Matthew 2:2 - Wala

² Ma gera ka soilidi 'uri 'e ala ioli gi, “'Uri'e ma wela ba kae walelitalona 'ala Jiu gi li 'e futa 'i fe? Meulu saiai 'e futa 'i lifi'e, sulia talasi meulu io 'ua mae 'i tataenala da'afi li, meulu ka lesia lo fe kwalikwali 'e fatailia futanala, ma meulu ka la lo mae 'ali meulu boururu, ma meulu ka faa aofia.”

Matthew 2:2 Referans Kwoze

Reveleson 22:16

Ma Jesus ka sae lou 'uri 'e, “'I lau Jesus 'e lau kwatea ko eniselo lau 'ali ka faarono 'alia 'are 'e gi famiu ioli fakwalaimoki gi. 'I lau wale ala oliolitala kwalofa David walelitalona. Ma 'i lau lo kwalikwali li dani lia raranai 'e madakwa rasua.”

John 18:37

Ma Paelat ka soilidia 'uri 'e, “'Uri'e ma 'i'o na walelitalona 'e?” Ma Jesus ka olisia 'uri 'e, “'I'o 'o ilia 'i lau walelitalona. Lau futa, ma laka dao mae 'i laola molagali 'e fala teke me 'are mola, 'ali laka sae sulia kwalaimokina. Ma ioli 'e oga kwalaimokina li, 'i lia kae rono suli lau.”

Hebrus 1:6

Ma talasi 'e garani lo 'ali God ka kwatea mae Wela 'ilitoa lia fala 'i laola molagali li, God ka sae 'uri 'e, “Eniselo lau gi sui gera foasia.”

Luke 23:38

Ma gera ka gerea te alaana 'uri 'e 'i gwaula 'ai rara folo, “Lia lo walelitalona Jiu gi li.”

Luke 23:3

Ma Paelat ka soilidia 'uri 'e, “'Uri'e ma 'i'o lo walelitalona ioli Jiu gi li, ne?” Ma Jesus ka olisia 'uri 'e, “Lia la 'o iilia lo.”

John 5:23

'E kwatea 'are 'e fagu 'ali ioli gi sui gera ka soi ba'ela aagu, malaa lou lia 'e gera soi ba'ela ala Mama lau li. Ma ite 'e iko 'ali soi ba'ela aagu, 'i lia 'e iko 'ali soi ba'ela lou ala Mama lau, lia 'e keri lau mae.

John 1:49

Ma talasi Nataniel 'e ronoa me 'are fo li, ka sae 'uri 'e, “Waleli Falalauna, 'i'o lo Wela God! 'I'o lo wale li talona 'ami ioli Jiu gi li!”

Luke 19:38

Ma gera ka sae 'uri 'e, “God 'o 'oilakitailia walelitalona 'e la mae 'alia nanatana 'o li! Ma aroarona failia God. Gia batafea God 'i lia 'ilitoana lia 'e tasa!”

Luke 2:11

'I tara'ela wale li faamauri 'amiu 'e futa 'i laola mae falua David 'i Betlehem, ma 'i lia lo Christ Aofia.

John 9:38

Ma wale fo ka ilia, “Aofia, lau fakwalaimoki lo amu.” Ma ka boururu 'i fua 'i maala 'aela Jesus.

John 19:19

Ma Paelat ka gerea me alaana, ma gera ka alua 'i gwaula 'ai rara folo Jesus. Alaana fo 'e gerea gi gera 'uri 'e, “Jesus faasia 'i Nasareti, walelitalona Jiu gi li.”

John 12:13

Gera la, gera ka sakea mae 'abala baibai gi, ma gera ka la mae 'ali geraka dao tonala Jesus. Ma gera ka rii 'uri 'e, “Baatafea God! God 'o 'oilakitailia wale 'e la mae 'alia nanatana 'o li! God ka fa'oka waleli talona gia 'i Israel.”

Matthew 27:11

Ma Jesus ka ura 'i maala Paelat, wale 'ilitoa faasia 'i Rom. Ma Paelat ka soilidi 'uri 'e ala, “'I'o walelitalona Jiu gi li 'e?” Jesus ka olisi 'uri 'e ala, “Lia la 'o ilia lo.”

John 20:28

Ma Tomas ka olisia 'uri 'e, “'I'o Aofia lau, ma God lau.”

Matthew 21:5

“'Amu ka ilia fala ioli 'i Jerusalem gi 'amu ka sae 'uri 'e, ‘Lesia. Walelitalona 'amiu, 'e la lo mae 'i soemiu. 'E fawawade lia, ma ka la mae 'i fofola te dongki. 'E la mae 'i fofola te kale dongki.’ ”

Matthew 2:3

Ma malatala Herod walelitalona 'e malata mara'ebi'ebi rasua talasi 'e rono sulia me 'are fo li, failia ioli 'i Jerusalem gi lou.