1 Timoti 1:11 - Nyindrou

¹¹ Sahou handru ta lomadan hawe nyosowan ta Kindrei badeh, udu bolo sahou mwasin tan, eme iy badeh, atehei eme kanik ta atiye.

1 Timoti 1:11 Referans Kwoze

Galesiya 2:7

tasah, oro ndratanan Kindrei ndratehei lahou ndrame kanik ta atiye sahou mwasin ili tiri lau badu leheleh. I le buku none iy mene atehei, i kani Pita atiye sahou mwasin, i tiri lau badu Juwis.

Taitus 1:3

Ano na len ta aliy asahan badeh, Kindrei, ndramak ta aseben taha atehei sahou dah eme kanik. Ma na le sahou jo tiye doh badeh, mesekei budon tiri lau mari aleu ta nyala Krais.

1 Timoti 6:15

Ya iy kameh asahan na len Kindrei le tanan, eme ya masiye ma tudun ki tan, tasah iy le ari badeh, atondrok, ma iy le ari badeh, kabin tiri kabin mari ma hawe iy le ari badeh, Laban sakalau Laban mari.

2 Korin 4:4

Tasah, kindrei ta wendreya badu munyak dah, iy mene wahei budon tiri mwan ma badih doh batehei budon tiri bala ta Kindrei bwe. Eme ma, sun ta sahou mwasin ma lomada Krais, idoh winiyan bala bolo budon ma ndrine iri bwe, ma iri winiyan akohok Krais bwe, konen i buku Kindrei amwenen.

La-ukei ta Pol atorou ili tiri lau badu kon Rom 2:16

Kindrei kameh abudon ta iri lakou nane doh na len iy suni Jises Krais eme ta manyah anuhun budon ma kandriyen tataha amai, in hamon ta sahou mwasin jo atiye i tiri lau mari.

2 Timoti 2:2

Ya, iri sahou marakon ou ndranuhun jo ndrasehek udu bolo iri lau, idoh ou andrei, ma ou asehek kili tiri lau rayah ja, iri katondrok kamwenen, ma iri winiyan leheya iri lau rayah ja ale.

2 Timoti 1:14

Ou atondrok sahou mwasin doh kamwenen, Kindrei mene ndratehei ndrawek minem. Malawin Ndrabun ta Kindrei doh, iy udu bolo taha, iy kameh aseben ou ta atondrok lakou badeh.

2 Timoti 1:11

Kindrei ndratondrohani jo asahan aposel ma ndramak ta leheya. Tasah, iy aso-ok jo kamekes gok ta atiye sahou mwasin dah.

1 Timoti 6:20

Eme ya Timoti, ou tawi lahou udu kanim badeh, kamwenen labai. Ma ou teleya ou, ta tanan ta wasai ala iri aloh anya, “Tanan handru.” Arile bwe. Badeh bamwenen ta sahou ta kindrei bwe, badeh.

1 Timoti 2:7

Eme ta katin doh baden adeh, jo asahan aposel ta atiye sahou, ma ta leheya iri lau badu leheleh. Ma iy atehei jo ta atiye sahou ta budon handru dah. Eme ya jo bawasai bwe, jo tiye sahou handru.

1 Tesalonaika 2:4

Kindrei badeh, ndranone aso, eme ma iy sekesek le ta atehei gok eme taso ta atiye sahou mwasin. Eme ma, aso asehek ewek taha. Arile, aso winiyan basehek sahou bala tiri lau ta iri kaso-ok gok taso bwe. Aso atiye sahou kede-eh ta amekes Kindrei kasekesek ta gok taso mwasin, tasah Kindrei le amwenen tanan bolo ndrine aso, iri lau mari bwe.

Kolosi 1:25

Kindrei amwenen mene ndralebelei jo, ta jo katiye iri sahou tan marakon kewek ta aseben aha. Eme ma, jo badeh, asahan buku ndramak ta lohowa aha mwan ma badih marakon ta Kindrei.

Epesus 3:10

Budon ta Kindrei i buku doh: Na bolo len idah iri mwan ma badih badu Juwis, ma iri mwan ma badih badu leheleh, ndramanyah mwasin ma ndrasahan lau tan. Kindrei aseken iri angelo ma lau tinan tiri ado kandrah, iri kanyolom iri tanan mwasin ta Kindrei doh.

Epesus 2:7

Iy amekes iri lakou marakon doh, ta leheya iri mwan ma badih ta len hamon, kandriyen mwasin ma tikisiy tan badeh, laba tinan labai. Ya, Krais Jises amekes ta akunoh taha ame hamon, eme ma, ta gok doh, Kindrei ndraleheyani taha, iy aso-ok iri mwan ma badih labai.

Epesus 1:12

Tasah handru Kindrei amekes kandriyen mwasin buku doh eme tataha? I buku doh: Ahi lau badu Juwis ala bwena, ma atehei budon tahi handru in ta Krais ma a-en hamon tan. Eme ma iy anya, ahi kabudon tikisiy tan, ma katudun nyaran.

Epesus 1:6

I san ta nadun amwenen Jises Krais, iy aso-ok iy labai, iy tikisi taha ma bwidi kandriyen mwasin labai eme tataha. Eme ma, taha badeh, katudun nyaran ta tikisiy ma seben laba tinan doh.

2 Korin 4:6

Ehe, ahi atiye sahou ta Jises. Tasah, bwena mene Kindrei bwidi munyak dah anya, “Sun kanya bolo lulik.” Jenesis 1:3 Kindrei amwenen doh irek labai ta sun, ma iy akohok ahi ame hamon ja. Jises Krais, iy le sun doh udu ndrine ahi. Eme ma sun doh aseben ahi leheya iri mwan ma badih, Kindrei i buku sah handru.

1 Korin 9:17

Buku jo atiye sahou mwasin, tasah jo le aso-ok ta atiye, jo kameh akohok ndramas ta aliy. Arile, buku Kindrei ndratehei jo, mwasin, idoh gok ta Kindrei atehei eme tek ta jo kamekes.

Tarou ta Luk 2:14

“Lomadan ki ta Kindrei, udu loken labai bwele-e kandrah, Ma mondrei udu bwele-e munyak i toro are iy aseken oro labai, ado mwasin ta madan.”