1 Timoti 1:10 - Nyindrou

¹⁰ Ya kandriyen malen badeh, ta leheya iri lau ta karei, hawe i tiri lau mwan amekes mwan, ya i tiri badih amekes badih, ma i tiri lau ta bahana iri ndramak, ma hawe i tiri lau ta wasai, hawe i tiri lau ta wasai ta tandrakan handru i loken. Ma hawe i ta saba kandriyen bamwenen ta sahou handru bwe.

1 Timoti 1:10 Referans Kwoze

2 Timoti 4:3

Ou amekes ki buku doh, tasah hamon kameh iri lau winiyan baso-ok ta anuhun sahou mwasin bwe. Iri kameh a-en hamon ta so-ok tiri le amwenen, ma amekes kandriyen ndra-in. Eme ma, iri kameh akohok lau ta leheya solo-an labai, ma lau ta leheya doh kameh leheya iri mwan ma badih, ta lakou iri abasa labai ta anuhun.

La-ukei ta Pol atorou ili tiri lau badu kon Rom 1:26

Ya eme ta katin doh badeh, Kindrei ruwani minen iu tiri. Ma eme iri amekes karei hawe iri ari ari. Ma iri badih badeh, amadin iri le amwenen.

Rebelesen 21:27

Arile, iri lakou ndraka-an, hawe iri lau ta amekes kandriyen ndra-in, iri lau ta karei, ma iri lau ta amekes sahou wasai, iri mara-ei doh kameh winiyan bala bolo kon tinan doh bwe. Iri lau le nyara iri udu bolo buk ta Nadu Sipsip, iri le lau doh kameh akohok kohan handru ma winiyan ala bolo kon tinan don ai.

1 Timoti 6:3

Eme ya ou badeh, leheya ma tiye sahou dah ta aliu oro: I buku none oro are lau leheya tanan randra labai; bala buku none sahou handru ta Laban Jises Krais bwe, ma hawe bala buku none sahou handru ta lau ta Kindrei, aso leheya dah bwe; badeh kameh, iy ndra ari ai, arile iy tanan lakou bwe. Ma iy doh badeh, tanan sahou bwe, ma iy ta asoh sahou, ma ta aburoh sahou. Ya idoh kameh tiyani madalakis, losen ta lakou, ma hawe sondrokonya, ma amekes budon laleyah,

La-ukei atorou Jut 1:7

Bwena mene iri lau badu Sodom hawe Gomora ma oro kon mirihik turu, oro mesekei kandriyen buku le oro angelo nane, oro an hamon ta kandriyen ndra-in, ya oro amekes kandriyen ta karei ndra-in labai, ya Kindrei atehei jih eme andri sulumwi kon tiri. Iri lakou doh asahan bwena, ya taha kabudon, ma taha sa-en hamon ta kandriyen ndra-in tiri doh. Iri ale kameh ala bolo jih doh ta winiyan bamak bwai.

Taitus 1:9

Iy katawi budon tan handru kihis ta sahou ta Kindrei mene ndratiye, eme iri winiyan anuhun, ma winiyan atehei budon handru tiri i ta aliy, in hamon ta bolo tanan handru. Ma i san le doh kameh winiyan mesekei iri abadok ta budon, ma ale winiyan mesekei iri lau abadok ado bolo sahou ta wasai, ame bada sahou handru.

Rebelesen 21:8

Arile, iri lau nane anoh, ma atobwak ala hamon, ma iri lau batehei budon tiri bala ta Kindrei bwe, ma iri lau amekes kandriyen ndra-in solo-an labai, ma iri lau adai lau rayah amak, iri lau ta amekes kandriyen ta karei, iri lau balahak udu tiri ta bekebek lau amak, iri lau ta atehei bwili ndruu iri i andri i ta sukumada kei, iri lau ta amekes sahou wendreya, ya kon tiri lau mara-ei doh badeh, bolo lek ta jih nyarahan, anya udu ta bek solpa. Imek ari hamon ja dah badeh, ma kabwai.”

Hiburu 13:4

Tasou badeh, lakou ari mwasin handru. Eme ma kandriyen aha amekes ta tasou, badeh, kudu mwasin labai ta mada Kindrei. Kora-on aha amekes ndra-in ili ta budon ta Kindrei. Tasah, aha ndratanan, hamon kameh Kindrei edeu ndramas ndra-in ili tiri lau mwan ma badih amekes kandriyen ta karei, ma iri lau amekes laleyah ta bolo tasou tiri.

Rebelesen 22:15

Arile, iri lau ta amekes kandriyen ndra-in labai i buku iri mwi amekes, iri ta amekes balahak, iri ta amekes karei, iri ta adai lau amak, iri ta atehei bwili ndru-u iri i andri ili ta kindrei ta wendreya, ma iri mwan ma badih ale aso-ok kandriyen ta wasai, ma a-en hamon ta aliy; iri lau marakon doh kameh are ndra manan ta kon tinan nane, iri winiyan bala bolo kon tinan ta Kindrei doh bwe.

2 Timoti 1:13

Ou a-en hamon ta sahou, ou mene ndranuhun badu bohok. Sahou doh kameh leheya kandriyen ta ou a-en hamon ta aliy, ma ou leheya ki tiri mwan ma badih. Na len ou atiye sahou dah, ou atehei budon tam kabadok kili ta Jises Krais, ma ou aso-ok iri mwan ma badih.

Tarou ta Jon 8:44

Tama aha balik, aha nadun, aha amekes lakou an hamon ta iri lakou iy aso-ok. Udu ndra bada katin eme, iy ta idi lau. Iy bwalen sahou handru, tasah iy tanan ta asehek sahou handru bwe. Iy ta wendreya, ma iy aso-ok ta asehek sahou ta wendreya. Iy badeh, tine wendreya udu tan.

Jenesis 19:5

Eme iri aloh Lot, “Oro lau ame na ben nane ndraheh? Oro kameh manan aso anya katou oro!”

Taitus 1:13

Kandriyen doh badeh, handru. Eme ou tiye sahou boto-on ki toro lau mene ndra-en hamon ta leheya wasai, kame hamon ma ka-en hamon ta leheya handru.

Rebelesen 18:13

Ma sanuw rayah ja i buku sinamon, lei ta aimon, eh ma ndrelekei ta amekes suluw manahu buburen mwasin ma ta anyas i bada lau. Waen hawe ndrelekei, ndrom plaua ma wit, bulumakau ma sipsip, iri hos ma hawe karis tiri, iri lau bonyo-ou hawe lau awas rayah ja. Iri lakou tiri mara-ei doh badeh, iri lau kameh winiyan basih ja bwai.

Jenesis 40:15

Bwena ndra-au badeh iri bene-ei jo udu munyak ta Hiburu eme dah; eme udu badeh jo bamwekes ari lakou bandra-i bwe, arile iri atehei jo i bolo kou leleyah.”

Jenesis 37:27

Ado kame iy badeh nadu tine to, to katehei iy ki ta sisih. To badeh sadai iy, tasah iy badeh nadu tine to ma ndraye to le.” Eme badeh nadu tinen oro aseken.

1 Timoti 4:6

I buku none ou leheya batanau dah i ta nadu tinem oro, ou lohowan mwasin labai ta Krais Jises. Ma ou ale amekes ou abadok na aliy. Ma idah kameh, ou abadok na sahou ta budon handru mene ou anuhun ma ou a-en hamon ta aliy.