1 Timoti 5:3 - Nyindrou

³ Ou amekes kandriyen mwasin kili tiri badih nyau handru.

1 Timoti 5:3 Referans Kwoze

Aposel 6:1

Na len doh badeh, kane iri lau nane a-en hamon ta Jises ma atehei budon tiri handru i ta Kindrei i sola le ai. Eme ma iri Juwis nane asehek boho iri Grik badu bolo iri lau ta Kindrei badeh, tebelese hawe iri Juwis rayah nane asehek boho Aramek. Iri Grik anya iri badih nyau tiri badeh, bakohok nyamon sola bwe.

1 Pita 2:17

Aha kabeleben iri lau mari, ma aha kaso-ok iri lau atehei budon tiri handru in ta Kindrei. Aha kanoh Kindrei, ma kabeleben iri kabin badu kon munyak ale.

1 Pita 3:7

Buku none aha lau tasou ale, aha kakohok budon mwasin, ya aha kamanyah kamwenen hawe udu aha iri. Aha kalelek iri badih ale, tasah bada iri badih badeh, boto-on handru bwe. Idoh le aha kamekes kandriyen mwasin ki tiri. Iri badih ale kameh akohok koha iri ma nyosowa Kindrei mwasin hamon hawe aha mwan. Eme ma, buku none aha an hamon ta sahou dah, ari lakou winiyan basokei salom taha bwe, buku none aha asolom i ta Kindrei.

Jemis 1:27

Tasah, kandriyen ta lau ta Kindrei badeh, amwenen mara-ei, ma ari lomondra ndra-in bado budon ta tama taha Kindrei bwe, i buku doh: Taha badeh, kabudon ma katondrok iri nah, tama iri ma tine iri ndramak, ma hawe iri badih, udu iri ndramak, ma kaseben iri ta bwese maha-an tiri. Ya, lakou ari ale i buku doh, taha badeh, kantondrok tekedek tataha kamwenen, idah kameh kandriyen badu kon munyak winiyan baruwi taha bala bolo ndraka-an bwe.

1 Tesalonaika 2:6

Ma aso bamekes gok ta akohok nyara aso i tinan ta aha amwenen, o, ta lau rayah ja, bwe. Handru, aso badeh, aposel ta Krais. Eme ma buku aso aso-ok badeh, aso winiya ndremenya aha ta aseben.

Aposel 9:39

Eme Pita i hawe uru, ya oro ame asos le badeh, oro kuhi iy iu ili bolo asiu loken. Ya iri badih nyau mari awudi iy, ya iri aden, ma leheya i tan iri awin lawe-en hawe awin rayah ja Dokas amekes, na len i bamak bwe le.

Tarou ta Luk 7:12

Eme iy ili mirihik ta madasan tinan ta ili bolo kon le badeh, iri bwese-ei nadu badih nyau ari badeh, ndramak in bada sau eme. Eme ya iri lau solo-an ale badu kon tinan an hawen ame. Badih nyau doh badeh, nadun mwan ari le doh, kabwe.

Tarou ta Luk 2:37

Ya ben len, ben len, iy abeles iy ta nyamon, ma iy baruwani ta ili asiu tinan ta Kindrei ta amekes solom, ma ta atudun Kindrei, bwe.

Metiu 23:13

Jises asehek sahou ja i buku doh, “Ado lau tanan ta batanau malen ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Tasah, ado ndrasulu-i kou ta ala bolo kon mwasin udu kandrah ereu mada iri lau. Ado ale winiyan bala bolon bwe. Ya, buku none iri lau anya kala bolon, ado aturuk san tiri.

Metiu 15:6

Ya, ta san doh ado aseken ndramak doh sabudon taman ma samekes mwasin sala tan, ndri-iy. Ta kandriyen doh ado atehei i andri labai sahou ta Kindrei, ya ado bwese-ei eme loken iri kandriyen ado akohok ta tubu aha iri.

1 Timoti 5:2

ya iri badih en badeh, ki buku tinem, ma hawe iri badih bihin ki buku none nadu tinem oro badih na kandriyen mwasin le.

Tarou ta Jon 1:47

Jises anyolom Nataniyel edek ales eme hawen. Iy eme asehek, “Iy ndramak eme dah badeh, iy ndramak ari handru badu Isra-el, iy tanan wendreya bwe!”

Aposel 9:41

Eme ya Pita tawi minen ma suri iy ales na katin ere loken. Ano, iy aloh i toro lau ta budon handru hawe iri badih nyau ame, ma iy atehei iy i hawe iri, ya kohan ndrame hamon ja.