1 Timoti 4:1 - Nyindrou

¹ Malawin Ndrabun tiye aleu i buku doh: Na len hamon eme, lau rayah kameh ruwani budon handru tiri; ya iri kameh an hamon ta malawin ndra-in ta wasai, ma an hamon ta leheya ndra-in tiri balik.

1 Timoti 4:1 Referans Kwoze

2 Pita 2:1

Arile idah kameh, i buku le bwena mene ndra-au, iri propet ta wasai mene are ndrokowa iri Isra-el kameh, iri lau ta leheya tanan ta wasai asahan ndrokowa ado i buku le aliy. Iri lau ta leheya tanan ta wasai doh kameh leheya ado na tanan handru bwe, ya idah kameh, ado winiyan baseleyaniy bwe. Iri kameh sekere-ei lau a len ta Kindrei i buku ndramak atehei budon tan handru i ta aliy. Ma idah kameh, iri bisini lahou ta Jises Krais, ndramak handru ta akunoh iri ta karei ma lomondra ndra-in. Ya eme, na boho iri le doh, kameh tiyani ndra-in atok tiri, ma idah kameh, se nawin bwe iri akohok andra-i labai.

La-ukei atorou Jut 1:18

Oro asehek nyala ado i buku doh, “Len hamon eme kameh, iri lau ta bobose kameh asahan, ya iri kameh adeu kona iri i ta Kindrei. Ya iri kameh an hamon ta budon tiri ma so-ok ta bada iri amwenen.”

2 Pita 3:3

Arile, ma laba tinan badeh, bale ado samani lakou dah: Na len eme kameh iri lau rayah ta amekes kandriyen ndra-in kameh asahan, ma iri a-en hamon ta amekes bada iri. Iri lau doh badeh, ta bobose.

La-ukei atorou Jut 1:4

Lau rayah badu lulik badeh, ndratobwak ndrame bolo taha lau ta Kindrei, taha tanan iri bwe. Iri propet bwena mene atorou nyala iri lau doh kameh ales are ta mada sahou ta Kindrei ta ndra-in tiri. Iri badeh, tebelese ma tubuni tikisiy ta Kindrei i buku kandriyen ta karei. Iri ale badeh, baso-ok Jises Krais, Laban tataha ari le doh bala buku tinan tiri bwe.

2 Korin 11:3

Arile, jo badeh, inoh. Jo abudon ta balik ibin i mwak, iy tanan mwasin labai ta kandriyen ta wendreya, ma mwena mene iy ndrawendreya Ip. Kora-on kandriyen ndra-in buku doh, kameh asahan taha, ma aha kameh alelei iri rayah wendreya aha, ma budon taha winiyan bado rasi bwe, ma aha kameh mani Krais mara-ei.

2 Timoti 3:13

Ma iri lau ndra-in ale kameh amekes kandriyen ndra-in mara-ei ja. Eme ma iri lau ta wasai kameh wendreya iri lau. Balik ale kameh wendreya iri lau ta wasai doh, ma kandriyen tiri kameh asahan ndra-in mara-ei ja.

1 Jon 4:6

Arile, taha lau ta Kindrei, ma are lau tanan iy handru anuhun sahou tataha. Are lau ta Kindrei bwe, banuhun sahou tataha bwe. Eme ma, na san doh, taha winiyan atanan ndrokowa Malawin Ndrabun ta asehek sahou handru, ma malawi balik ta asehek sahou wasai.

Tarou ta Jon 16:13

Arile Malawin Mwasin ta sahou handru eme, iy asehek lakou handru ta nyala Kindrei. Iy kameh in bwena ta leheya aha ala bolo iri lakou handru. Iy winiyan badeu tanan tan amwenen bwe, iy kameh tiye taha ta lakou iy ndranuhun, ma asehek taha ta nyala lakou asahan hamon.

1 Jon 2:18

Wurah lomada ado naduk ta nyara Krais, len ta munyak dah ta udu badeh, ndrame mirihik labai ta ano ai. Buku none aha ndranuhun, lau ta kaliu hawe Krais kameh asahan. Ya, idah, iri lau solo-an ta kaliu hawe Krais ndrasahan ai. Eme ma taha ndratana taha, len ta munyak ta ano badeh, ndrame mirihik ai.

Rebelesen 2:11

Ya, buku ndranyem udu aliy, abo, ou anuhun saba lakou handru, Malawin Mwasin asehek ili tiri lau ta Kindrei! Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, iri kameh winiyan bakohok sisi-in ta imek ari hamon ja bwe.’ ”

2 Timoti 4:4

Ma, iri kameh adeu kona iri ili ta sahou handru, ma iri adeu ndranye iri ili ta anuhun iri kundruh laleyah.

Rebelesen 20:10

Balik badeh, ndrawendreyani iri mwan ma badih doh, eme ma Kindrei akahei iy ma buruwen ales amwenen ili bolo lek laba tinan, ta jih nyarahan labai anya udu ta bek solpa. Nyabwe munyak uru propet ta wendreya badeh, are aliy bwena; eme oro ma taloh kameh akohok sisi-in, ben, len, ben, len ta udu le buku don ai.

Rebelesen 3:6

Are mwan o badih ndranyen udu aliy, jo aso-ok iy kanuhun saba lakou handru, Malawin Mwasin asehek ili tiri lau ta Kindrei.’ ”

Rebelesen 2:29

Ya, buku ndranyem udu aliy, jo aso-ok ou anuhun iri saba lakou handru, Malawin Mwasin asehek ili tiri lau ta Kindrei.’”

1 Pita 1:20

Bwena mene Kindrei babwidi kon munyak dah bwe le badeh, iy ndranyowonyani Jises Krais ta amekes gok ta akunoh taha ame hamon. Ya, na len dah, Kindrei ndraleheyani iy ndrame lewan udu kala iy mene imek ereu bada kei tondreh ereu mada lau mari. Iy imek ta aseben taha lau mara-ei badu munyak.

Rebelesen 18:2

Ma iy asehek sahou boto-on labai i buku doh, “Kon tinan Babilon mene udu bwele-en labai, arile nadah iy ndratohou ndra andri mara-ei! Nadah badeh, iy ndrala ndrahune iri malawin ndra-in ta balik are aliy. Iri malawin ndra-in ma hawe iri sirih ta aimon lakou bolo-an, ma hawe iri sirih ndra-in mara-ei, are loboho doh ale.

Kolosi 2:18

Eme ma, buku rayah mwan ma badih asehek ta nyala lakou iri ndranyolom udu bolo ameh tiri, ma buku iri anya korou sahou kewek taha, tasah aha ba-en hamon tiri bwe, ma batehei aha ba-au bala andri mara-ei bwe, ma batehei bwili ndru-u aha bala andri bala tiri angelo bwe; ya, aha badeh, kadeu kona aha kili tiri. Bar tiri mwan ma badih buku doh badeh, ta amekes lakou laleyah. Tasah, iri badeh, a-en hamon ta kandriyen ta ndrine iri malen atondrok iri kahis.

1 Korin 10:20

Bwe! Idoh wasai handru. Jo asehek i buku doh: Lakou iri lau ta Kindrei bwe adeu i nyara salom, idoh iri adeu ili tiri balik. Iri badeu bala ta Kindrei bwe. Eme jo bwalek ta aha atukum ala hawe malawi iri balik.

Jenesis 3:13

Eme badeh Laban Kindrei lelen i badih, “Ou anya amwekes tasah?” Eme iy anya eh, “Mwak wendreyani jo ma jo iniy.”

Rebelesen 20:8

Iy kameh eme len ta wendreya iri lau marakon atalan laleyah ado bolo kon munyak mara-ei. Iri lau badu kon Gok ma Magok. Satan kameh tukumwi iri marakon doh ala le se ta amekes bahun. Kane iri mara-ei ili le se badeh, i buku on mamarin badu bada babi, winiyan bandromwei bwe.

Rebelesen 19:20

Arile, iy ndramak doh tawi nyabwe munyak doh, ma atehei iy udu bolo asiu lulik hawe propet ta wendreya. Iy propet ta wendreya doh mene, amekes iri kalem solo-an ma lahou tinan labai udu mada nyabwe munyak, ma hawe malawin. Ma, na iri kalem solo-an ma lahou tinan doh, iy wendreyani iri lau mene ndrandrei kalem ta nyabwe munyak, hawe atudun malawin. Nyabwe munyak ma hawe propet ta wendreya doh badeh, iri akahei uru ma mulin au ala andri bolo lek ta jih anya na bek solpa, asun uru.

Rebelesen 18:23

Lomada sun kameh winiyan banya lomadam ja bwai. Sohowa loweu ma bihin anya katasou, iri kameh winiyan banuhun bado bolo kon tinan Babilon ja bwai. Bwena mene iri nadu batun tam ta amekes ba-en ma ta sisih badeh, lahou tiri udu aliy, ma nyara iri badeh, tinan labai ere bolo kon munyak. Ma ou badeh, wendreyani iri mwan ma badih na kandriyen tam ta balahak ma ta lakou solo-an ndra-in, ou a-en hamon ta aliy, ma idoh mene ariu ndrine iri ta a-en hamon tiri kandriyen ndra-in ou amekes.

Rebelesen 13:14

Nyabwe ndras badeh, udu aliy, ya Kindrei badeh, alelei nyabwe munyak nane doh kamekes kalem udu mada nyabwe ndras. Ma ta kandriyen nane iy ndrawendreyani iri mwan ma badih badu kon munyak. Eme ma iy tiye iri lau i buku doh: “Aha badeh, kasihidi ari sukumada kei, konen ki buku nyabwe ndras kede-eh, ta aha katudun nyaran. Iy nyabwe ndras doh ale mene samen ari sese le kidi iy kimek, arile badi iy bamak bwe, iy udu kede-eh kahis.”

Rebelesen 9:20

Iri lau mwan ma badih rayah ma buruwen bamak ta lakou ndra-in nane bwe, iri ale badeh, batubuni ndrine iri bwe, ma batehei kona iri bala tiri lakou, iri nane amekes na mine iri amwenen bwe le. Ya, iri ale baruwani kandriyen ta atudun malawin ndra-in bwe, ma hawe iri kindrei ta wasai, iri amekes na bek nyikilikin, ma silba hawe bras, ma bek hawe kei. Iri lakou marakon doh badeh, winiyan banuhun sahou bwe, iri banyolom kon bwe, ma iri winiyan badek bwe.

Rebelesen 3:22

I buku ndranye aha udu aliy, jo aso-ok aha kanuhun saba lakou handru, Malawin Mwasin asehek ili tiri lau ta Kindrei.’ ”

Rebelesen 3:13

Ya, buku are lau ndranyen udu aliy, jo aso-ok iy kanuhun saba lakou handru, Malawin Mwasin asehek ili tiri lau ta Kindrei.’ ”

Rebelesen 2:17

‘Buku ndranye aha udu aliy, jo aso-ok aha kanuhun saba lakou handru Malawin Mwasin asehek ili tiri lau ta Kindrei. Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, jo kameh edeu niri mana, amai labai udu kon tek. Ma jo ale kameh edeu bek belen mara-ei i tiri ari, ari. Ma udu bwele-e bek doh, jo kameh torowenei nyaran ha-un udu aliy. Ma ari ndramak ja winiyan bala tanan ta kati nyaran doh bwe. Are lau, iy nane akohok bek doh, iy le kameh winiyan i tanan moson ta aliy ai.’ ”

Rebelesen 2:7

‘Ya, buku ndranye aha udu aliy, aha kanuhun saba lakou handru Malawin Mwasin asehek ili tiri lau ta Kindrei! Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri bwe, jo kameh tiye buku doh, iri kameh winiyan akohok nyamon badu ta kei nane edeu kohan mwasin ili tiri mwan ma badih. Kei doh badeh, udu bolo bilin ta Kindrei udu bolo kandrah.’ ”

1 Korin 12:11

Malawin Mwasin ari le nane adeh, amekes iri lakou marakon. Ta so-ok tan le, iy apwai ndramas tan marakon ili ta ndramak ari, ari.

Aposel 28:25

Eme ma iri asehek sahou solo-an ta andres ere ndrokowa iri le amwenen, ma iri kadek ka-au. Arile, ma mwena badeh, Pol sihidi sahou randra i tiri i buku doh, “Malawin Ndrabun badeh, asehek sahou handru ili ta tubu taha iri eme boho propet Aisaya. Iy asehek i buku doh:

Aposel 17:18

Eme oro lau rayah aloh oro Epikuriya ma hawe oro lau aloh oro Stowik ame andres hawe Pol. Oro rayah asehek anya, “Iy ndramak doh ta amou gwa laleyah, anya kasehek nyala sasah kede-eh?” Ya oro rayah anya, “Iy kede-eh asehek nyala iri kindrei rayah badu leheleh nadeh?” Oro asehek i buku doh, tasah Pol nane asehek sahou mwasin ta nyala Jises ndramak ta amak ta imek eme loken.

Aposel 13:2

Ya eme oro atudun Laban hawe abeles oro ta nyamon ili badeh, ma Malawin Ndrabun anya, “Ado katehei Banabas uru Sol badeh, kare len ta amekes lahou tek mene jo aloh uru kamekes.”

Rebelesen 16:14

Oro basen ma taloh doh badeh, malawi oro ndra-in labai, ta amekes iri kalem solo-an hawe lahou tinan. Oro ma taloh badeh, ala hawe iri kabin marakon tiri mwan ma badih badu kon munyak. Iri anya katukum iri kala le se kamekes bahun kameh udu bada len laba tinan ta Kindrei, boto-on mara-ei udu tan.

Metiu 18:7

“Sisi-in tinan labai kameh i bwele-e iri lau badu kon munyak, iri nane amekes ndramak ari ja taku ta kandriyen ndra-in. Handru, iri kandriyen ndra-in doh kameh asahan. Arile jo tikisiy handru ta ndramak mesekei asahan.

Tarou ta Luk 17:1

Ya eme Jises tiye i toro lau tan anya: “Lakou ala, amekes lau taku ta kandriyen ndra-in ma karei kameh barasahan. Arile, oro lau ta amekes asahan kameh akohok sisi-in ndra-in labai ta aliy!

Aposel 20:23

Jo le badeh, tanan ta Malawin Ndrabun ndrabatanau jo ta i buku jo ili bolo kon tinan mari, idah kameh, maha-an hawe a bolo kou udu aliy abe-en jo.

Aposel 21:11

Iy eme asahan hawe aso, ano iy andrei molowa awin ta Pol. Ma iy bawei iy le, katin hawe minen ma la-uh na aliy, ma iy tiye eme taso i buku doh, “Malawin Ndrabun nane tiye eme tek i buku doh, tama molowa awin dah kameh iu ili bolo asiu lulik ili Jerusalem. Iri Juwis badu Jerusalem kameh bawei katin ma minen i buku doh. Ma iri kameh atehei iy ili mine iri lau badu leheleh, ta iri winiyan amekes kandriyen ndra-in i tan.”

1 Korin 2:10

Handru, tanan doh mene aton, arile Malawin Ndrabun ta Kindrei le amwenen eme leheyaniy eme tataha. Tasah, Malawin Ndrabun tanan labai ta anyolom lakou mari, ma iy tanan labai ta anyolom iri budon ma kandriyen mari ta Kindrei mene aton ta mada iri lau.

1 Korin 11:19

Tasah, jo anyolom ndrokowa aha lau ta Kindrei badeh udu aliy. Sebwe, Kindrei anya kanone iri lau a-en hamon ta sahou handru le kameh kasahan keme lewan.

Jemis 3:15

Iri budon hawe tanan doh badeh, bado kandrah bame andri bwe. Iri lakou doh badeh, badu kon munyak le amwenen. Iri asahan ta ndrine taha ndra-in bwena, ma balik in bwena ta aliy.