1 Timoti 4:10 - Nyindrou

¹⁰ To asa-ar dah badeh, tasah to abudon boto-on in ta Kindrei. Ma iy ale ta aseben lau mari. Arile, ma hutuwen labai ki toro are atehei budon handru in tan. Tasah, iy badeh, ta ano bwe.

1 Timoti 4:10 Referans Kwoze

1 Timoti 2:4

Tasah, iy aseken lau mari samak ma lau katanan sahou handru.

1 Jon 2:2

Ya, Krais le badeh, i nyara salom ta sikine ma mani kandriyen ndra-in tataha mari iu. Iy amekes lahou doh badeh, ta aseben taha le bwe, iy amekes ta aseben lau mara-ei badu kon munyak.

1 Timoti 2:6

Iy le badeh, atehei kohan ta akunoh taha lau mari. Idoh asahan handru eme lewan amwenen le, ta Kindrei anya lau mari badeh, samak.

Tarou ta Jon 1:29

Udu len ari ja, Jon anyolom Jises edek ales eme hawen, ma iy aloh, “Kede-eh Nadu Sipsip ta Kindrei, iy le adeh andrei taha ame len ta kandriyen ndra-in badu kon munyak.

1 Jon 4:14

Tama taha ndratehei nadun ndrame ta akohok taha lau mari badu munyak. Ahi aposel ndratou lakou doh kabwe. Ma ahi asehek nyala aliy i ta ndramak ari ja.

Tarou ta Jon 4:42

Iri ame tiye sahou i ta butuhu Samariya i buku doh, “Ma bwena badeh, ahi atehei budon tahi ili le ta Jises, tasah ou ame asehek tahi. Arile, na dah ja badeh, ahi ndratehei budon tahi ndrala tan, tasah ahi ndranuhun udu ndranye ahi amwenen. Ahi ndratanan, iy ndramak kede-eh, iy kameh akohok taha lau marakon badu kon munyak ame hamon.”

Tarou ta Jon 5:24

“Handru labai, jo katiye tado: Are lau iy anuhun sahou tek ma iy atehei budon in ta iy nane suni jo eme, kohan handru kameh winiyan bano bwe, iy kameh ta udu le buku doh. Iy winiyan bala ta mada sahou bwe. Iy ndrasakalawi imek, ma iy akohok kohan handru.

Hiburu 13:13

Eme ma taha karuwani iri lau rayah nane anya ka-en hamon ta kandriyen ta salom tiri Juwis. Taha kamani iri, ma kame hawe Jises Krais. Idoh i buku taha ala are manan ale, ma taha kabwese bwilima i buku le iy bwese.

1 Pita 1:21

Na Jises le badeh, aha atehei budon taha in ta Kindrei. Iy mene ndramete-ei Jises udu bolo lek ta imek ndrame awas ja, ma iy ndratehei nyosowan ndrabun ndrala la-un. Eme ma, aha atehei budon taha boto-on in ta Kindrei, ma aha abe-en iy ta eme akohok aha ala hawen. Ma aha kameh akohok kohan mwasin ma manyah mwasin hawe Krais.

Hiburu 11:26

Moses atehei budon tan i buku doh: Buku iy andrei bwilima ta nyara Mesaya, idoh le kameh udu bwele-en labai ja ta sowa iri lakou marakon badu Ijip. Tasah, iy abudon boto-on labai ta sihinen mwasin kameh Kindrei edeu, eme iy anya kales boto-on kudu le buku doh.

1 Timoti 6:17

Ou batanau oro lau ala lakou toro solo-an, ta oro satudun oro ma hawe oro satehei budon toro boto-on sa-en ta lakou solo-an toro, tasah lakou doh, winiyan bado luwen bwe. Arile, oro katehei budon toro kabadok ta Kindrei. Tasah, iy badeh, lakou tan solo-an labai, ya idah kameh iy edeu eme tato kasekesek ta aliy.

1 Timoti 3:15

Arile, i buku none jo bawek suwi bwe, sahou udu bolo la-ukei dah, winiyan tiye nyala to ta kandriyen ta to kudu mada kindrei udu bolo lau ta Kindrei ki buku sah. To badeh, lau ta Kindrei, ya iy badeh, kohan handru ta udu le buku doh. Tasah, to badeh, tawi sahou handru ta Kindrei i buku to abe-ei i loke i buku bek, udu le buku doh.

Metiu 27:43

Iy atehei budon tan in ta Kindrei, ma iy anya, iy badeh, Nadu Kindrei. Mwasin, aso anya katou iy kasebenei iy amwenen na dah

Metiu 16:16

Saimon Pita asumon iy i buku doh, “Ou Krais, Kindrei suni ou ame dah. Ou Nadu Kindrei kohan handru udu aliy.”

1 Korin 15:10

Arile, Kindrei badeh, mwasin labai! Iy bwidi jo asahan aposel tan, ma jo udu kada-ah, ma tikisiy tan eme tek badeh, bala laleyah bwe. Jo amekes gok boto-on labai udu bwele-en ja tiri aposel tan. Arile, jo le amwenen bamekes iri gok marakon nane doh bwe. Kindrei tikisi jo, iy eme atehei boto-on eme tek ta amekes iri gok marakon nane doh.

2 Korin 1:10

Ehe, iri maha-an marakon doh anya kadi ahi kamak, arile Kindrei badeh, aseben ahi, ma ahi bamak bwe. Hamon ale, Kindrei kameh aseben ahi ta iri maha-an doh winiyan badi ahi bamak bwe. Ahi atehei budon tahi handru in ta Kindrei ta iri lakou doh.

1 Timoti 2:3

Idoh mwasin labai ma amekes Kindrei ta seben taha, kameh sekesek.