1 Timoti 4:6 - Nyindrou

⁶ I buku none ou leheya batanau dah i ta nadu tinem oro, ou lohowan mwasin labai ta Krais Jises. Ma ou ale amekes ou abadok na aliy. Ma idah kameh, ou abadok na sahou ta budon handru mene ou anuhun ma ou a-en hamon ta aliy.

1 Timoti 4:6 Referans Kwoze

Kolosi 3:16

Sahou ta Krais badeh, kihis handru kudu bolo ndrine aha. Aha badeh, kaleheya, ma kabatanau aha kamwenen na tanan handru doh. Aha kayah wari ta Debit, ma iri wari rayah ja ta salom, ma iri wari Malawin Ndrabun atehei udu ndrine aha ta atudun Kindrei.

Taitus 2:1

Eme Taitus, ou badeh, leheya oro ja ta tanan handru ta Kindrei.

Kolosi 4:7

Tikikus kameh barasehek taha, tiri gok marakon jo amekes. Tikikus badeh, ibo gok i buku le jo, iy nadu tine taha handru, ma iy ndramak ari mwasin handru ta amekes lahou ta Laban.

Metiu 13:52

Eme ya Jises asehek i toro i buku doh, “Abo, jo asehek tado, are lau iy tanan ta batanau malen ta Moses, ma iy ndra-en baha tondrok ta Kindrei, iy kameh asahan buku none tama asiu ra-em tinan. Ma iy winiyan ili bolo asiu ya akohok iri lakou mwasin sowan tinan, ma tiyani iri lakou ha-un, ma hawe iri lakou malen eme lewan.”

La-ukei atorou Jut 1:5

Aha ndratanan ta iri lakou marakon doh, arile jo anya kasehek taha ja, ta Laban mene andrei iri lau tan are Ijip ame len, arile udu hamon ja badeh, iy idi iri mwan ma badih nane batehei budon tiri ba-en tan bwe.

2 Jon 1:9

Buku none ari ndramak batawi sahou ta Jises Krais bwe, ya iy sandroh i ta sahou ari ja, idoh badeh, Kindrei ba-en hawen bwe. Arile, buku none are lau tawi sahou ta Jises ihis boto-on udu ndrinen, idoh kameh tama taha uru nadun Jises badeh, an hawen.

1 Pita 2:2

Taha tana taha ta iri nah nadu bwisik badeh, anya ka-un le sur ta tine iri. Aha ka buku none le iri nah bwisik aso-ok sahou mwasin ta Kindrei, ta aseben aha ta ateh na len mari. Ya sahou tan doh bamalin ba-en bolo sahou ta wasai badu munyak dah bwe, sahou doh kameh mesekei aha ado mwasin hawen.

2 Timoti 4:3

Ou amekes ki buku doh, tasah hamon kameh iri lau winiyan baso-ok ta anuhun sahou mwasin bwe. Iri kameh a-en hamon ta so-ok tiri le amwenen, ma amekes kandriyen ndra-in. Eme ma, iri kameh akohok lau ta leheya solo-an labai, ma lau ta leheya doh kameh leheya iri mwan ma badih, ta lakou iri abasa labai ta anuhun.

2 Timoti 3:10

Arile, Timoti, ou badeh, basahan buku iri lau ta leheya wasai bwe. Ou mene are hawek, ma ou ndratanam iri sahou marakon jo leheya, ma ou tanam iri tekedek tek. Ma ou tanam ndrinek, jo atehei budon tek mara-ei in ta Kindrei, ma jo atadau ndrinek, ma ales boto-on ta lakou ndra-in asahan tek. Ma ndrinek ale winiyan barih suwi bala tiri lau bwe. Jo aso-ok iri labai.

2 Timoti 1:6

Budon doh ere tam handru, eme jo anya katadau budon tam kabadok ta ndramas ta Kindrei nane udu hawem badeh. Ou akohok ndramas doh badeh, kabatana jo asolom ou ma edeu minek udu bwele-em. Eme ma jo aso-ok ou amekes ndramas badeh, kamwenen i buku ndramak asumwe jih ma anya i tinan.

1 Timoti 6:3

Eme ya ou badeh, leheya ma tiye sahou dah ta aliu oro: I buku none oro are lau leheya tanan randra labai; bala buku none sahou handru ta Laban Jises Krais bwe, ma hawe bala buku none sahou handru ta lau ta Kindrei, aso leheya dah bwe; badeh kameh, iy ndra ari ai, arile iy tanan lakou bwe. Ma iy doh badeh, tanan sahou bwe, ma iy ta asoh sahou, ma ta aburoh sahou. Ya idoh kameh tiyani madalakis, losen ta lakou, ma hawe sondrokonya, ma amekes budon laleyah,

1 Timoti 4:16

Balem ki tam kamwenen ma balem ki ta sahou ou leheya. Ou saruwaniy labai; tasah lakou ou amekes badeh, winiyan sebenei koha iri are anuhun sahou, ma winiyan sebenei ou ale.

1 Timoti 1:10

Ya kandriyen malen badeh, ta leheya iri lau ta karei, hawe i tiri lau mwan amekes mwan, ya i tiri badih amekes badih, ma i tiri lau ta bahana iri ndramak, ma hawe i tiri lau ta wasai, hawe i tiri lau ta wasai ta tandrakan handru i loken. Ma hawe i ta saba kandriyen bamwenen ta sahou handru bwe.

1 Tesalonaika 3:2

Aha ndratanan, nadu tine taha Timoti, iy ta amekes lahou ta Kindrei ta atiye sahou mwasin ta Krais. Aru ma la-uh suni Timoti ta ewek, ta atadau ma aseben budon taha kabadok.

Kolosi 2:19

Ma iri batiye sahou handru ta Krais bwe. Iy udu bwele-e taha, ma taha a buku badan. Iy le badeh, atondrok taha mwan ma badih ta Kindrei, ma taha badeh, asahan buku iri mwan ma badih Kindrei aso-ok. Ma, Krais badeh, i buku batu taha. Batu taha atondrok bada taha, ma bada taha ato-ou eme loken, ma bwidi iri ndruwi taha ma len ta bada taha ihis i le se. Eme ma, bada taha asahan i tinan na le boto-on ta Kindrei.

Pilipai 3:16

Eme ya taha kamekes kandriyen mwasin mene le kili ki-in hamon ta seken ta Kindrei.

Epesus 6:21

Tikikus kameh barasehek nyala aha ta iri gok marakon jo amekes. Tikikus badeh, iy nadu tine taha ari handru, ma iy ndramak ari mwasin ta amekes lahou ta Laban. Jo badeh, aso-ok iy labai.

2 Korin 6:4

Ta iri lakou marakon ahi amekes, ahi badeh, leheya iri mwan ma badih i buku ahi lohowan ta Kindrei handru. Eme ma, bolo len marakon ahi ales boto-on labai ta iri maha-an solo-an anya kasahan tahi. Ma ale iri lakou rayah anya kamekes ahi kandra-i, arile ahi atadau ahi boto-on.

2 Korin 3:6

Kindrei amwenen mene bwidi ahi winiyan, ma ahi bwidi gok tan ta sahou randra le ha-un nane doh. Sahou randra le ha-un nane doh, bala buku batanau ta Moses bwena mene bwe. Idoh lakou ha-un ja Malawin Ndrabun badeh, amekes asahan. Batanau malen ta Moses badeh, leheya taha kameh amak le. Iy nyamun ta edeu kohan buku lakou Malawin Ndrabun amekes asahan eme tataha bwe.

1 Korin 4:17

Ta idoh le, jo tiye Timoti ewek ta atou aha. Jo aso-ok iy labai, i buku naduk handru. Iy badeh, atondrok iri gok marakon ta Laban udu mwasin labai. Iy kameh winiya asehek taha ta iri kandriyen jo amekes ta in hamon ta Krais. Iri kandriyen nane doh, jo leheya iri lau ta Kindrei are bolo kon mari.

La-ukei ta Pol atorou ili tiri lau badu kon Rom 15:15

Jo nane atorou sahou rayah boto-on labai ewek taha ta tiye nyala aha ta budon taha samaniy. Tasah, na tikisiy ta Kindrei le badeh,

Aposel 20:35

Ma udu bolo lahou tek mari, jo ndraleheya aha ta san ta kandriyen ta amekes gok boto-on, aha kaseben iri lau nyamu iri bwe. Ma taha kabudon sahou mene Jises asehek i buku doh, ‘Are ndramak, iy edeu lakou ili tare lau, iy badeh, sekesek tinan handru. Ma sekesek ta iy ndramak nane akohok lakou winiyan basakalawi sekesek ta iy ndramak nane aseben iy bwe.’ ”

Aposel 20:31

Ya eme mada ado badeh, kaleu! Ado badeh, ndratanan, na jaha taloh mene jo ndrabatanau ado na ben na len ta aliy. Jo batanau ado ma wa-i madak amou ta tikisiy.

Tarou ta Luk 1:3

Ou le ai, Tiyopilus, i buku jo mene ndratakalahei lakou mari doh, ndramwenen udu ndra bada katin eme. Eme jo abudon mwasin handru ta jo katorou sarada lakou mari doh, ki tam.

Aposel 1:15

Eme na len doh badeh, Pita ales ere loken bolo iri lau ta Kindrei, kane iri ma rinek lunoh (120),

2 Korin 11:23

Iri anya iri ta amekes gok ta Krais? (Nadah, jo anya kasehek sahou buku ari ndramak lolo-ou ai.) Jo badeh, udu bwele-e iri ja, ta gok ta Krais. Jo ibo gok boto-on labai, ma jo mwasin mara-ei ja tiri lau ta atiye sahou mwasin. Len tek badeh, solo-an labai ja tiri, ta len sabe jo udu bolo asiu lulik. Iri lau adi jo na malou sakabuk i bek, san solo-an labai, jo winiyan bandromwei bwe. San solo-an labai, jo mirihik kimek.

Pilipai 2:20

Jo batou ari ndramak bala buku none Timoti bwai, tasah iy abudon ado labai, ta bolo manyah tado, i le buku jo.

Pilipai 2:22

Arile ado ndranyolom kandriyen ta Timoti ai. Iy ndraleheya ndrame lewan tado, ta iy badeh, winiyan. Iy mene amekes lahou hawek i buku ari nah amekes lahou udu baha taman, amekes lahou ta sahou mwasin.