TITO 3:5 - Lengua Sur (Enxet) Nuevo Testamento

⁵ Háwe axta eñama sẽlwagkaso teyp eñama nenlané m'a aksok ektakmela nak, axta eyke keñamak ma'a nelmayóseka axta senlányo. Entemésásekxeyk axta eghaxnagcha'ák eñama m'a segyakpasáseyak axta yegmen, nenxakak axta anhan axnagkok ekyennakte egnenyek eñama Espíritu Santo.

TITO 3:5 Referans Kwoze

2 TIMOTEO 1:9

Ẽlwagkasek axta negko'o teyp Dios, ẽlwóneyha axta nahan yakwayam ampagkanchesaxchek neyseksa negha makham, háwe eñama m'a aksok nenlané axta negko'o, wánxa agkok, akke keñamak ma'a ektémakxa axta apmopmenyého elának Dios, tén han eñama m'a segásekhayo nak neyseksa negyepetcheyo Cristo Jesús. Dios, aptaha nak segásekhayo eyeynamókxa axta sekxo' apkeláneya keso náxop,

1 CORINTIOS 6:11

Cháxa apkeláneykegko axta nápakha énxet'ák apkeleñama kélnepyeseksa kéxegke xa, wánxa agkok, kéltemésesegkek eyke kaxwo' kéláxñeyo kéxegke, kéltemésesegkek nahan kéxegke Dios apkelpagkanma, kéltemésesegkek nahan kélpéwomo eñama apwesey m'a Jesucristo Wese' egegkok tén han eñama m'a Espíritu apkeñama nak Dios egagkok.

1 SAN PEDRO 3:21

Yakpasama yegmen axta ekyetchásamáxkoho xa yegmen ekyawe nak, cham'a sẽlwagkasama nak teyp negko'o. Háwe yakwayam kaxñásekxak negyókxa xa yakpasama yegmen nak, wánxa aksa yakwayam hegwetaksek ma'a meyke ektahakxa egwáxok nak nápakto' Dios; ẽlwagkasek nahan negko'o teyp xa yakpasama yegmen nak eñama m'a apxátekhágwayam axta Jesucristo,

1 SAN PEDRO 1:3

Oltemésesek hana apcheymákpoho Dios, Jesucristo Wese' egegkok Apyap, entemésesek axta negko'o eghaxnancha'ák Dios eñama m'a ekyawe ektakmeleykha nak apwáxok henlano', eñama nahan ma'a apxátekhágwayam axta Jesucristo. Cháxa segmésa nak nelhaxneykha ektaha nak ekmámnaksoho agko' xa,

ROMANOS 12:2

Nágkólwéhenekxoho aksa aptamhágkaxa énxet keso negwánxa nak, wánxa agkok, kólyakmagkas ma'a ektémakxa nak elchetámeykha kélwáxok, yakwayam enxoho anhan kañék kélyakmagkaso kéltémakxa kéltaha enxoho xa, keñe anhan kólyekpelchágwomhok ma'a ektémakxa nak Dios apmopmenyého, cham'a aksok ektakmela nak, ekleklamókxa nak han apwáxok Dios, cham'a ektaha nak han ekpéwomo agko'.

EFESIOS 2:4

Wánxa agkok, awanhek eyke segemleykekxoho Dios, awanhek nahan segásekhayo,

EFESIOS 5:26

Apkelanak axta Cristo xa yakwayam enxoho etnésesek apkelpagkanamap ma'a ektaha nak Dios énxet'ák apagkok, aptemésesek axta anhan meyke ekyepetche xama aksok ekmanyása eñama m'a appeywa nak, tén han eñama m'a apkelyenyeso axta neygmen,

ROMANOS 11:6

Dios apkelásekhayo agkok keñamak ektéma xa, háwe kaxwo' eñama m'a ektémakxa axta aksok apkeláneyak; apkeláneyak aksok axta agkok keñamak ektéma xa, megkatnehek axta Dios segásekhayo m'a ektémakxa nak segásekhayo.

HEBREOS 4:16

Agágketchesamhok hana aphamakxa m'a Dios segásekhayo nak yetlo megkatnaheykha egwáxok, yakwayam enxoho hegemlekxohok henlanok negko'o, tén han keytlawhok ektakmeleykha apwáxok hempasmok ma'a eyakhókxa enxoho neltamhókxa hempasmok.

COLOSENSES 3:10

kéltemék kéxegke axnagkok kéltémakxa nentémol'a antaxnekxak nentaxno aphaxnagkok: cham'a axnagkok nentémakxa nak, aptemesásegko nak cha'a axnagkok Dios, yakwayam kaxnágwakxohok ma'a aptémakxa nak, ektaha axta anhan apkelané, yakwayam enxoho agya'ásegwomhok ektakmela agko' ma'a aptémakxa nak Dios.

GÁLATAS 2:16

Wánxa agkok, negya'ásegkók eyke negko'o mexeyenma cha'a Dios aptaha appéwomo xama énxet eñama apkelané m'a eltémókxa nak antehek segánamakxa, magya'áseyam Jesucristo akke keñamak senxeyenma negko'o Dios nentaha nelpéwomo. Cháxa keñamak nentéma nak han negko'o xa magya'áseyam Jesucristo xa, yakwayam enxoho henxének negko'o Dios nentaha nelpéwomo eñama m'a magya'áseyam nak, háwe eñama m'a nenlané nak eltémókxa antehek segánamakxa. Hakte méko xama énxet yakwayam exének Dios aptaha appéwomo eñama apkelané m'a eltémókxa nak antehek segánamakxa.

ROMANOS 3:20

Mehenxének sat Dios nentaha nempéwomo eñama nensawhomo nenlané m'a eltémókxa nak antehek segánamakxa, hakte wánxa aksa hegya'asásegwók cha'a negko'o segánamakxa nentaha ekha mólya'asáxma.

1 SAN PEDRO 2:10

Háwe axta kéxegke Dios énxet'ák apagkok nano' axta, kaxwo' eyke kéltemék kéxegke Dios énxet'ák apagkok; axta kamopyósak apkelányo Dios kéxegke nano' axta, kaxwo' eyke kélyósekak apkelano kéxegke Dios.

EFESIOS 4:23

Kéméxchek kéxegke kóltemesásekxak axnagkok ma'a ektémakxa nak ekyetneykha kélaktek, tén han ma'a ektémakxa nak ekpakméteykha kélwáxok,

ROMANOS 3:28

Cháxa ektahakxa nak negya'ásegwokmo apxeyenma Dios aptaha apkelpéwomo énxet eñama melya'áseyam xa, meyke apkeltémo Dios esawhohok elának ma'a eltémókxa nak antehek segánmakxa.

ROMANOS 9:11

Axta aptemék apkenagkama Dios Rebeca s'e: “Apsexyok sat etnehek apkemha apmonye apagkok ma'a apepma',” cham'a mepaleykemxa axta makham xa énxet'ák nak, cham'a meláneykegkaxa axta makham aksok xama enxoho, aksok ektakmela, tén han aksok ekmaso nak. Hawók nahan ektémakxa nak ekxeyenma eknaktáxésamaxche s'e: “Eyásekhawok axta ko'o Jacob, ektaknókek axta Esaú.” Cháxa ektahakxa axta eyámnaksoho senxekmóso Dios ekpayhawo elyésha énxet apkepmenyéxa enxoho elyésha, cham'a apmokókxa enxoho ewónmakha, meyke apkelyetsáteyak ma'a ektémakxa enxoho aksok apkelané.

SAN LUCAS 1:78

Hakte Dios egagkok negko'o ensantegkásak elseyexma ektémol'a kaxwé ekteyapma ekhem, eñama m'a ekyawe segemleykekxoho nak,

SAN LUCAS 1:54

Appasmeyk axta énxet'ák Israel, cham'a aptaha axta apkeláneykha, axta anhan kalwagkágweykmok aptéma cha'a apkelemleykekxoho.

SAN LUCAS 1:50

Yemlekxohok cha'a Dios ma'a énxet'ák ektaha nak apcháyo.

TITO 3:4

Ẽlwagkasek axta negko'o teyp Dios, cham'a senxekmósa axta m'a ektémakxa nak segméso naksa segemleykekxoho, tén han ma'a ektémakxa nak apkelásekhayo énxet.

ROMANOS 9:30

¿Háxko sat kaxwo' antehek nempeywa anxének xa? Apxénchek axta Dios aptaha apkelpéwomo m'a énxet'ák metnaha nak judíos eñama apteme melya'áseyam, cham'a mektamsama axta nentémakxa ekpéwomo.

ROMANOS 9:16

Háwe eyke m'a apmopmenyého nak énxet yemlekxohok Dios, tén han ma'a apwaskápeykekxoho nak apkeltémo yemlekxohok Dios, wánxa m'a apmokókxa enxoho yepyóshok elanok Dios.

ROMANOS 4:5

Megkatnehek eyke m'a énxet aptémol'a mey'áseyam Dios segmasésesamol'a nelsexnánémaxche, exének cha'a Dios aptaha appéwomo xa énxet nak eñama mey'áseyam, melanyek eykhe xama aksok ekpayhawo nak exének Dios aptaha appéwomo.

SAN LUCAS 1:72

tén han apxeyenma elemlekxohok ma'a ẽlyepmeyk nano', tén han apxeyenma megkalwagkámhek ma'a ekhémo mók nelpakhetchásamáxkoho nak Dios, ektaha nak ekpagkanamaxche.

HEBREOS 6:6

apkelwátesagkek agkok apteme melya'áseyam xa énxet'ák nak, megkólwanchek sat kóltemesásekxak makham apteme melya'áseyam Dios, hakte máxa katnehek apyepetcháseykxo enxoho makham aksok ektegyéso Dios Apketche, máxa apkenagko yesmaksek apyókxoho énxet sat etnesásekxak makham.

SAN MATEO 3:11

Yegmen ko'o ekmáha sekyakpásásegko kéxegke yegmen yakwayam enxoho wának kólyakmagkasek kélwáxok; wánxa agkok, énxet apxegakmo nak netámen ko'o eyakpásesagkok sat kéxegke Espíritu Santo tén han yetlo táxa. Apmopwána eghak ma'a maxnawok ko'o, megkapayhawok alsókasek ko'o apkeltéto apmagkok.

ROMANOS 11:14

Emenyék ko'o eyásekkesek sekpeywomo xamo' kéxegke, yakwayam enxoho elwagkasakpok nahan teyp.

HEBREOS 10:22

Ekeso eñamakxa eyéméxko nak agyo'ókxak Dios yetlo ektakmalma elchetamso egwáxok tén han antehek ekmámnaksoho nenteme magya'áseyam, yetlo m'a megkaxénweykekxoho nak egwáxok ekyetna nensexnánemaxche, tén han yetlo m'a sẽlteméseso nak negáxñeyo eñama sẽlyakpáseso yegmen ektakmela agko' nak.