1 Timoti 2:4 - Nyindrou

⁴ Tasah, iy aseken lau mari samak ma lau katanan sahou handru.

1 Timoti 2:4 Referans Kwoze

2 Pita 3:9

Eme ya Laban badeh, bamunum ta budon tan nane iy tandrakan ta amekes bwe. Bala buku none bale taha lau ala lomondra ta aliy anya amunum kede-eh bwe. Arile, iy badeh, udu le atondrok taha, tasah iy badeh, aseken taha mari katubuni ndrine taha ta kandriyen ndra-in, ya taha sala bolo jih.

Taitus 2:11

Katin ta ou leheya, ma batanau iri lau ta Kindrei, ka-en hamon ta kandriyen doh badeh, asah i buku doh: Na tikisiy ta Kindrei le, eme la-u taha mari badeh, mesekei iy suni Jises Krais eme munyak, ta sikine karei ma lomondra ndra-in tataha.

2 Timoti 2:25

Ma iy kaleheya iri lau nane amekes ndra-in ili tan, ma iy ale kamekes kamunum le ta amekes budon tiri lau nane tebelese hawen. Iy kamekes ki buku doh, tasah Kindrei kameh aseben iri, ma iri kameh winiyan tubuni ndrine iri, ma iri kameh winiyan atanan ta sahou handru, ma iri winiyan a-en hamon tan.

1 Timoti 4:10

To asa-ar dah badeh, tasah to abudon boto-on in ta Kindrei. Ma iy ale ta aseben lau mari. Arile, ma hutuwen labai ki toro are atehei budon handru in tan. Tasah, iy badeh, ta ano bwe.

Tarou ta Luk 24:47

Ma sahou ta nyalan winiyan tubuni ndrine iri, ma winiyan sikine karei ma lomondra ndra-in tiri iu, na boto-on ta nyaran. Ya sahou doh badeh, kudu Jerusalem bwena, ano katiye kili bolo kon munyak tinan mari.

Rebelesen 14:6

Udu hamon ta lakou doh ano badeh, jo anyolom angelo ari atah ili bolo kandrah. Gok tan badeh, ta atiye sahou mwasin kameh ta udu le buku doh, ili tiri mwan ma badih mara-ei are kon munyak. Iy asehek ili tiri mwan ma badih badu kon munyak tinan mara-ei, tiri boho kamen mari, tiri boho kon rakon rakon badu kon munyak mari, ma ili tiri mwan ma badih bada iri randrah ja.

Tarou ta Jon 14:6

Jises eme tiye sahou i ta Tomas, “Jo le ari jo san handru, ma jo kati iri sahou handru, ma kati kohan handru kameh udu le buku doh. Ari ndramak winiya bala hawe tama, bala rasan san ja bwe. Iy kameh keme badak bwena.

Metiu 28:19

Ado kala kon mari, ya kamesekei iri lau mari kasahan lau tek, ado kalomwa iri na nyara tama, ma nadun ma hawe Malawi Ndrabun.

Taitus 1:1

La-ukei dah badeh, jo Pol atorou. Jo badeh, Kindrei le tiye jo asahan lohowan tan, ma tiye jo asahan aposel tan ta atiye sahou badu boho Jises Krais. Kindrei amekes doh badeh, ta jo kaleheya oro lau tan badeh, katehei budon toro handru ki-in hamon ta budon handru. Ma hawe jo kaleheya oro kaleu handru ta tanan ta Kindrei. Ya eme na tanan handru ta Kindrei doh badeh, winiyan leheya oro ta manyah mwasin i buku seken ta Kindrei.

2 Timoti 3:7

Iri a-en hamon ta sahou solo-an, arile iri winiyan ba-en hamon ta sahou handru bwe.

Tarou ta Luk 14:23

“Ano ja, ndramak ta kati nyamon dah, tiye i ta lohowan tan anya, ‘Ou ala loboho san tinan hawe san bwisik hawe lobwilis badeh, tiye iri lau kame, ya bolo asiu tek kidih.’

Tarou ta Luk 1:77

ma atiye sahou tanan i tiri lau tan ta nyala seben, ndrame. Ya iy kameh balen mani karei ma lomondra ndra-in tiri.

Tarou ta Jon 17:17

Sahou tam handru. Jo aso-ok ou atehei sahou tam handru kamekes gok kili bolo ndrine oro ma kabwidi oro kameh kasahan oro lau tam handru.

Tarou ta Jon 6:37

Iri lau, tama abudon ta edeu iri ame tek, idah kameh iri ame hawek handru. Buku are lau iy anya keme hawek, jo kameh winiyan batikahei iy ba-au bwe.

Tarou ta Mak 16:15

Eme ma iy tiye i toro i buku doh, “Ado kala bolo kon munyak mara-ei badeh, katiye sahou mwasin doh ki tiri lau mari.

Hiburu 10:26

Buku taha ndratanan sahou handru ta Krais, arile udu ja, budon tataha boto-on labai anya kili hamon tiri kandriyen ndra-in, taha winiyan bamekes ari salom ta sikine iri kandriyen ndra-in iu ja bwe.

La-ukei ta Pol atorou ili tiri lau badu kon Rom 11:14

Tasah, jo abudon i san doh, kameh winiyan mesekei iri lau badu hawek, iri Isra-el kameh, mada iri alikis ta aliy. Ma idah kameh, winiyan sebenei iri rayah ado mwasin.

Jemis 3:14

Arile, buku aha abudon ta totowa budon ndra-in taha ili tiri mwan ma badih rayah ja, ya len mara-ei aha abo gok ta a-en hamon ta san ndra-in ta atudun nyara aha amwenen ta udu bwele-e iri rayah ja, aha ta wendreya ma kandriyen taha badeh, bokoro-ei sahou handru ta Laban. Aha samekes kandriyen doh ndri-iy.

2 Jon 1:1

Jo Jon, jo udu bwena ta lau ta Kindrei, jo atorou la-ukei dah, ewek ta ou badih nane Kindrei ndratehei kalem ndrawek tam, ma hawe nadum oro. Jo badeh, aso-ok ado labai! Jo le bwe, arile, hawe iri lau solo-an labai tana iri sahou handru.