1 Timoti 3:2 - Nyindrou

² Ndramak ta atondrok lau ta Kindrei, iy badeh ki ndramak, ari ndra-in badan bwe, ya iy badeh, kasoh badih ari le, iy badeh, ki ndramak ta budon mwasin; ma iy badeh ki ndramak ta atondrok badan kudu mwasin. Ma iy badeh, ki ndramak nyaran mwasin handru, ma lau kamasiye iy, ma iy badeh, ki ndramak ta asumon lau mari kame asiu, ma hawe iy badeh, ki ndramak ta tanan ta leheya;

1 Timoti 3:2 Referans Kwoze

2 Timoti 2:24

Arile, are lau handru amekes gok ta Laban, iy badeh, sasahan ndramak ta tebelese hawe iri lau rayah ja. Iy badeh, kamekes kandriyen mwasin kili tiri lau. Iy ale kasahan ndramak ta leheya, ma iy samekes bundruwe losen sala tiri lau, ma iy kasahan ndramak ta udu le udu.

La-ukei ta Pol atorou ili tiri lau badu kon Rom 12:13

Ou anyohan lakou ki toro lau ta Kindrei, i buku none oro andriliu ta lakou. Ma ou asumon iri lau badu heh, badu heh kawek asiu.

1 Timoti 5:9

Ado satorou nyara iri badih nyau ala jaha tiri udu baha ndro hanoh (60) badeh, sala hawe nyara iri badih nyau ala jaha tiri udu bada ndro hanoh (60) i loke. Tasah, iri badih nyau jaha tiri udu bada ndro hanoh (60) i loke badeh, badu hawe iri lau ta Kindrei labai, ya iri lau ta Kindrei atondrok iri labai. Ya iri badih nyau doh mene are ta mwan ari le.

1 Pita 4:9

Ya, buku none iri lau ra-on ja ta Kindrei ame areu hawe aha, mwasin, aha katondrok iri kamwenen. Ndrine aha sandra-i ta amekes kandriyen mwasin i tiri.

1 Pita 5:8

Aha kalokou aha ma mada aha kaleu, tasah balik ale ta amekes bahun eme tataha badeh, edek ili eme ta takaleh iri lau mwan ma badih, ta amekes ndra-in ki tiri. Iy badeh, ndra-in labai, buku none ari layon. Iy anyur boto-on labai, ta nohowa iri bwisir tan, ma iri anoh, ya iri sakaliye. Ma iy kameh atikah iri, ma adai iri ta aimon. Balik ale anya kamekes kandriyen buku doh kewek taha.

Hiburu 13:2

Aha samaniy ta asumon iri lau badu kon leheleh ame bolo kon tam. Aha ndratanan, bwena mene iri lau rayah amekes i buku aliy, ma iri andrei iri angelo rayah ala asiu hawe iri, ma tondrokei iri. Arile, iri bala tanan ta angelo eme bwe, iri anya ndra ndramak awas le ai.

Taitus 2:2

Ma ou leheya oro lau-en badeh, ka-en hamon toro kandriyen doh: Oro badeh, budon toro kaleu, ma oro badeh, ki ndramak ala lau mari kanuhun oro, ma oro badeh, ki ndramak ta atondrok bada oro, ma oro badeh, ki ndramak handru ta budon toro kihis ta tanan handru. Ma oro badeh, ki ndramak ta amekes mwasin i ta lau mari, ma hawe oro badeh, ki ndramak ta ado le i buku none oro bwese maha-an solo-an.

Pilipai 2:15

Eme iri lau winiyan basehek ado bwe, ma idah kameh lomondra tado asahan mwasin labai. Eme ado nadu Kindrei, kandriyen tado ki mwasin labai kanya i buku ndrau anya kudu bolo ndrokowa iri lau ta amekes kandriyen ndra-in labai katou.

1 Pita 4:7

Len ta kon munyak ta ano ndrame mirihik labai, eme ma aha kabudon kamwenen, ma mada aha kaleu, ya aha katondrok iri kandriyen taha kamwenen. Idoh kameh aha winiyan asolom amwenen.

Hiburu 3:14

Ma bwena mene to atehei budon tato in ta Krais. Eme na dah, to katehei iri budon tato mari kihis handru kudu winiya le to baramak. Buku to amekes ili buku doh, idah kameh to akohok lomada Krais, ma to asahan kawas tan handru.

1 Timoti 4:3

Iri tiye iri lau satasou, ma saimon nyamon rayah ndri-iy. Arile, Kindrei mesekei iri nyamon doh badeh, ta aimon le, i buku none to lau ta budon handru amekes salom, ma adeu wurah ta aliy. Tasah, to badeh, ndratanan sahou handru.

Tarou ta Luk 1:6

Uru ma la-uh badeh, bamekes se kandriyen ndra-in bandra-i ta mada Kindrei bwe. Uru badeh, an hamon handru ta sahou batanau ta Laban, ma an hamon ta kandriyen ta Laban mari.

Tarou ta Luk 2:36

Eme ya propet badih ari nyaran Ana nadu Panuwel udu aliy. Iy badu boho kamen ta Aser. Iy udu ta udun jaha ma ndro taloh le, ano udun imek. Iy i nyau udu udu, iy i alon, ma jaha tan asahan ndru lunoh hahuw (84).

1 Timoti 3:8

Ya oro lau ta seben badu bolo iri lau ta Kindrei badeh, kandriyen toro ki mwasin labai, ma oro badeh, sala ndramak ta wasai. Oro sa-un gwa boto-on solo-an, iri aloh waen, ma oro samekes ndrakok ta luk toro.

1 Timoti 3:12

Ndramak ta seben ta lau ta Kindrei badeh, kasoh badih ari le. Ya iy katondrok nadun ma udun kudu mwasin.

1 Timoti 5:10

Ma iri badeh, nyara iri bandra-i bwe, hawe iri badeh, mene ta leheya nadu iri ta kandriyen mwasin. Ya eme mesekei iri lau badu leheleh badeh, adah asiu. Ma iri badeh, mene badih ta leheya kandriyen mwasin, i buku none lohowan sikine kati iri lau ta Kindrei. Ya ma iri ale badeh, aseben iri lau ado ta maha-an, ma iri atehei ndrine iri badeh, i ta kandriyen mwasin.

1 Timoti 5:22

Ou badeh, sabotatahan ta adeu boto-on sala la-u are lau anya kateu lahou ta Laban ndri-iy. Ma ou sala bolo iri samekes lomondra ndra-in ma karei iri lau amekes. Ou atondrok ou amwenen.