TITO 3:3 - Lengua Sur (Enxet) Nuevo Testamento

³ Hakte sẽlyéháxma axta anhan negko'o xa nano' axta, axta antemék nelyaheykekxoho Dios, axta agakhémok negko'o nentémakxa, kelmomchek axta egwáxok ekyókxoho aksok negyespagkamakxa nak, nentemegkek axta ekmaso nentémakxa, tén han nelyásekáseykha, neltaknómaxchék axta negko'o, nelenmexamaxchekxeyk axta anhan negko'o xa.

TITO 3:3 Referans Kwoze

COLOSENSES 1:21

Axta kólyepetcheyók kéxegke Dios nano' axta, kenmexeykha axta kélwáxok kéxegke Dios eñama m'a aksok ekmaso kélláneyak axta.

ROMANOS 6:17

Negmések negko'o ekpayheykekxa egwáxok Dios, kéxegke ñokxa kélyahákxoho ekmámnaksoho agko' ma'a ektahakxa axta kélxekmowásamáxche, kéxegke kéltaha axta elma mólya'asáxma nano' axta.

COLOSENSES 3:7

Cháxa kélláneya axta kéxegkáxa nano' axta xa.

ROMANOS 6:22

Massék eyke kaxwo' elma kéxegke m'a mólya'asáxma, kéltemék kaxwo' kélyaheykekxoho Dios. Akke nakso' ekpasmoma kéxegke xa, hakte kótaksohok cha'a kéxegke ektakmela kéltémakxa xa, keñe natámen, kótaksek cha'a ekyennakte kélnenya'ák megkatnegwayam enéxa.

1 SAN PEDRO 1:14

Nágkóltemekxa makham ma'a ektémakxa axta aksok kélyespagko megkólya'aseykegkaxa axta Dios. Kólteme m'a aptamheykegkaxal'a kélketchek ekhal'a apkelyaheykekxoho.

2 CORINTIOS 12:20

Hakte eyekak ko'o alwetágwakxak megkóltaha kéxegke m'a sekmámenyého nak ótak kóltehek kéxegke, eyekak nahan ko'o xa helwetak kéxegke atnehek ko'o m'a megkólamenyého nak helwetak atnehek. Eyekak ko'o keytek kélnepyeseksa kéxegke kélenmexamaxche, kélnatha kélmók, kélló, kélmeyókasamáxkoho kélagko' kéllané aksok, kélxeyenma aksa kélmók, kélwanyeykha kélmók, eyeymáxkoho kélwáxok, tén han megkóltakmelchesamo kéltamheykha.

SAN JUAN 8:34

Aptahak axta Jesús apkeláneya énxet'ák se'e: —Apyókxoho énxet'ák apkeláneyak nak melya'asáxma, apteme elma melya'asáxma, nakso' xa sektahakxa nak sekpeywa seláneya kéxegke.

SAN MATEO 21:29

Aptahak axta apchátegmowágko apketche s'e: ‘¡Mamokok axog!’ Keñe axta apyakmagkasa elchetamso apwáxok, apxegkek axta anhan.

SANTIAGO 1:26

Xénchek agkok apwáxok enxama aptaha apcháyo Dios, wánxa agkok megkeyxnegwomek eyke m'a appeywa, megyakhémo apagko' etnehek aptahakxa, aptaha enxoho xa, mékoho nahan katnehek ma'a ektémakxa nak apcháyo Dios.

GÁLATAS 6:3

Apkeneykek agkok etnahak néten xama énxet apteme enxoho mékoho, yának nakso' ma'a ektaha nak megkamámnaksoho.

SAN LUCAS 21:8

Aptahak axta apchátegmowágko Jesús se'e: “Kólleyxmakha sat, nágkólho aksa kólyexanchesha. Hakte elwak sat énxet apxámokma sexneyásamákpoho ko'o. Sat etnehek apkelpeywa s'e: ‘Ko'o Mesías’. Etnehek sat nahan se'e: ‘Wokmek kaxwo' ekhem.’ Nágkólyetlakxa aksa kéxegke.

APOCALIPSIS 18:2

Aptahak axta apyennaktésawo appeywa s'e: “¡Apteyekmek, apteyekmek tegma apwányam Babilonia! ¡Kelyekhama' ekheykegkaxa tamhákxa', tén han ektamhákxo elleykegkaxa m'a ekyókxoho ektémakxa nak espíritu elmasagcha'a, náta elmasagcha'a axanák nahan tamhákxa' tén han ma'a ekyókxoho ektémakxa nak aksok nawha'ák elmasagcha'a tén han ma'a ekmanyása nak!

APOCALIPSIS 13:14

Axta keñamak elyexancháseyncha'a apyókxoho énxet'ák apheykha nak keso náxop eñama m'a aksok sempelakkaso nak agweta', cham'a kélhayo axta kalának keto' ekyagkakxa m'a émha amonye aksok nawhak eklo nak, keltamhok axta nahan kalanaxchek kéleykmáseso ekhawo xa émha amonye aksok nawhak eklo nak, cham'a ekyáktama nak makham, ñekhe m'a kélyetxakxama nak sókwenakte kélyensasama.

APOCALIPSIS 12:9

Kéltekkesek axta yéwa ekwányam ma'a néten, cham'a nano' yéwa eltamhomaxko nak kelyekhama', ekwesey nak Satanás, cham'a elyexancháseykencha'a nak cha'a apyókxoho énxet'ák keso náxop. Kélyenyenteyk axta yéwa ekwányam keso náxop yetlo elásenneykha.

ROMANOS 6:6

Negya'ásegkok negko'o kélyepetchesama xamo' Cristo aksok ektegyéso m'a nentémakxa axta, yakwayam enxoho kamassegwók ma'a nentémakxa axta mólya'asáxma, tén han kamaskok sẽlma m'a ektémakxa nak mólya'asáxma.

ROMANOS 6:12

Nágkólho aksa keytek kélyókxa étsapmo m'a mólya'asáxma ekmowána nak, cham'a ekyáteyeykegkohol'a cha'a yakwayam kólyahakxohok aksok ekmáheyo nak cha'a kalának kélyókxa.

ROMANOS 11:30

Axta kólyaheykekxohok kéxegke Dios nano' axta, apkemleykxók eyke kaxwo' kéxegke Dios eñama m'a melyaheykekxoho axta Dios énxet'ák judíos.

2 TIMOTEO 3:6

Hakte cha'a anhan apkelxegexma'a m'a énxet'ák apkelántaxnegweykmohol'a aksa kélxagkok, elyexanchesha nahan cha'a m'a kelán'ák ekmanyehe nak keytlakxak kéltemésesakxa, cham'a ekxeyenmol'a awáxok ektaha megkay'asáxma, ekmoma nak awáxok ekyókxoho aksok ekyespagkamakxa nak.

2 TIMOTEO 3:13

Kayágwomhok sat ekmaso apkeltémakxa m'a énxet elmasagcha'a nak apkeltémakxa, tén han ma'a énxet'ák sẽlyexancháseykegkohol'a, elyexanchesha sat pók, kólyexanchesha sat nahan.

TITO 1:16

Elxénhok cha'a apkelya'áseykegkoho Dios xa énxet'ák nak, aksok apkeláneyak akke cha'a kañék ekwetamaxche ektaha megkamámnaksoho xa aptamheykegkaxa nak apkelpeywa; asagcha'awo' nahan apkeltémakxa, méko nahan apkelyaheykekxoho, mopwanchek nahan elanagkok nentamheykha ektakmela xama enxoho.

TITO 2:12

Cháxa sẽlxekmósama nak yakwayam agyenyók nentémakxa ekmaso xa ektémakxa nak segméso naksa Dios segemleykekxoho, tén han ólwataksek ma'a aksok negyespagkamakxa nak keso náxop, tén han sẽlxekmósama yakwayam antehek negmowána nenlaneykegkoho nentémakxa keso náxop, tén han antehek ekpéwomo nentémakxa, tén han antehek nempagkanchásamáxche Dios,