2 Timoti 1:1 - Nyindrou

¹ Jo Pol, jo aposel ta Krais Jises. Tasah, Kindrei mene ndratiye, iy anya kedeu kohan handru keme tataha mwan ma badih na gok Jises Krais amekes. Eme ma, iy atehei jo asahan aposel tan ta atiye sahou mwasin doh.

2 Timoti 1:1 Referans Kwoze

Hiburu 9:15

Ta katin le doh, Jises ere le alih ta amekes sahou randra le ha-un doh abadok. Iy ndramak ta akunoh taha lau ame hamon ja, ma tolowei iri ndra-in marakon iri mene amekes mwena udu ndra bada sahou randra le ma bwena mene udu aliy kahis. Iy amekes tiri le lau nane Kindrei aloh iri, ta iri winiyan an hamon tan, ma ta iri winiyan akohok kohan doh mwena mene Kindrei tiye ta edeu ili ta nadun iri, ma ta iri kameh are mwasin ta udu le buku doh.

Tarou ta Jon 17:3

Kohan handru udu luluwen kameh udu le buku doh. Moson ta aliy i buku doh: Oro katanan ou, ou le ari Kindrei handru, ma oro katanan Jises Krais, iy nane, ou suni iy eme.

2 Korin 1:1

Jo Pol, jo aposel ari ta Krais Jises. Ta so-ok ta Kindrei le amwenen, iy atehei jo asahan aposel. Jo hawe nadu tine taha ari Timoti, aru mala-uh atorou la-ukei dah ewek taha mwan ma badih ta Kindrei are kon Korin, hawe iri mwan ma badih ta Kindrei marakon are loboho kon munyak tinan Akaya.

Tarou ta Jon 10:28

Jo atehei kohak handru ili tiri, ma iri kameh winiyan bamak bwe, ma ari ndramak winiyan baruwi iri ado minek bala len bwe.

Taitus 1:2

Eme ya, ta tanan handru doh badeh, oro winiyan atanan oro udu mwasin ta koha oro winiyan ta bano bwe. Ma oro winiyan atanan udu mwasin labai ta Kindrei badeh, ndramak ta wasai bwe. Eme ya udu ndra bada katin, ta lakou mari basahan bwe le badeh, Kindrei tandrakan iri lau tan kameh winiyan bamak bwe. Iri kameh ado hawen udu le buku doh.

Epesus 3:6

Ma sahou i buku doh: Na le sahou mwasin, aha mwan ma badih badu leheleh winiyan asahan rabuk le, ma aha a le se hawe ahi lau badu Isra-el. Eme ma taha marakon kameh winiyan akohok iri lakou Kindrei ndratandrakan ta edeu eme tataha mwan ma badih ahis hawe Jises Krais.

Tarou ta Jon 6:40

Budon ta tama badeh, iy aso-ok lau marakon kanyolom kili le ta nadun, ma iri katehei budon tiri kili le ta nadun. Idah kameh koha iri winiyan bano bwe, ta udu le buku doh. Jo eme kameh mete-ei iri lau amak, ame loken ja na len hamon.”

1 Jon 2:25

Ma, iy ndratandrakan ta edeu kohan handru eme tataha, kameh ta udu le buku doh.

1 Timoti 6:19

Ya, ki buku none oro kamekes kandriyen doh, idah kameh, oro atukum toro le lakou mwasin labai, ta udu le buku doh na len hamon kameh eme. Ya idah kameh, oro winiyan kuhi koha oro handru.

2 Korin 1:20

Idoh handru labai: Krais amekes iri sahou tandrakan ta Kindrei asahan handru mara-ei. Idoh leheya taha Kindrei anya “Ehe,” arile ma a-en hamon ta sahou tan. Eme ma, taha kasekesek ma katudun nyara Kindrei ta idoh: Iy in hamon ta sahou tan.

1 Korin 1:1

Jo Pol, jo aposel ta Krais Jises. Na budon ta Kindrei le iy tiye jo asahan lau ta atiye sahou tan. Aru nadu tine taha Sostenes atorou la-ukei dah ewek taha lau mwan ma badih atudun nyara Kindrei ado kon tinan Korin. Krais Jises andrei aha marakon ame asahan ndrabun ma lau tan amwenen; iy andrei aha hawe iri lau badu kon munyak mara-ei, iri ale atudun iy ma asolom in ta nyaran. Iy Laban tataha ma tiri ale.

La-ukei ta Pol atorou ili tiri lau badu kon Rom 6:23

Tasah, sihine karei ma lomondra ndra-in badeh, imek le. Arile, Kindrei edeu ndramas laleyah i ta lau badeh, kohan ta udu le buku doh i san ta Laban Jises Krais le.

La-ukei ta Pol atorou ili tiri lau badu kon Rom 5:21

Kandriyen ndra-in le badeh, bwidi imek asahan, eme ma, ta kandriyen ndra-in le doh, iy asahan i buku kabin. Arile, na idah ja, tikisiy ta Kindrei ndrasahan ndra buku kabin. Tasah, ta gok ta tinan tataha, Jises Krais le, Kindrei badeh, tikisi taha, ano iy aloh taha lau mwan ma badih mwasin labai ta madan, eme ma taha akohok kohan handru kameh ta udu le buku doh.

La-ukei ta Pol atorou ili tiri lau badu kon Rom 1:1

Jo Pol, jo badeh, lohowan ta Krais Jises. Jo ale aposel, Kindrei tiye jo, ma aloh jo eme ta atiye sahou tan mwasin.

Tarou ta Jon 6:54

Are lau iy aimon odak, ma iy a-un ndrayek, idah kameh kohan handru udu tan udu le buku doh, ma jo kameh mete-ei iy amak ja na len hamon.

Tarou ta Jon 5:24

“Handru labai, jo katiye tado: Are lau iy anuhun sahou tek ma iy atehei budon in ta iy nane suni jo eme, kohan handru kameh winiyan bano bwe, iy kameh ta udu le buku doh. Iy winiyan bala ta mada sahou bwe. Iy ndrasakalawi imek, ma iy akohok kohan handru.

Galesiya 3:26

Aha mari atehei budon taha handru in ta Krais Jises. Ya, na kandriyen doh, aha asahan nadu Kindrei, ma aha ahas hawe Krais.

Galesiya 3:28

Eme ma, iri lau badu hawe Krais badeh, iri Juwis, iri lau badu leheleh, iri bonyo-ou ma iri bonyo-ou bwe, ma hawe iri mwan ma iri badih badeh, ari bala randrah, ari bala randrah ja bwe. Iri mara-ei doh badeh, asahan ari buruwen hawe Krais le ari.

2 Timoti 1:9

Kindrei luhi taha, ma iy andrei taha ndrame hamon, ma tondrohon taha asahan lau tan amwenen. Iy babudon ta kandriyen mwasin taha amekes, ma iy akohok taha ame hamon ma tondrohon taha asahan lau tan, bwe. Iy le amwenen abudon ta amekes lakou doh. Ndra bwena handru Kindrei babwidi munyak bwe le, iy abudon ta gok Jises anya kamekes, ma ta doh le iy badeh, tikisi taha, ma iy tondrohon taha ta asahan lau tan.

2 Timoti 1:10

Arile, na len nane kada-ah, Krais Jises iy ndramak ta akohok taha ame hamon badeh, ndrasahan ndrame lewan. Ma ta gok doh badeh, iy amekes tataha, tikisiy ta Kindrei badeh, ndrasahan ndrame lewan mara-ei. Krais Jises mene apwai boto-on ta imek, tasah taha amak badeh, malawi taha bandra-i bwe. Buku taha anuhun sahou tan mwasin ma atehei budon in ta aliy, taha kameh winiyan akohok kohan handru ta udu le buku doh, ma bada taha winiyan bandra-i bwe.

2 Timoti 1:13

Ou a-en hamon ta sahou, ou mene ndranuhun badu bohok. Sahou doh kameh leheya kandriyen ta ou a-en hamon ta aliy, ma ou leheya ki tiri mwan ma badih. Na len ou atiye sahou dah, ou atehei budon tam kabadok kili ta Jises Krais, ma ou aso-ok iri mwan ma badih.

2 Timoti 2:1

Ya, Timoti, ou badeh, buku naduk, ta lahou ta Kindrei. Len marakon ou ahas hawe Krais Jises, ma ou ales boto-on na le tikisiy tan eme tataha.

2 Timoti 2:3

Ou ales boto-on are hawek, ma bwese maha-an, buku ndramak ta bahun ta Krais Jises, iy ales boto-on labai.

2 Timoti 2:10

Eme ma jo sekesek ta ato-ou iri maha-an mari ale asahan tek. Jo bwese iri maha-an ta aseben iri mwan ma badih marakon Kindrei ndrandromwei iri ndrala tan, ma jo anya, iri kameh kakohok kohan handru ta Jises Krais doh, ma iy kameh winiyan andrei iri ala ado hawen are kandrah ta are le buku doh.

2 Timoti 3:15

Eme ma, ou ale tanam lakou doh: Ou mene ma nadu nah bwisik kahis, tinem mene leheya ou, ma ou akohok tanan ma bwena ta buk ndrabun. Ou tanam, buk ndrabun dah winiyan ta edeu budon mwasin ewek tam, ma Kindrei kameh andrei ou ame hamon. Tasah, ou atehei budon tam mara-ei in ta Krais Jises.

Taitus 1:4

Eme ya la-ukei dah badeh, jo atorou ewek tam, Taitus, tasah ou badeh, i buku naduk handru. Ou badeh, budon tam handru badeh, i le buku tek. Eme ya tikisiy ma mondrei ta tama taha Kindrei hawe Krais Jises ndramak ta aseben taha, kudu hawem.