1 Timoti 4:4 - Nyindrou

⁴ Ya, i buku none lakou mari kede-eh, to kamekes salom ki ta aliy, badeh, ndra mwasin le ta aimon; ari lakou badeh, ndra-in ta kakeh ki-iu, bwe.

1 Timoti 4:4 Referans Kwoze

La-ukei ta Pol atorou ili tiri lau badu kon Rom 14:20

Aha sasemete-ei lahou ta Kindrei na andres ta nyamon, ndri-iy. Handru, nyamon mari badeh, ndra mwasin le ta aimon. Arile, ndra-in badeh, i buku ou aimon nyamon ari, ma kandriyen tam doh amekes ndramak ari ja ato-ak ma taku.

1 Korin 10:25

Buku ou asih oda iri lakou badu mada ba-en, iri marakon badeh, mwasin ta aimon. Ou satehei budon solo-an ta ndremenya ta oda iri lakou dah, iri ndratehei salom ta kindrei ta wasai ndrala bwele-en, o, bwe.

La-ukei ta Pol atorou ili tiri lau badu kon Rom 14:14

Eme ya, jo katiye kamwenen; jo dah badu hawe Laban Jises. Ya jo ndratanan handru en, ta nyamon mari kede-eh ndra mwasin le, ya ari ndra-in aliy bwe. Arile, i buku none ari ndramak anya iy beleben badeh, mwasin, lakou ta budon tan ai, ma mesekei iy baimon nyamon bwe.

1 Korin 10:23

Aha rayah anya, “Ahi winiya amekes lakou marakon.” Arile jo kasehek taha, lakou marakon kameh winiya baseben taha bwe. Aha rayah anya, “Ahi winiya amekes lakou marakon.” Arile lakou marakon winiya baseben taha basahan lau mwasin ta Kindrei bwe.

Aposel 21:25

Ahi ndratorowenei la-ukei ramen, ma ndratiyaniy ndrala tiri lau ta Kindrei badu leheleh, ma ahi tiye tiri i buku doh, ‘Aha saimon nyamon ala ndrala ta salom tiri kindrei nane iri asehek na sukumada kei. Ma aha saimon oda iri katin haka ndra udu ta aliy, ma hawe sa-un ndraye iri. Ma aha samekes kandriyen ndra-in ta karei.’ ”

1 Timoti 4:3

Iri tiye iri lau satasou, ma saimon nyamon rayah ndri-iy. Arile, Kindrei mesekei iri nyamon doh badeh, ta aimon le, i buku none to lau ta budon handru amekes salom, ma adeu wurah ta aliy. Tasah, to badeh, ndratanan sahou handru.

Jenesis 1:31

Eme Kindrei anyolom lakou mari iy mwesekei doh badeh ma iy sekesek handru ta aliy. Ano kon eben ano kon aleu badeh len onoh ai.

Aposel 15:29

Aha saimon nyamon ala ndrala ta salom tiri kindrei nane iri asehek na sukumada kei, ma aha saimon oda iri lakou buku me ma bulumakau ndra udu ta aliy, ma hawe sa-un ndraye iri, ma hawe aha samekes kandriyen ndra-in ta karei. Buku none aha kateleya aha tiri lakou doh, idah kameh aha ado mwasin. Kabwai.”

Aposel 10:15

Eme Kindrei aloh san rasan ja anya, “Ou badeh, saloh anya iri lakou, Kindrei sikinei ko-ak ndra-au, ya ou saloh ko-ak udu aliy ja ai, ndri-iy.”

La-ukei ta Pol atorou ili tiri lau badu kon Rom 14:6

Are lau oro abudon ma aleben anya, “Len rayah badeh, ndrabun ta len rayah” badeh, oro amekes ta atudun Laban; ya are oro ta kaniya nyamon mari badeh, oro amekes ta atudun Laban ale, tasah iy edeu wurah i ta Kindrei ta nyamon nane doh. Ma hawe are lau oro beleben ta baimon nyamon rayah bwe badeh, amekes ta atudun Laban hawe adeu wurah i ta Kindrei i le buku oro ale.

1 Korin 10:26

Buk ndrabun ndrasehek, “Kon munyak ma hawe iri lakou marakon udu bwele-en badeh, ta Laban le ari.” Wari 24:1

1 Korin 10:30

Buku jo edeu wurah ili ta iri lakou nane jo aimon, tasah handru ja ndramak ari asehek sahou ndra-in eme tek ta iri lakou nane jo edeu wurah ili ta aliy? Sahou ta iy ndramak nane doh, ari moson bwe.