1 Timoti 2:8 - Nyindrou

⁸ Eme ya budon tek, jo aseken aha lau mwasin ta mada Kindrei badu kon mari kamekes salom ma kasore mine aha ki loke. Ma hawe aha kateu lim, ma aha sasobobo ndri-iy.

1 Timoti 2:8 Referans Kwoze

Hiburu 10:22

Ta iri lakou doh le, taha ale kame mirihik ta Kindrei hawe ndrine taha kirek tiri budon mwasin. Taha katawi ndrine taha kudu mwasin, tasah ndraye Jises badeh, ndrasikinei lomondra ma iri kandriyen ndra-in tataha ndrano ndra-au, ma Kindrei ndrasikine bada taha na gwa tan lewen.

Taitus 3:8

Eme sahou, jo tiye tam dah badeh, handru. Ou ales ya asehek sahou boto-on ki toro lau ala ndratehei budon toro handru ndra ta Kindrei badeh. Eme ma oro katehei budon toro ki ta amekes kandriyen mwasin. Eme ya leheya dah badeh, mwasin labai ta aseben lau mari.

Jemis 4:8

Aha badeh, kala mirihik handru ta Kindrei, ya iy kameh eme mirihik handru taha. Aha lau mwan ma badih ta lomondra ndra-in ma ta karei, kandriyen taha badeh, kasahan mwasin i buku ndramak sikine minen asahan ha-un ja. Buku budon taha i lundra, baden eh, aha karuwani budon ndra-in nane udu ndrine aha badeh, ki-iu ai.

Tarou ta Luk 24:50

Ano iy kuhi oro ame len ta kon tinan ame loboho Betani, ano iy suruni minen i loke ma iy edeu nyosowan i la-u oro.

1 Pita 3:7

Buku none aha lau tasou ale, aha kakohok budon mwasin, ya aha kamanyah kamwenen hawe udu aha iri. Aha kalelek iri badih ale, tasah bada iri badih badeh, boto-on handru bwe. Idoh le aha kamekes kandriyen mwasin ki tiri. Iri badih ale kameh akohok koha iri ma nyosowa Kindrei mwasin hamon hawe aha mwan. Eme ma, buku none aha an hamon ta sahou dah, ari lakou winiyan basokei salom taha bwe, buku none aha asolom i ta Kindrei.

1 Timoti 5:14

Eme, jo abudon ta badih nyau bihin badeh, katasou ja kamekes nah ma katondrok oro. Kora-on iri lau ale budon tiri ndra-in udu ta to, sasehek to.

Aposel 21:5

Arile, len ma ndro taloh taso are hawe oro badeh, ndrano ai, eme ma aso ka-au kala hamon kala ndron ja. Eme ma oro lau marakon ta Jises nane, ma udu oro hawe nadu oro, tiyani aso ala babi. Eme ma ahi mari atehei bwili ndru-u ahi i bada on, ma asolom ili ta Kindrei.

Aposel 10:4

Eme Koniliyus anyolom ales i tan ma iy inoh, ma iy anya, “Laban tek, ou aso-ok sasah?” Eme angelo dah anya, “Kindrei ndrasumon salom tam ma iy ndranyolom sasah ou anyohan i tiri lau lakou bwe, ya balen bamani ou bwe.

Aposel 10:2

Koniliyus ma hawe lowan oro badu Juwis bwe, arile iy ma hawe oro mara-ei ado asiu tan badeh, atudun Kindrei le ai. Iy badeh, edeu lakou i tiri lau lakou bwe, ma amekes salom i ta Kindrei na bolo len mari.

Aposel 7:60

Ano badeh, iy atehei bwili ndru-un udu andri, ma iy aloh i tinan i ta Kindrei i buku doh, “Laban, balem kamani kandriyen ndra-in toro nane amekes eme tek doh.” Iy asehek sahou doh ano le badeh, ma iy imek.

1 Korin 7:7

Handru, jo sekesek ta aha bala tasou bwe, aha i buku le jo. Arile, Kindrei edeu ndramas ma tanan eme tataha bala le randra bwe. Iri rayah akohok ndramas ma tanan ta bala tasou bwe, ya iri rayah ja akohok ndramas ma tanan ta anya katasou.

Aposel 10:31

ma tiye eme tek i buku doh, ‘Kindrei badeh, ndranuhun salom tam ma hawe kandriyen mwasin tam, ta ou adeu lakou laleyah i tiri lau lakou bwe.

Tarou ta Jon 4:21

Jises asehek i tan anya, “Ou badih kede-en, ou atehei budon tam marakon keme le tek. Len hamon eme kameh aha winiyan batudun tama taha Kindrei winiyan bado bwele-e mandrei dah bwe, ma iri Juwis ale winiyan batudun iy bado bolo Jerusalem bwe le.

Tarou ta Luk 23:34

Eme Jises tiye anya, “Tama, ou mani kandriyen ndra-in toro, tasah oro bala tana oro sasah oro amekes dah bwe.” Eme oro lau ta bahun atehei kolau tan i andri, ma oro amekes laki ta aliy, ta andrei kolau tan i le winiya oro.

Metiu 21:21

Eme Jises asumon boho oro i buku doh, “Jo asehek sahou handru ewek tado, buku none ado atehei budon handru in ta Kindrei ya ado babwerei bwe, ado winiyan mesekei kandriyen jo amekes i ta kei pik nane. Ya idoh le bwe, buku none ado tiye i ta mandrei dah, ‘Ou suri ou ya ou sandroh ala bolo ndras,’ lakou doh kameh asahan buku le ado nane ndratiye.

Metiu 5:44

Arile jo katiye tam, ou aseken iri lau amekes budon ndra-in ewek tam. Ma ou amekes salom ki ta Kindrei ta iy kaseben iri lau amekes ndra-in ewek tam ta adai ou.

Metiu 6:12

Ou mani kandriyen ndra-in taso, i le buku aso mani iri kandriyen ndra-in iri amekes eme taso.

2 Korin 2:14

Arile, jo baradeu wurah barala ta Kindrei adeh. Tasah, len marakon iy badeh, atehei ahi ala kon rakon, rakon ta atiye lahou tinan, Krais ndrabwidiy ta akohok ahi ame hamon ma amekes ahi asahan lau tan handru. Ehe, buku manahu buburen asahan, ma jor aluhiy iu ili bolo kon marakon, i buku le tekedek tahi aseben iri mwan ma badih marakon akohok tanan ta Kindrei.

Pilipai 1:12

Eme ya ado nadu tine i san ta Jises, jo anya ado ki tana ado ta maha doh, jo bwese badeh, basokei sahou mwasin ta nyala Jises bwe, arile na maha doh le badeh, mesekei sahou mwasin doh i tinan labai i bolo lau mari.

1 Tesalonaika 1:8

Handru, aha leheya kandriyen mwasin, tasah len aha a-en hamon ta kandriyen mwasin, eme sahou ta Kindrei aha asehek nane badeh, buku kurutuwe ndran, iu ili len labai. Arile, bala bolo kon tinan Masadoniya hawe Akaya le bwe, kundruh taha atehei budon taha ale ili ta Kindrei badeh, iu ili len labai bolo kon mara-ei. Eme ma aso ari gok ta amekes sahou ta aliy ja bwai.