1 Timoti 3:8 - Nyindrou

⁸ Ya oro lau ta seben badu bolo iri lau ta Kindrei badeh, kandriyen toro ki mwasin labai, ma oro badeh, sala ndramak ta wasai. Oro sa-un gwa boto-on solo-an, iri aloh waen, ma oro samekes ndrakok ta luk toro.

1 Timoti 3:8 Referans Kwoze

Pilipai 1:1

Aru ma la-uh badeh, lohowan ta Krais Jises, jo Pol hawe Timoti. Jo Pol atorou la-ukei dah badeh, hawe budon ta Timoti ale in se hawek, ta ewek tado lau mari, budon tado ihis in ta Krais Jises, ma ado lau ta Kindrei, ado kon Pilipai badeh. Ma hawe i toro lau ta batun ta Kindrei, ma hawe i tiri lau badu ndrokowa ado, ta aseben iri lau ta Kindrei.

Taitus 2:3

Eme ou leheya oro badih en ki le buku aliy. Oro badeh, kandriyen toro ki mwasin i buku badih ta Laban. Oro badeh, sasehek lau ma hawe oro sala badih ta a-un gwa boto-on i buku nyamon toro. Oro badeh, ki badih ta leheya lau ta kandriyen mwasin.

1 Timoti 5:23

Ou badeh, mene abo sik san solo-an, eme ya ou sa-un gwa laleyah, ou badeh, a-un sese waen ki hawen ta amekes ndrinem kudu mwasin.

1 Timoti 3:3

Ya iy badeh, sasahan lolo-ou ta gwa boto-on, ma iy badeh, sala ndramak ta ndrine reh. Arile, iy badeh, ki ndramak ta udu le, ma iy badeh, ki ndramak ta amekes mondrei; ma iy sala ndramak ta aseken luk labai.

Jemis 3:10

Sahou ta atudun nyara Kindrei ma aten badeh, udu boho taha amwenen eme len. Aha nadu tine mwan ma badih, kandriyen doh ndra-in mara-ei, taha samekes.

Taitus 1:7

Eme ya, ndramak ta atondrok iri lau ta Kindrei, hawe ta ateu lahou ta Kindrei badeh, kandriyen tan kudu mwasin, ta iri lau badeh sasehek iy. Ma iy badeh, sabudon anya, iy ndra ari ai. Ma iy badeh, sala ndramak ta ndrinen ato-ou suwi ta losen, ma hawe iy badeh, sala ndramak ta a-un gwa boto-on solo-an. Ma hawe iy sala ndramak ta akeh lim suwi, ma hawe iy sala ndramak ta ndrakok.

1 Timoti 3:12

Ndramak ta seben ta lau ta Kindrei badeh, kasoh badih ari le. Ya iy katondrok nadun ma udun kudu mwasin.

1 Pita 5:2

Aha katondrok iri lau ta Kindrei kamwenen. Iri asahan buku none sipsip ereu mine aha, ma iri an hamon ta sahou taha. Eme ma aha kasekesek ta amekes gok doh buku none le Kindrei aso-ok aha ta amekes. Aha sa-en hamon ta budon ta ndramak ari ja, ya aha sabo gok ta akohok le luk, ndri-iy. Aha katehei budon ta amekes gok ta Kindrei handru.

La-ukei ta Pol atorou ili tiri lau badu kon Rom 3:13

“Boho iri badeh, i buku lek ta lau amak bohon apwa le, tasah iri sihi boho iri ta amekes sahou wasai.” Wari 5:9 “Iri amekes sahou solo-an labai ta bokoro-ei ndramak ari ja, i buku mada lihi mwak ndra-in ta atoh ndramak imek.” Wari 140:3

1 Timoti 3:2

Ndramak ta atondrok lau ta Kindrei, iy badeh ki ndramak, ari ndra-in badan bwe, ya iy badeh, kasoh badih ari le, iy badeh, ki ndramak ta budon mwasin; ma iy badeh ki ndramak ta atondrok badan kudu mwasin. Ma iy badeh, ki ndramak nyaran mwasin handru, ma lau kamasiye iy, ma iy badeh, ki ndramak ta asumon lau mari kame asiu, ma hawe iy badeh, ki ndramak ta tanan ta leheya;