1 Timoti 3:7 - Nyindrou

⁷ Nyaran badeh, ki mwasin ta ndranye lau mari. Ya, ki buku none bwe, badeh kameh iy akohok bwilima ma balik kameh sawei iy.

1 Timoti 3:7 Referans Kwoze

2 Korin 8:21

Tasah, ahi anya kamekes kandriyen mwasin, Laban aso-ok, ma iri mwan ma badih badu kon munyak mara-ei kanyolom ale.

2 Timoti 2:26

Ma iri ale kamani iri kandriyen tiri i buku kubwin ta balik amekes ta aturuk ma amekes iri i ndra-in mara-ei. Balik badeh, ta atamar iri lau ta ka-en hamon ta so-ok tan. Arile, buku iri ndratanan sahou handru, budon tiri kameh winiyan aleu amwenen ja, ma iri kameh winiyan ruwani kubwin ta balik.

Kolosi 4:5

Buku aha are hawe iri mwan ma badih nane, ba-en hamon ta Kindrei bwe, aha badeh, ka-en hamon le ta budon mwasin, ma kamekes iri kandriyen amwenen le. Len mara-ei aha kalokou aha le ta amekes kandriyen ari le, Krais ndramekes ndrala tiri mwan ma badih, kabatana iy mene udu kon munyak, kora-on len mwasin ta asehek sahou mwasin kamai laleyah.

1 Timoti 6:9

Arile, i buku none iri lau anya ka-en hamon tiri lau lakou tiri solo-an, ya kasahan i buku iri. Badeh kameh, iri taku ma arah are bolo kandriyen ta madalakis, ma iri kameh bale iri bwe, ma hawe amekes nono-ou laleyah ta aliu iri le, ma iri taku andra-i handru.

1 Tesalonaika 4:12

Buku aha amekes i buku aliy, idah kameh iri lau tana iri Kindrei bwe, iri anyolom kandriyen doh, aha a-en hamon ta aliy, ma iri kameh atudun nyara aha, ma aha kameh barah ta ari lakou bwe.

2 Korin 6:3

Ahi aposel badeh, baso-ok iri mwan o badih kameh bobose gok tahi dah bwe. Eme ma, ahi ba-en hamon ta kandriyen nane ale amekes iri mwan o badih andra-i ma tebelese hawe ahi bwe.

1 Korin 10:32

Aha katehei budon taha kili tiri Juwis ma iri Grik, ma iri lau mwan ma badih ta Kindrei. Ma, aha samekes ari lakou ja ta amekes budon tiri taku ili ta kandriyen ndra-in ta balik.

Aposel 6:3

Ado nadu tine, ado badeh, kalebelei oro lau ma ndro taloh badu bolo ado. Oro lau doh badeh, kadah na Malawin Ndrabun hawe tanan ta aleben budon. Ya to kameh atehei lahou doh kameh i kani oro.

Taitus 2:8

Eme lau sasehek to, tasah to asehek sahou in badan amwenen. Ou amekes lahou doh, ya i buku none are lau kandres to ta aliy badeh, bwilin kameh ama ta aliy, tasah sahou iy asehek doh bamwenen bwe.

Taitus 2:5

Ma oro katiye oro katondrok bada oro kudu mwasin ta oro sakohok mwan ari ja. Ma hawe oro ka badih ta gok ma kaleheya oro ta kanuhun boho udu oro. Ya eme, lau badeh, sabobose sahou ta Kindrei.

1 Tesalonaika 5:22

Handru, aha badeh, kare ndra len labai tiri kandriyen ndra-in.

1 Timoti 5:14

Eme, jo abudon ta badih nyau bihin badeh, katasou ja kamekes nah ma katondrok oro. Kora-on iri lau ale budon tiri ndra-in udu ta to, sasehek to.

1 Korin 5:12

Gok ta edeu iri mwan ma badih ala ta sahou, iri batukum hawe iri lau ta Kindrei bwe, idoh gok ta Kindrei amwenen. Ari gok tek bwe. Arile, aha badeh, kanuhun ma kadeu iri mwan ma badih kala ta sahou badeh, iri lau ale atukum hawe aha amwenen. Idoh buku buk ndrabun asehek, “Aha badeh, katikahei iri mwan ma badih, iri amekes kandriyen ndra-in ka-au kala len taha.” Dutoronomi 17:7; 19:19; 21:21, 24; 24:7

Aposel 22:12

“Ndramak ari nyaran Ananayas, iy udu bolo kon nane doh. Iy lau ta Jises ari ai, len mari badeh, iy in hamon le tiri kandriyen ta batanau, eme ma iri Juwis nane are Damaskus badeh, aso-ok iy tinan labai.

Aposel 10:22

Eme oro lau anya, “Aso dah ado hawe Koniliyus ndramak batun tiri lau ta bahun badu Rom ame dah. Iy badeh, ndramak mwasin handru ma iy badeh, inoh Kindrei labai, ma iy badeh, iri lau mari badu Isra-el aso-ok iy tinan labai. Angelo ndrabun badeh, tiye tan ta ou ala asiu tan, ya eme iy kanuhun sahou badu bohom.”

Tarou ta Mak 4:11

Eme iy tiye i toro, “Kindrei aseken ado lau tek katanan iri sahou mene aton ta nyala tondrok ta Kindrei. Arile iri rayah bare hawe to dah bwe, jo asehek i san ta sahou sokek,

3 Jon 1:12

Lau mari tanan Demitiriyus, ma iri asehek nyala kandriyen mwasin tan hawe sahou handru ta Kindrei iy asehek. Aso ale asehek nyala kandriyen tan, aha ndratanan, buku sahou taso badeh, handru.

1 Timoti 3:6

Iy ale winiyan batondrok lau ta Kindrei bwe, buku iy barasahan lau ta Kindrei ai, bwe kameh, budon ta atudun iy kameh i tinan ma idah kameh iy anya, iy le. Ya, buku none iy amekes i buku aliy, idah kameh iy akohok maha-an kameh i le buku balik.