2 Timoti 1:2 - Nyindrou

² Timoti, ou badeh, buku naduk handru, ta lakou ta Kindrei, eme ma, jo atorou la-ukei ramen ja dah ewek tam. Jo aso-ok tama taha Kindrei hawe Laban tataha Krais Jises, uru mala-uh katikisi ou ma katondrokei ou, ma kabwidi ou ado mwasin.

2 Timoti 1:2 Referans Kwoze

2 Timoti 2:1

Ya, Timoti, ou badeh, buku naduk, ta lahou ta Kindrei. Len marakon ou ahas hawe Krais Jises, ma ou ales boto-on na le tikisiy tan eme tataha.

1 Timoti 1:2

Jo atorou la-ukei dah i tam Timoti, ou naduk handru i san ta budon handru: Tikisiy ma mondrei ta tama taha Kindrei ma Krais Jises, iy Laban tataha badeh, kudu hawem.

Aposel 16:1

Eme Pol edek ili isos Debi ano iy ili Listra. Eme udu kon doh badeh, ndramak ari ta budon handru manyah udu aliy nyaran Timoti. Tinen badu Juwis ma budon tan handru ndra ta Jises, arile taman badu Grik.

Pilipai 4:1

Ado nadu tine ta budon handru badu hawek i san ta Kindrei. Ado badeh, jo winiyan bakahei ado bwe! Ya jo aseken labai ta kudu hawe ado! Tasah, ado badeh, ndra ari buruwen hawe Krais Jises, ma eme kandriyen tado doh, mesekei jo sekesek labai hawe jo masiye ado handru! Tasah, na ado aseben jo, lahou tek udu ndrokowa ado ba-au laleyah bwe. Eme ya ado nadu tine badu hawek i san ta Kindrei, ado samani sahou tek jo atorou ma asehek ewek tado mene doh. Ado kales boto-on ta budon handru tado i ta Laban. Ma ado badeh, budon tado ki randra le.

La-ukei ta Pol atorou ili tiri lau badu kon Rom 12:19

Aha kawas tek, aha samekes losen sala tiri, ndri-iy, arile aha katehei ki kani Kindrei kamekes, tasah sahou mene ndratorowenei tiye i buku doh: “Jo kameh atehei maha-an ili tiri, ma jo konohei saba kandriyen nane iri amekes.” Dutoronomi 32:35

La-ukei ta Pol atorou ili tiri lau badu kon Rom 1:7

Eme ya, jo Pol amwenen atorou la-ukei dah badeh, ewek taha lau mwan ma badih mari badu Rom, ala mene Kindrei aseken aha labai, ma ndraluwi aha mari ndrasahan lau tan amwenen. Ya eme ma, jo aso-ok tama taha Kindrei ma hawe Laban Jises Krais, katehei tikisiy ma mondrei tan kudu taha.

1 Korin 4:17

Ta idoh le, jo tiye Timoti ewek ta atou aha. Jo aso-ok iy labai, i buku naduk handru. Iy badeh, atondrok iri gok marakon ta Laban udu mwasin labai. Iy kameh winiya asehek taha ta iri kandriyen jo amekes ta in hamon ta Krais. Iri kandriyen nane doh, jo leheya iri lau ta Kindrei are bolo kon mari.

Taitus 1:4

Eme ya la-ukei dah badeh, jo atorou ewek tam, Taitus, tasah ou badeh, i buku naduk handru. Ou badeh, budon tam handru badeh, i le buku tek. Eme ya tikisiy ma mondrei ta tama taha Kindrei hawe Krais Jises ndramak ta aseben taha, kudu hawem.

Taitus 2:13

To mari badeh, kandriyen tato ki le buku doh na len mari. Tasah, to abe-en lakou kameh eme, eme ma lakou doh kameh mesekei to sekesek ta aliy. Lakou to abe-en doh badeh, Jises Krais ta aseben taha, iy kameh eme, ma hawe lomadan tan. Iy badeh, Kindrei tataha, iy Kindrei boto-on labai, ma iy le badeh, mene sebenei taha ado bolo kandriyen ta karei ma lomondra ndra-in ame hamon.

3 Jon 1:4

Jo anuhun buku none ado naduk an hamon ta sahou handru, ya jo sekesek ya sekesek tek badeh, sakalawi budon tek mari.