1 Timoti 4:3 - Nyindrou

³ Iri tiye iri lau satasou, ma saimon nyamon rayah ndri-iy. Arile, Kindrei mesekei iri nyamon doh badeh, ta aimon le, i buku none to lau ta budon handru amekes salom, ma adeu wurah ta aliy. Tasah, to badeh, ndratanan sahou handru.

1 Timoti 4:3 Referans Kwoze

1 Timoti 4:4

Ya, i buku none lakou mari kede-eh, to kamekes salom ki ta aliy, badeh, ndra mwasin le ta aimon; ari lakou badeh, ndra-in ta kakeh ki-iu, bwe.

Hiburu 13:4

Tasou badeh, lakou ari mwasin handru. Eme ma kandriyen aha amekes ta tasou, badeh, kudu mwasin labai ta mada Kindrei. Kora-on aha amekes ndra-in ili ta budon ta Kindrei. Tasah, aha ndratanan, hamon kameh Kindrei edeu ndramas ndra-in ili tiri lau mwan ma badih amekes kandriyen ta karei, ma iri lau amekes laleyah ta bolo tasou tiri.

La-ukei ta Pol atorou ili tiri lau badu kon Rom 14:6

Are lau oro abudon ma aleben anya, “Len rayah badeh, ndrabun ta len rayah” badeh, oro amekes ta atudun Laban; ya are oro ta kaniya nyamon mari badeh, oro amekes ta atudun Laban ale, tasah iy edeu wurah i ta Kindrei ta nyamon nane doh. Ma hawe are lau oro beleben ta baimon nyamon rayah bwe badeh, amekes ta atudun Laban hawe adeu wurah i ta Kindrei i le buku oro ale.

Kolosi 2:16

Ya, aha kanuhun! Aha badeh, kadeu kona aha kili tiri mwan ma badih anya korou sahou kewek taha ta kandriyen ta batanau ta beleben nyamon ma gwa, ma ta len tinan aha ba-en hamon ta aliy na bolo jaha marakon bwe, o, ta len ta bun ha-un asahan, arile aha basan len hawe iri bwe, o, ta len ta amunyau.

1 Korin 8:8

Arile nyamon le winiya batiyani taha bala mirihik ta Kindrei bwe. Buku taha baimon nyamon bwe, idoh winiyan bamekes taha asahan ndraka-an ta madan, bwe. Ya, buku taha aimon nyamon, idoh ale winiyan bamekes taha asahan mwasin ta madan bwe le.

Jenesis 9:3

Eme ado badeh kaimon iri hawe bara la-u kei; jo atehei mari doh ta nyumon tado.

Kolosi 3:17

Lakou marakon aha amekes ma asehek badeh, aha kamekes ki-in bwele-e nyara Laban Jises, ma aha kadeu wurah kili tan, ma ta tama taha Kindrei.

1 Korin 7:28

Arile, buku ou atasou, ou bamekes ari kandriyen ndra-in bwe. Ya, buku ari badih bihin i tasou, idoh iy bamekes ari kandriyen ndra-in bwe le. Arile, jo asehek taha lau anya katasou, len marakon kameh aha bwese iri maha-an ta tasou. Eme ma jo aso-ok aha kabelekei iri maha-an doh.

La-ukei ta Pol atorou ili tiri lau badu kon Rom 14:3

Ya eme iy ndramak ta kaniya nyamon mari, madan sandra-i sala ta ndramak nane aimon nyamon badu bilin le, ndri-iy; ma iy aimon nyamon badu bilin le ale satiye sahou nyarahan sala ta ndramak ta kaniya nyamon mari, ndri-iy. Tasah, Kindrei badeh, baseken iy ari le bwe, iy aseken uru ma la-uh.

Hiburu 13:9

Eme ma aha satehei aha sala bolo iri sahou solo-an, eme ta ariu budon taha, ma aha mani san mwasin ta Kindrei. Kindrei amekes kandriyen mwasin labai eme tataha, ma idoh amekes taha abadok ta a-en hamon tan. Buku taha a-en hamon ta iri batanau ta beleben nyamon solo-an labai, idoh baseben taha ta a-en hamon ta Kindrei bwe. Tasah kandriyen doh, baseben iri lau bwena mene ba-en hamon ta aliy bwe le.

1 Timoti 2:4

Tasah, iy aseken lau mari samak ma lau katanan sahou handru.

1 Korin 6:13

Lau rayah asehek i buku doh, “Nyamon badeh, ta ndrine taha le. Ya ndrine taha badeh, ta akohok nyamon le.” Sahou marakon doh handru, arile Kindrei kameh andrei iri nyamon hawe bada taha iu. Eme ma, aha sakeh bada aha sala ta kandriyen ta karei. Tasah, Laban badeh, atondrok bada taha, ma taha badeh, kalowosa bada taha kamwenen ta amekes gok tan.

La-ukei ta Pol atorou ili tiri lau badu kon Rom 14:17

Tasah, tondrok ta Kindrei badeh, bala buku none kandriyen ta aimon nyamon ma a-un gwa mari, ma hawe bala buku none kandriyen ta beleben, bwe. Arile, lakou laba tinan ta tondrok ta Kindrei badeh, ndra kandriyen mwasin le, ma kandriyen ta mondrei le, ma hawe kandriyen ta sekesek le i san ta Malawin Ndrabun.

Metiu 15:36

Eme iy andrei jabi ramen ma ndro taloh nane, ma nadu ni, ma iy edeu wurah i ta Kindrei. Ano iy boso-ei, ma atehei ili mine oro lau tan, ma oro lau tan adeu ili niri lau.

Metiu 14:19

Eme ya Jises tiye tiri lau mwan ma badih ta kamanyah ka-en andri bada bwidiu. Eme iy kuhi jabi ramen ma limeh ma hawe ni ma la-uh nane, ya iy anyolom iu i loken bolo kandrah, ma iy edeu wurah i ta Kindrei. Ano iy boso-ei jabi ramen dah ma iy edeu ili mine oro lau tan, ma oro lau tan adeu i niri lau mwan ma badih.

Aposel 27:35

Pol asehek sahou i tiri ano, iy andrei jabi ramen rayah udu minen, iy edeu salom i ta Kindrei udu mada iri, ano iy boso-ei ma iy aimon.

Tarou ta Jon 6:23

Ano, ndron ra-on badu Taiberiyas ame asos bilisiu, mirihik ta kon iri lau mene ado aliy, aimon jabi ramen Jises edeu wurah i ta aliy.

Tarou ta Luk 24:30

Eme Jises manyah hawe uru udu andri ndrahu nyamon badeh, andrei jabi ramen ma edeu wurah i ta aliy. Ano iy boso-ei ma edeu i nuru.

Metiu 15:11

Saba lakou i bolo boho ari ndramak, idoh babwidi iy bandra-i bwe. Arile, lakou bohon asehek, idoh mesekei ndramak andra-i.”

1 Timoti 5:14

Eme, jo abudon ta badih nyau bihin badeh, katasou ja kamekes nah ma katondrok oro. Kora-on iri lau ale budon tiri ndra-in udu ta to, sasehek to.