawe Judas nadu Jemis.

Aposel 1:13 Referans Kwoze

Aposel 20:8

Sun solo-an badeh, udu bolo asiu loken nane aso atukum areu aliy doh. Ya lawe ta asiu loken doh i buku asiu tolo-em, ra-em udu bwele-e ra-em.

Tarou ta Luk 22:12

Idah kameh, iy leheyani ah ta bolo asiu ari udu loken badeh, ndralowosani le. Eme ah kala aliy kamekes nyamon kudu le tato ai.”

Tarou ta Mak 14:15

Ya idah kameh iy leheya ah ta bolo asiu ari udu loken badeh, ndralowosaniy le. Eme ah kala aliy kamekes nyamon tato kudu le ai.”

Tarou ta Mak 2:14

Ano iy edek ili, ma iy atou ndramak ari ta akohok luk ta takis, nadu Alpeyus nyaran Libai. Iy manyah ereu bolo asiu tan ta gok ta akohok luk ta takis. Eme Jises tiye i tan, “Ou ame an hamon tek.” Eme Libai suri iy ma iy in hamon tan.

Jemis 1:1

Jo Jemis, jo ndramak ta lahou ta Kindrei hawe Laban Jises Krais. Jo atorou la-ukei dah ma edeu sekesek tek ewek taha mwan ma badih mari badu boho kamen ma ronoh la-uh badu Isra-el aseker areu bolo kon munyak mara-ei nane dah.

Aposel 12:17

Eme Pita atehei minen i loken amunum le ma iy tiye i toro kandru-uk, ma iy asehek i toro ta nyala Laban kuhi iy udu bolo kou eme len. Ano iy anya, “Ado badeh, kasehek nyala Jemis ma hawe oro nadu tine to oro rayah ja ta aliy. Ano ma iy ruwani oro, ya iy iu ili kon rakon ja.”

Aposel 2:38

Eme Pita asumon boho oro i buku doh, “Ado mari badeh, katubuni ndrine ado ma kanyu na nyara Jises Krais, ya idah karei ma lomondra ndra-in tado kameh sikine iu. Ma idah kameh, ado akohok Malawin Ndrabun i nyara ndramas ewek tado.

La-ukei atorou Jut 1:1

Jo Jut, jo atorou la-ukei dah. Jo amekes lahou ta Jises Krais. Jo badeh, nadu tine Jemis. Jo atorou la-ukei dah ewek taha lau ta Kindrei, iy ndratehei kalem ndrawek taha ta asahan lau tan. Kindrei badeh, aso-ok aha labai, ma iy atondrok aha udu bolo iri maha-an solo-an, tasah Jises Krais atondrok aha.

Galesiya 2:9

Eme Jemis, Pita hawe Jon badeh, oro lau ta batun dah, ndratanan Kindrei badeh, ndratehei lahou dah ndrame kanik; eme, oro ndrateu lim hawe aru Banabas. Eme, aso ndrasehek sahou randra le, ta aso amekes lahou le. Oro amekes lahou i bolo iri Juwis, ya aru Banabas amekes lahou i bolo iri lau badu leheleh.

Galesiya 1:19

Jo badeh, batou oro aposel marakon bwe. Jo badeh, atou le Pita hawe Jemis, nadu tine Laban tataha Jises.

Aposel 15:13

Sahou turu ano le badeh, Jemis asehek sahou anya, “Ado nadu tine kanuhun jo.

Aposel 4:19

Arile, Pita uru Jon anya, “Ado kanone kaseleya ki tado le se. Mwasin ta mada Kindrei ta aso kanuhun boho ado deh, bwe-em kanuhun boho Kindrei?

Aposel 4:13

Eme oro anyolom Pita uru Jon badeh, banoh se bwe, uru abadok handru. Ma oro atanan uru badeh, mene bakohok tanan tinan bwe, uru badeh lau badu kon laleyah. Eme ya mani oro atur, ma oro atanan, ta uru lau doh mene badu hawe Jises.

Aposel 2:14

Ano Pita suri iy ere loken hawe oro ma ronoh ari dah, aloh i tinan ma asehek sahou i tiri anya: “Ado nadu tine badu Juwis ma hawe ado lau mari areu Jerusalem dah, ndranye ado kasak, ya jo kasehek kaleu kewek tado.

Tarou ta Jon 21:2

Saimon Pita, Tomas (nyaran ari ja Didimus), Nataniyel iy badu Kana udu loboho Galili, ma nadu Sebedi uru ma la-uh, hawe uru lau tan la-uh ja, are hawe oro ale.

Tarou ta Jon 18:17

Iy badih ta atondrok madasan nane doh, anyolom Pita, eme ma iy ndremenya Pita, “Sebwe ou lau ta iy ndramak kodo-oh ale, neh?” Pita eme besebes le, “Bwe, jo lau tan bo-oh.”

Tarou ta Jon 11:16

Ano Tomas (iri aloh iy Didimus) asehek sahou i toro lau ta Jises marakon, “Mwasin, to marakon kala Judiya, ma to kamak ka le hawen ka-au ai!”

Tarou ta Mak 14:33

Ano iy kuhi Pita, Jemis ma hawe Jon oro a hawen, eme Jises atona bolo odan badeh, amaha ma sisi-in hawe iy tikisiy.

Tarou ta Mak 9:2

Len onoh ano, Jises kuhi Pita, Jemis ma hawe Jon a hawen, ma Jises kuhi oro ala bwele-e mandrei ari loken labai, ya oro le ado aliy. Oro ado, oro anyolom ili bada Jises ndratubuniy ndra randrah ja.

Tarou ta Mak 5:37

Eme Jises bwalen ari lau sa-en hamon tan, arile Pita le, Jemis le hawe Jon nadu tine Jemis, oro le a hawen ala.

Metiu 9:9

Eme ma Jises edek ili, ya iy atou ndramak ari nyaran Metiu manyah ereu bolo asiu tan ta gok ta akohok luk ta takis, eme ma iy tiye i tan, “Ou ame an hamon tek.” Eme Metiu suri iy ma iy in hamon tan.

2 Jon 1:1

Jo Jon, jo udu bwena ta lau ta Kindrei, jo atorou la-ukei dah, ewek ta ou badih nane Kindrei ndratehei kalem ndrawek tam, ma hawe nadum oro. Jo badeh, aso-ok ado labai! Jo le bwe, arile, hawe iri lau solo-an labai tana iri sahou handru.

1 Korin 15:7

Iy ale asahan hawe Jemis, ano iy barasahan hawe oro aposel tan marakon.

Tarou ta Jon 14:22

Judas anya, (Idoh Judas Iskariyot bwe, iy ari ja.) “Laban, i buku sah handru ou leheya ou amwenen ame lewan mada aso? Buku sah bala mada iri lau badu kon munyak bwe?”