1 Timoti 1:1 - Nyindrou

¹ Jo Pol: Jo badeh, aposel ari ai, ta Krais Jises. Idoh badeh, asahan na sahou boto-on ta Kindrei, ndramak ta seben taha ma hawe Krais Jises, iy ndramak ta taha katehei budon handru ki tan.

1 Timoti 1:1 Referans Kwoze

Taitus 1:3

Ano na len ta aliy asahan badeh, Kindrei, ndramak ta aseben taha atehei sahou dah eme kanik. Ma na le sahou jo tiye doh badeh, mesekei budon tiri lau mari aleu ta nyala Krais.

Kolosi 1:27

Ma Kindrei anya kaleheya taha mwan ma badih tan, ta taha katanan: Sahou aton doh badeh, mwasin labai, ma winiyan aseben iri lau badu Isra-el, ma hawe taha mwan ma badih badu rakon ja ale. Ma sahou aton doh buku: Krais badeh, kohan udu bolo aha, ma aha atondrok iy keme kakohok aha kala kare kandrah hawen.

Aposel 9:15

Arile, Laban tiye i ta Ananayas anya, “Bwe, ou ala! Iy ndramak doh badeh, jo ndralebelei iy ta atiye sahou tek i tiri lau badu leheleh, i tiri kabin tiri ma hawe i tiri lau badu Isra-el.

La-ukei atorou Jut 1:25

Jo anya kasehek taha, Kindrei ari le doh badeh, udu kandrah. Iy le adeh, andrei taha ame hamon ta gok mari, Laban tataha Jises Krais ndramesekei. Ya, taha badeh, katudun nyaran. Iy kasahan kabin ari le, boto-on mari udu le tan, iy atondrok ma udu bwele-en labai tiri lakou marakon. Bwena mene, iy udu le buku doh. Nadah badeh, iy udu aliy. Hamon ale kameh iy ta udu le buku don ai. Handru.

1 Pita 1:3

Taha badeh, katudun nyara Kindrei, iy badeh, tama tinan tataha Jises Krais. Iy badeh, tikisi taha tinan labai, ma iy sebenei taha i buku doh: Iy badeh, mene mete-ei Jises Krais amak eme awas ja. Eme ma, na san le doh, taha are awas kahis ta atondrok Kindrei ta akohok taha ta ala ado hawen.

1 Timoti 1:12

Jo edeu wurah i ta Krais Jises, Laban tataha, tasah iy le badeh, edeu boto-on eme tek. Iy anyolom jo badeh, ta anuhun sahou, eme iy atehei lahou tan eme kanik jo amekes dah.

Galesiya 1:1

Jo Pol: Jo badeh, aposel tiri lau ta Kindrei. Jo atorou la-ukei dah ewek taha lau mwan ma badih ta Kindrei ale are bolo kon munyak tinan Galesiya. Iri lau nane ahi amekes lahou se badeh, ale are hawek, ma iri ale anya, bada-an mwasin tiri ewek taha. Jo aposel ari, eme ma jo badeh, edek ma atiye sahou ta Kindrei. Idoh badeh, basahan na seken ta ari ndramak, bwe. Idoh badeh, asahan na seken ta Jises Krais hawe taman Kindrei le amwenen. Uru le amwenen badeh, atehei gok dah eme tek ma suni jo ta atiye sahou mwasin ewek taha. Jises mene imek, arile Kindrei ndramete-ei iy udu ta imek tan badeh, ndrame awas ja.

2 Korin 1:1

Jo Pol, jo aposel ari ta Krais Jises. Ta so-ok ta Kindrei le amwenen, iy atehei jo asahan aposel. Jo hawe nadu tine taha ari Timoti, aru mala-uh atorou la-ukei dah ewek taha mwan ma badih ta Kindrei are kon Korin, hawe iri mwan ma badih ta Kindrei marakon are loboho kon munyak tinan Akaya.

2 Pita 1:1

La-ukei dah, jo Saimon Pita amwenen atorou ewek tado. Jo badeh, lohowan ma aposel, batun ari, Kindrei suni jo ta atiye sahou ta Jises Krais ili tiri lau tan. Jo atorou la-ukei dah, ewek tado lau mari ta budon handru i ta Jises Krais ado badeh. Tasah, Jises Krais badeh, iy ale Kindrei tataha ma hawe iy ndramak ta aseben taha. Iy abudon ta amekes taha badeh, kakohok budon mwasin handru i randra le, eme ma iy amekes ado asahan lau ta budon handru i le buku aso.

1 Timoti 2:7

Eme ta katin doh baden adeh, jo asahan aposel ta atiye sahou, ma ta leheya iri lau badu leheleh. Ma iy atehei jo ta atiye sahou ta budon handru dah. Eme ya jo bawasai bwe, jo tiye sahou handru.

2 Tesalonaika 2:16

Laban tataha Jises Krais hawe tama taha Kindrei mene tikisi taha. Eme ma Laban bwidi kandriyen mwasin eme tataha, ma bwidi budon tataha amwenen udu le buku doh. Ma iy aseben taha ta budon, ma taha atondrok Kindrei kamekes manyah tataha kudu mwasin.

1 Korin 1:1

Jo Pol, jo aposel ta Krais Jises. Na budon ta Kindrei le iy tiye jo asahan lau ta atiye sahou tan. Aru nadu tine taha Sostenes atorou la-ukei dah ewek taha lau mwan ma badih atudun nyara Kindrei ado kon tinan Korin. Krais Jises andrei aha marakon ame asahan ndrabun ma lau tan amwenen; iy andrei aha hawe iri lau badu kon munyak mara-ei, iri ale atudun iy ma asolom in ta nyaran. Iy Laban tataha ma tiri ale.

1 Jon 4:14

Tama taha ndratehei nadun ndrame ta akohok taha lau mari badu munyak. Ahi aposel ndratou lakou doh kabwe. Ma ahi asehek nyala aliy i ta ndramak ari ja.

1 Pita 1:21

Na Jises le badeh, aha atehei budon taha in ta Kindrei. Iy mene ndramete-ei Jises udu bolo lek ta imek ndrame awas ja, ma iy ndratehei nyosowan ndrabun ndrala la-un. Eme ma, aha atehei budon taha boto-on in ta Kindrei, ma aha abe-en iy ta eme akohok aha ala hawen. Ma aha kameh akohok kohan mwasin ma manyah mwasin hawe Krais.

Taitus 3:6

Eme jo katiye kaleu ki tado ta sahou jo asehek dah: Kindrei badeh, tiye Jises Krais, ndramak ta akohok to ado bolo kandriyen ta karei ma lomondra ndra-in ame hamon, ma suni Malawin Ndrabun eme la-u to. Eme ta katin doh, Kindrei le mesekei Malawin Ndrabun tan amekes lahou boto-on udu bolo to.

Taitus 3:4

Arile, na len ta tikisiy ta Kindrei, ndramak ta aseben taha asahan kameh,

Taitus 2:13

To mari badeh, kandriyen tato ki le buku doh na len mari. Tasah, to abe-en lakou kameh eme, eme ma lakou doh kameh mesekei to sekesek ta aliy. Lakou to abe-en doh badeh, Jises Krais ta aseben taha, iy kameh eme, ma hawe lomadan tan. Iy badeh, Kindrei tataha, iy Kindrei boto-on labai, ma iy le badeh, mene sebenei taha ado bolo kandriyen ta karei ma lomondra ndra-in ame hamon.

Taitus 2:10

Ma hawe oro sakolowa lakou ta lau oro are bahan, sakolowa lakou ari ari sa-au le. Arile, oro badeh, ka lau mwasin ta tiye sahou handru le, ta mada lau mene oro are bahan, ta iy winiyan babwerei oro bwe. Kandriyen toro bonyo-ou badeh, i buku le doh. Eme ta kandriyen mwasin oro amekes doh kameh lau anyolom, ma atanan ta leheya ta Kindrei, ndramak ta akohok taha ado bolo kandriyen ta karei ma lomondra ndra-in, ame hamon.

1 Timoti 4:10

To asa-ar dah badeh, tasah to abudon boto-on in ta Kindrei. Ma iy ale ta aseben lau mari. Arile, ma hutuwen labai ki toro are atehei budon handru in tan. Tasah, iy badeh, ta ano bwe.

1 Timoti 2:3

Idoh mwasin labai ma amekes Kindrei ta seben taha, kameh sekesek.

Galesiya 1:11

Aha nadu tine, jo anya katiye kamwenen ki taha, ta aha katanan ta sahou mwasin jo atiye mene ewek taha badeh, basahan ta budon ta ari ndramak bwe.

1 Korin 9:17

Buku jo atiye sahou mwasin, tasah jo le aso-ok ta atiye, jo kameh akohok ndramas ta aliy. Arile, buku Kindrei ndratehei jo, mwasin, idoh gok ta Kindrei atehei eme tek ta jo kamekes.

La-ukei ta Pol atorou ili tiri lau badu kon Rom 1:1

Jo Pol, jo badeh, lohowan ta Krais Jises. Jo ale aposel, Kindrei tiye jo, ma aloh jo eme ta atiye sahou tan mwasin.

Tarou ta Luk 1:47

ma kohak handru sekesek ta Kindrei, ta aseben jo,

Tarou ta Luk 2:11

Na len dah, udu kon tinan ta Debit, nah ari ta seben ado ndrasahan. Iy badeh, Laban Krais!