2 Timoti 1:3 - Nyindrou

³ Bwena mene, tubu oro badeh, a-en hamon ta kandriyen ta Kindrei ma atudun nyaran. Eme ma, jo ale ki-in hamon tan ta ndrinek, jo atona kandriyen jo in hamon ta aliy doh ta amekes gok tan, idoh amwenen handru. Na len dah badeh, jo abudon ou, ma jo edeu wurah i ta Kindrei, tasah ou badeh, atehei budon tam handru in tan, ma ou a-en hamon ta kandriyen tan.

2 Timoti 1:3 Referans Kwoze

Hiburu 13:8

Kandriyen ta Jises Krais badeh, bala randrah bwe, iy i buku le bwena mene, iy i buku le na dah, ma iy ta udu le buku doh.

Aposel 23:1

Pol anyolom amwenen mada iri kansol mara-ei, ma iy anya, “Aha nadu tine, Kindrei badeh, ndranyolom iri kandriyen tek mari na bolo len mara-ei, ndrabwena eme asahan dah. Jo batona ari kandriyen ndra-in jo amekes bwe.”

Aposel 24:14

Arile, jo anya kasehek lakou ari, iri nane atehei jo i ta mada sahou ta aliy, badeh, kaleu kewek taha: Jo badeh, atudun Kindrei ta tubu ahi ari le, ma jo atehei budon tek mara-ei in hamon ta San ta Jises, iri Juwis kede-eh aloh san randrah ja. Ma jo atehei budon tek mara-ei i tiri lakou ndratorowenei ere bolo kandriyen malen ta Moses, ma ere bolo buk tiri propet.

1 Timoti 1:19

Ma ou tawi budon handru kaleu kudu bar tam. Tasah lau rayah bamekes bar mwasin bwe, ya budon tiri handru badeh, ndrataku.

1 Timoti 1:5

Budon laba tinan jo asehek dah badeh, ta kandriyen ta tikisiy. Kandriyen ta tikisiy badeh, kasahan kudu ndrine ndramak mwasin keme len. Kaleheya kandriyen mwasin ta bar lewen, ma hawe budon handru.

Aposel 24:16

Eme ma, na len mari, jo aseken budon tek badeh, kaleu, ma jo ki-in hamon ta kandriyen mwasin ta ere mada Kindrei, ma hawe iri lau badu munyak.

Aposel 22:3

Ma iy asehek ili le anya, “Jo badu Juwis, tine tuwi jo badeh, udu kon rakon iri aloh Silisiya udu bolo kon tinan Tasus. Arile, jo ma bwisik, jo ili akohok tanan ta leheya ma jo asahan ili awas badeh, udu kon tinan Jerusalem dah. Bolo len doh, ndramak tinan taha ari nyaran Gamaliyel badeh, leheya jo. Ma jo badeh, akohok tanan handru ta iri kandriyen malen mari ta tubu taha Moses. Jo abadok ma asahan boto-on ta in hamon le ta Kindrei, ta iri sahou tan, i buku le aha lau marakon nane are kada-ah amekes.

2 Timoti 3:15

Eme ma, ou ale tanam lakou doh: Ou mene ma nadu nah bwisik kahis, tinem mene leheya ou, ma ou akohok tanan ma bwena ta buk ndrabun. Ou tanam, buk ndrabun dah winiyan ta edeu budon mwasin ewek tam, ma Kindrei kameh andrei ou ame hamon. Tasah, ou atehei budon tam mara-ei in ta Krais Jises.

2 Timoti 1:5

Jo edeu wurah i ta Kindrei ale, eme ma, jo bwetenei budon tam, tasah iy budon handru, iy ta wendreya bwe. Iri budon buku doh, ma bwena udu ta bu-um Lowis, ma hamon ja udu ta tinem Yunis. Ma jo i tanan amwenen, budon doh ere tam ale.

1 Tesalonaika 3:10

Na len ma na ben, aso badeh, asolom ili le ta Kindrei, iy winiyan aseben aso ta awek kanyolom aha, i buku aha abudon amwenen ili ta Kindrei, ya aso anya katadau budon taha, ma aha kameh winiyan atehei budon taha boto-on in le ta Kindrei.

Epesus 1:16

Eme ma, len marakon jo edeu wurah ili ta Kindrei tataha. Jo badeh, bamani kandriyen ta asolom aha bwe. Len marakon ta salom, jo abudon aha ma jo asolom Kindrei kameh kaseben aha.

Galesiya 1:14

Ya, oro Juwis rebesem badu hawek badeh, jo sakalau oro ja ta kandriyen ta batanau. Jo sakalau oro ta bolo kandriyen ta tubu ahi, iri asehek eme tahi Juwis. Ma eme, budon tek irih labai ta in hamon ta kandriyen ta tubu ahi iri.

2 Korin 1:12

Budon tahi atona sahou dah handru, ma ahi sekesek ta lakou dah: Ta lakou marakon ahi mene amekes ili tiri mwan ma badih badu kon munyak dah, ahi mene a-en hamon ta kandriyen mwasin, ma kandriyen handru. Ahi ba-en hamon ta tanan mene ahi akohok tiri mwan ma badih badu munyak dah bwe. Tikisiy ta Kindrei le mene aseben ahi, ma ahi amekes i buku aliy. Ma ahi mene amekes kandriyen doh ili le kala ahi abo gok hawe aha mwan ma badih badu Korin.

La-ukei ta Pol atorou ili tiri lau badu kon Rom 9:1

Jo badu hawe Krais. Eme ma, sasah jo asehek dah badeh, wasai bwe, handru. Malawin Ndrabun atondrok bolo budon tek mari ma tiye tek, ta jo badeh, bawasai bwe.

Aposel 27:23

Jo badeh, lau ta Kindrei ma jo badeh, lohowan tan; len marakon jo atehei bwili ndru-uk i andri i tan. Na ben nane iy suni angelo tan ari eme ales ere mirihik tek,

Aposel 26:4

“Ya, i buku doh, iri tinan ta atondrok kandriyen tiri Juwis marakon badeh, ndratanan manyah tek, mene jo ma loweu manyah udu kati kon amwenen, ma jo eme akohok tanan udu Jerusalem.

Tarou ta Luk 2:37

Ya ben len, ben len, iy abeles iy ta nyamon, ma iy baruwani ta ili asiu tinan ta Kindrei ta amekes solom, ma ta atudun Kindrei, bwe.

1 Timoti 5:5

Are badih nyau ndramak ta atondrok iy bwe badeh, iy katehei budon ma boto-on tan na len mari kili le ta Kindrei ta seben.