Aposel 1:10 - Nyindrou

¹⁰ Eme mada oro badeh, udu le tan, ma iy iu i kandrah. Ya eme suwi suwi badeh, uru lau la-uh asini awin belen mara-ei ales udu ka-u oro.

Aposel 1:10 Referans Kwoze

Tarou ta Luk 24:4

Eme ya oro lomondra solo-an solo-an ta aliy le badeh, oro anyolom lau la-uh asini awin lomadan labai i buku kalik ame ales are ka-u oro.

Tarou ta Jon 20:12

Iy anyolom angelo ma la-uh ado bolo lek, asini awin belen. Uru manyah are loboho bada kei mene udu aliy. Iy ari udu loboho batun, iy ari ja udu loboho kiwin.

Rebelesen 7:14

Jo eme tiye i tan i buku doh, “Ndramak tinan tek, ou amwenen badeh, tanam iri, jo bwe.” Ma iy asehek eme tek i buku doh, “Iri lau mwan ma badih mara-ei kede-eh mene ado bolo maha-an hawe sisi-in ame len, ma iri amak udu mine iri lau ndra-in ta bahun. Iri badeh, atehei iri budon tiri mara-ei in ta Jises le ari, ma iri akohok boto-on ta ndraye Nadu Sipsip ta amekes bahun hawe kandriyen ndra-in. Idoh i buku iri sikine awin tiri na ndrayen, ma asahan belen mara-ei.

Tarou ta Mak 16:5

Eme oro a bolon badeh, oro atou ndramak loweu ari asini awin belen nyikilikin labai manyah badeh, udu loboho lim salin. Eme ya oro toroyani oro.

Aposel 10:30

Eme Koniliyus anya, “Len hahuw mene ndra-au, na mada an taloh na beyeh badeh, jo udu asiu tek asolom. Nawin bwe badeh, ndramak ari asini awin belen nyikadin, ales udu bwena tek,

Metiu 28:3

Konen i buku none kalik, ya kolau tan badeh, belen i buku none asi kandrah belen mara-ei.

Metiu 17:2

Oro ado, oro anyolom ili bada Jises ndratubuniy ndra randrah ja. Ya bwilin anya buku none an. Ya awin tan asahan belen, handru en!

Rebelesen 3:4

‘Arile, iri lau mwan ma badih ta Kindrei taha rayah badu kon Sadis badeh, bamekes kandriyen ndra-in bwe. Iri lau doh kameh adek hawek, ma asini awin belen mara-ei, tasah kandriyen tiri mwasin mara-ei.

Aposel 10:3

Eme na beyeh ari, mada an taloh badeh, iy amekes lele. Eme iy anyolom angelo ta Kindrei ari eme asahan hawen anya, “Koniliyus, ei!”