1 Timoti 1:12 - Nyindrou

¹² Jo edeu wurah i ta Krais Jises, Laban tataha, tasah iy le badeh, edeu boto-on eme tek. Iy anyolom jo badeh, ta anuhun sahou, eme iy atehei lahou tan eme kanik jo amekes dah.

1 Timoti 1:12 Referans Kwoze

Pilipai 4:13

Tasah, jo winiyan amekes lahou mari na boto-on tan iy edeu eme tek.

2 Timoti 4:17

Arile, Laban ndrame ndrales ndrare hawek, ma iy atadau jo. Eme ma, jo mene winiyan atiye iri sahou mwasin marakon, ma iri lau badu leheleh marakon winiyan anuhun. Ma Kindrei mene aseben jo, ma iy andrei jo eme len ta sahou laba tinan doh. I buku iy ndraruwi jo ndrame len ta lihi layon.

Kolosi 1:25

Kindrei amwenen mene ndralebelei jo, ta jo katiye iri sahou tan marakon kewek ta aseben aha. Eme ma, jo badeh, asahan buku ndramak ta lohowa aha mwan ma badih marakon ta Kindrei.

Pilipai 2:11

Ma hawe lau mari kameh aloh iy i tinan ta ndranye lau mari, ta Jises Krais badeh, iy Laban handru. Na sahou tiri doh kameh atudun nyara Kindrei. Tasah, iy le tama taha mari udu bolo lomadan ta taman Kindrei, ta atondrok munyak mari.

2 Korin 4:1

Kindrei mwasin, ma iy tikisi ahi, ma iy mene atehei gok ta atiye sahou mwasin dah eme tahi. Eme ma, ahi bawoyah ta amekes gok dah bwe.

1 Korin 7:25

Aha mene atorou la-ukei ramen eme tek ta ndremenya jo ta nyala iri lau batasou bwe. Arile, jo bala tanan ta ari batanau Laban asehek ta nyala aliy bwe. Eme ma jo anya kasehek taha ta saba lakou udu budon tek. Jo ndratanan aha kameh winiya anuhun jo, tasah Laban tikisi jo, iy eme atehei jo asahan ndramak ta tiye sahou handru le.

Aposel 9:22

Arile, sahou Sol akeh badeh, i nyarahan nyarahan le gwek ma iy asehek sahou aleu handru i tiri Juwis ado Damaskus, ta Jises badeh, Krais handru, Kindrei suni iy eme. Sahou tan bolowani budon tiri Juwis doh, ma bwidi boho iri ihis.

Aposel 9:15

Arile, Laban tiye i ta Ananayas anya, “Bwe, ou ala! Iy ndramak doh badeh, jo ndralebelei iy ta atiye sahou tek i tiri lau badu leheleh, i tiri kabin tiri ma hawe i tiri lau badu Isra-el.

Aposel 16:15

Eme iy hawe lowan oro mara-ei badeh, alomwa oro, ya eme iy kuhi aso ala asiu tan. Ma eme iy tiye i taso ma indrek aso anya, “I buku none ado lomondra jo badih ta budon handru i ta Laban eh, ado kame kado asiu tek.”

1 Timoti 1:11

Sahou handru ta lomadan hawe nyosowan ta Kindrei badeh, udu bolo sahou mwasin tan, eme iy badeh, atehei eme kanik ta atiye.

1 Korin 15:10

Arile, Kindrei badeh, mwasin labai! Iy bwidi jo asahan aposel tan, ma jo udu kada-ah, ma tikisiy tan eme tek badeh, bala laleyah bwe. Jo amekes gok boto-on labai udu bwele-en ja tiri aposel tan. Arile, jo le amwenen bamekes iri gok marakon nane doh bwe. Kindrei tikisi jo, iy eme atehei boto-on eme tek ta amekes iri gok marakon nane doh.

Tarou ta Jon 5:23

Kindrei amekes i buku doh ta iri lau marakon kamasiye nadun, i buku le iri lau marakon masiye taman. Are lau bamasiye nadun bwe, iy ale bamasiye taman bwe le. Tasah, tama suni nadun ta eme.

1 Korin 3:5

Aha kabudon kamwenen. Aru Apolos, aru are lau handru? Aru badeh, lohowan ta Kindrei le ta atiye sahou tan, eme ahi ta aseben aha ta aha katehei budon taha ki-in le ta Krais. Ahi ari ari badeh, an hamon le ta gok Kindrei tiye ahi ta amekes.

Galesiya 3:26

Aha mari atehei budon taha handru in ta Krais Jises. Ya, na kandriyen doh, aha asahan nadu Kindrei, ma aha ahas hawe Krais.

Galesiya 3:28

Eme ma, iri lau badu hawe Krais badeh, iri Juwis, iri lau badu leheleh, iri bonyo-ou ma iri bonyo-ou bwe, ma hawe iri mwan ma iri badih badeh, ari bala randrah, ari bala randrah ja bwe. Iri mara-ei doh badeh, asahan ari buruwen hawe Krais le ari.

1 Timoti 1:1

Jo Pol: Jo badeh, aposel ari ai, ta Krais Jises. Idoh badeh, asahan na sahou boto-on ta Kindrei, ndramak ta seben taha ma hawe Krais Jises, iy ndramak ta taha katehei budon handru ki tan.

1 Timoti 1:2

Jo atorou la-ukei dah i tam Timoti, ou naduk handru i san ta budon handru: Tikisiy ma mondrei ta tama taha Kindrei ma Krais Jises, iy Laban tataha badeh, kudu hawem.

1 Timoti 6:13

Ou amekes iri lakou doh udu mada Kindrei anyolom. Tasah, iy le ari badeh, edeu mulin i ta lakou mari. Ma ou amekes iri lakou doh kudu mada Jises Krais, i buku none iy mene ale ales udu mada Pontiyus Pailat tiye sahou ta budon handru;

2 Timoti 2:2

Ya, iri sahou marakon ou ndranuhun jo ndrasehek udu bolo iri lau, idoh ou andrei, ma ou asehek kili tiri lau rayah ja, iri katondrok kamwenen, ma iri winiyan leheya iri lau rayah ja ale.

Taitus 1:4

Eme ya la-ukei dah badeh, jo atorou ewek tam, Taitus, tasah ou badeh, i buku naduk handru. Ou badeh, budon tam handru badeh, i le buku tek. Eme ya tikisiy ma mondrei ta tama taha Kindrei hawe Krais Jises ndramak ta aseben taha, kudu hawem.

Pilemon 1:9

Arile bwai, jo bwalek amekes i buku doh. Tasah, kandriyen ta tikisiy badeh, turuki talu ma la-uh. Eme ma jo asehek amunum le ewek tam. Jo Pol, jo kawas tam handru, ma jo badeh, udu ndra bolo asiu lulik kada-ah kahis, tasah katin ta jo atiye sahou mwasin ta Krais Jises.

Metiu 20:4

Eme iy tiye toro i buku doh, ‘Ado ale kala kabo gok bolo bilin waen. Ya jo kameh isih ado winiya le gok ado bwidiy.’