1 Timoti 1:9 - Nyindrou

⁹ Taha tanan ale, kandriyen malen atehei eme badeh, ta leheya iri lau mwasin bwe. Arile, kandriyen malen atehei eme, ta leheya iri lau ta tebelese labai. I buku none iri lau ta banuhun sahou ta Kindrei bwe, ya ta i tiri lau ta amekes karei ma lomondra ndra-in, ya i tiri lau ta a-um tama iri hawe tine iri amak, ma hawe i tiri lau ta adai lau amak.

1 Timoti 1:9 Referans Kwoze

Galesiya 3:19

Ya, lahou ta batanau malen i buku sah bah? Kindrei mene aseken kati kandriyen ndra-in keme lewan. Eme ma, hamon ta iy edeu sahou tandrakan i ta Abraham, iy edeu batanau malen ale. Idoh ta leheya batanau malen doh boto-on ta aliy eme taku kabatana lundriye Abraham le barasahan. Ya ta lundriye Abraham le doh, Kindrei amekes sahou tandrakan i hawen. Ya lakou ari ja i buku doh, batanau malen mene Kindrei atehei i kani iri angelo, ano iri angelo atehei i kani iri lau badu Isra-el.

1 Pita 4:18

Ya, buku none buk ndrabun ndratiye, “Buku are lau mwan deh badih atehei budon tiri i ta Kindrei, bwese-ei iri maha-an, arile iri sakalawi mada sahou ta Kindrei na kandriyen tiri mwasin sese le, saba lakou handru kameh asahan tiri lau ale atehei kona iri i ta Kindrei, ya iri amekes kandriyen ndra-in? Iri kameh ala le bolo jih kabwai.” Tanan 11:31

La-ukei ta Pol atorou ili tiri lau badu kon Rom 5:20

Udu hamon, iri lau akohok kandriyen ta batanau, eme bwidi iri sakalawi iri kandriyen ta batanau ili labai ja. Iri lau mara-ei amekes kandriyen ndra-in solo-an labai, arile Kindrei badeh tikisi iri tinan labai ja.

Galesiya 5:23

kandriyen ta ou amekes ou batudun ou bwe, ma hawe kandriyen ta budon tam winiyan bandra-i bwe. Ya eme ari batanau malen winiyan baturuki iri kandriyen doh bwe.

Taitus 3:3

Na len ndra-au bwena mene, taha ale i buku aliy. Taha badeh, bale taha bwe. Taha banuhun sahou bwe, ma taha atehei budon tataha i ta sahou wasai. Bolo manyah tataha badeh, ta amekes bada taha sekesek ta kandriyen ndra-in le. Eme taha mene amekes kandriyen ndra-in na len mari. Ma taha ale badeh, mada taha alikis ta lakou tiri lau, ya taha aseken. Ma idoh amekes budon tiri lau badeh, andra-i eme tataha, ma hawe amekes budon tataha andra-i i ta ndramak ari ari.

La-ukei ta Pol atorou ili tiri lau badu kon Rom 6:14

Ya eme, karei ma lomondra ndra-in satondrok aha labai, tasah aha badeh, bado bahandra batanau malen ja bwe; aha badeh, ado bahandra tikisiy ta Kindrei labai.

La-ukei ta Pol atorou ili tiri lau badu kon Rom 1:30

Iri bwale iri Kindrei ma iri bobose iri lau, ya iri anya iri le ai, ma hawe iri atudun nyara iri, ya iri amekes tanan ha-un ta amekes kandriyen ndra-in, ma iri tebelese boho tama iri hawe tine iri.

Rebelesen 22:15

Arile, iri lau ta amekes kandriyen ndra-in labai i buku iri mwi amekes, iri ta amekes balahak, iri ta amekes karei, iri ta adai lau amak, iri ta atehei bwili ndru-u iri i andri ili ta kindrei ta wendreya, ma iri mwan ma badih ale aso-ok kandriyen ta wasai, ma a-en hamon ta aliy; iri lau marakon doh kameh are ndra manan ta kon tinan nane, iri winiyan bala bolo kon tinan ta Kindrei doh bwe.

Rebelesen 21:8

Arile, iri lau nane anoh, ma atobwak ala hamon, ma iri lau batehei budon tiri bala ta Kindrei bwe, ma iri lau amekes kandriyen ndra-in solo-an labai, ma iri lau adai lau rayah amak, iri lau ta amekes kandriyen ta karei, iri lau balahak udu tiri ta bekebek lau amak, iri lau ta atehei bwili ndruu iri i andri i ta sukumada kei, iri lau ta amekes sahou wendreya, ya kon tiri lau mara-ei doh badeh, bolo lek ta jih nyarahan, anya udu ta bek solpa. Imek ari hamon ja dah badeh, ma kabwai.”

Taitus 1:16

Oro anya oro tana oro Kindrei, arile kandriyen toro batiye bala buku aliy bwe. Tasah, kandriyen ndra-in toro, Kindrei sumukok, ma oro ta tebelese ma winiyan bamesekei ari kandriyen mwasin ja bwe.

1 Pita 3:20

Iri su-u doh badeh, malawi iri lau ndra-in bwena mene iri banuhun sahou ta Kindrei bwe, kala Nowa mene amekes ndron tinan. Iri lau solo-an bala bolo ndron bwe, oro lau ma ndru la-uh le, ala bolo ndron nane doh. Oro bamak bwe, tasah gwa eme sebenei oro, bwese-ei ndron, ma ndron telebek. Arile, iri lau mari mene areu manan, amak an bolo wadah tinan.

Hiburu 11:31

Rahap, iy badih ari ta bada belei, arile iy atehei budon tan boto-on handru in ta Kindrei, iy eme aseben uru lau la-uh badu Isra-el mene ala anya kanyolom saba lakou handru udu bolo kon Jeriko. Eme ma iy bamak bwe, bala buku iri lau nane banuhun boho Kindrei bwe.

2 Tesalonaika 2:8

Na len doh, iy ndramak ta balik kameh asahan eme lewan. Ma iri lau marakon kameh atanan iy. Arile, hamon kameh, Laban Jises eme ja, ma hawe lomada sun tan tinan labai, ma iy kameh idi ndramak ta balik nane na jor ta bohon le amwenen. Ma iy kameh amekes iy ndramak doh asahan lakou laleyah.

La-ukei ta Pol atorou ili tiri lau badu kon Rom 4:13

Kindrei tandrakan Abraham ta kon munyak mari kameh i tan, ma i ta lundriyen oro. Arile Kindrei tandrakan Abraham oro badeh, bala san ta oro a-en hamon ta batanau malen, bwe. Iy tandrakan oro kameh akohok munyak mari, tasah Abraham atehei budon tan mara-ei in tan, eme ma Kindrei aloh iy ndramak mwasin mara-ei ta madan.

Metiu 10:21

“Na len doh kameh, ndramak atehei nadu tinen amwenen ili ta mada sahou, ya iy kameh edeu sa-oh tan. Ya tama iri ra-on ale kameh amekes i buku aliy ili ta nadu iri. Ma iri nah ra-on kameh asahan lau ta bahun ili ta tama ma tine iri, ma iri kameh atehei iri ala mada iri lau tinan ta kadai iri kamak.

1 Pita 2:7

Ya sahou nane dah ewek taha lau atehei budon taha i ta Laban, badeh, buku none bek mwasin labai en. Arile, sahou ari ja i tiri lau ale batehei budon tiri bala tan bwe, i buku doh: “Bek ale iri lau ta atah asiu bwale iri, na dah, iy ndrasahan kati ndru ta ka-u asiu bek.” Wari 118:22

Hiburu 12:16

Mada aha kaleu ta ndramak iy in hamon ta kandriyen ta karei. Kora-on ari ndramak katehei konan kili ta Kindrei, i buku le Iso mene, iy anya kisih nyamon san rasan le, eme iy atehei iri lakou marakon mwasin ta iy winiyan akohok i buku iy kadok, ta iu laleyah.

Galesiya 5:21

Iri kandriyen i buku madalakis ta lakou, ma hawe a-un gwa boto-on ta amekes lau abo lolo-ou, ma ta amekes lakou laleyah. Jo tiye sahou batanau i taha dah, i buku bwena jo ndrasehek taha: Oro are lau amekes kandriyen doh, winiyan bado bahandra tondrok ta Kindrei bwe.

Galesiya 5:18

Arile, i buku none aha a-en hamon ta Malawin Ndrabun eh, badeh, aha ba-en baha batanau malen bwai.

1 Timoti 4:7

Ou sa-en hamon ta kundruh tiri lau ta wasai ma hawe ou sa-en hamon ta sahou laleyah. Arile, ou abadok ou ta bolo manyah mwasin ta Kindrei.

1 Timoti 6:20

Eme ya Timoti, ou tawi lahou udu kanim badeh, kamwenen labai. Ma ou teleya ou, ta tanan ta wasai ala iri aloh anya, “Tanan handru.” Arile bwe. Badeh bamwenen ta sahou ta kindrei bwe, badeh.

2 Timoti 2:16

Bohom sala tiri sahou ndra-in, ari moson bwe. Tasah, iri sahou doh, iri lau amekes ta ariu lau a sola ala le san ta adeu kona iri ili ta Kindrei.

2 Timoti 3:2

Idah kameh i ndra-in mara-ei, tasah iri lau ndra-in kameh aso-ok iri le amwenen. Ma iri aso-ok luk tinan ale. Iri kameh atudun nyara iri le amwenen, ma iri kameh aluhe iri lau, ma bobose Kindrei. Iri ale kameh tebelese sahou ta tama hawe tine iri amwenen, ma iri tanan sekesek bwe, ma badeu wurah bwe, ma iri winiyan babudon ari lakou laba tinan bwe.

Taitus 1:6

Ndramak ta batun badeh, nyaran ki mwasin labai, ma iy badeh, udun ari le. Ma hawe nadun oro badeh, ka nah ta budon handru, ma oro sala nah ta tebelese ta amekes lakou laleyah. Arile, oro badeh, ki nah ta anuhun boho tama oro.

Taitus 1:10

Tasah, iri lau solo-an ba-en hamon ta sahou ta Kindrei bwe. Iri asehek sahou laleyah ma wendreya iri lau. Iri lau ta wendreya doh badeh, iri lau ala ta asan ku-i iri, ya udu bolo iri doh badeh, iri Juwis solo-an.

La-ukei atorou Jut 1:15

Iy eme ta edeu lau marakon ala ta mada sahou. Iy kameh edeu maha-an ma sisi-in ndra-in labai i tiri lau nane are ndra bolo lulik, ta kandriyen ndra-in iri amekes. Laban kameh edeu maha-an ma sisi-in ndra-in ale, i la-u iri lau ta amekes kandriyen ta karei, ma iri asehek sahou bamwenen bwe i ta Kindrei.”