TITO 3:13 - Lengua Sur (Enxet) Nuevo Testamento

¹³ Epásem sat cha'a Zenas aptaha nak negásenneykekxexa negko'o, tén han ma'a Apolos, egkés sat aksok eyéméxchexa xa énxet'ák nak, yakwayam enxoho elenxanmohok apkelxega, yakwayam enxoho anhan megkeytek eyéméxchexa xama aksok.

TITO 3:13 Referans Kwoze

LOS HECHOS 18:24

Chakhémok axta anhan apweykmo Efeso xama énxet judío apwesey axta Apolo. Tegma apwányam Alejandría axta apkeñamak ma'a. Apwanchek axta apkeltenneykha m'a. Apya'ásegkok axta anhan ektémakxa nak eknaktáxésamaxche Dios appeywa.

SAN MATEO 22:35

keñe axta xama, aptaha axta apkelxekmóso apnámokkok ektémakxa segánamakxa apmoko nahan ékkónek Jesús. Aptahak axta apkelmaxneyeyncha'a s'e:

LOS HECHOS 28:10

Ẽlápeyha axta, xama axta nelchantákxo yántakpayhe yakwayam ólxegekxak makham, ẽlmések axta ekyókxoho aksok yakwayam ólmaha neyseksa nelxega.

1 CORINTIOS 16:11

Nágkólwanyoho aksa kélxama kéxegke; wánxa agkok, kólpásem aksa yakwayam enxoho elenxanmohok apxega yetlo meyke ektahakxa apwáxok, yakwayam enxoho nahan hetyánegwatámhok ko'o, hakte elhaxneyk ko'o ewatak se'e, yetlo selxegexma'a m'a nápakha ẽlyáxeg'a nak.

ROMANOS 15:24

Emenyék ko'o atnehek meyk'a kéxegke sekmahágko sat ma'a España. Eltamhok nahan ko'o helpasmok yakwayam alenxanmohok sekxega, cham'a natámen ekpayheykekxa sat ewáxok eñama selweteykekxa kéxegke yakwatakxoho.

LOS HECHOS 21:5

Xama axta ekyeyk'a xa siete ekhem nak, nelxegákxeyk axta makham negko'o. Apsawhekpók axta énxet'ák sẽlyetlawa yetlo apnakteyegka'a tén han ma'a apketchek, ẽlyetlókek axta ekweykmoho nepyáwa tegma apwányam, nelwokmek axta negko'o neyáwa wátsam ekwányam keñe axta neltekxeya entapnák xóp nentaha nempeywa nelmaxnagko.

SAN LUCAS 14:3

Apkelmaxneyáha axta Jesús énxet'ák apkelxekmóso nak apnámokkok ektémakxa segánamakxa, tén han ma'a énxet'ák fariseos, aptahak axta apkeláneya s'e: —¿Hẽlhoya antakmelchesók xama énxet apháxamap ekhem sábado nellókasamakxa nak nelyampé, mehẽlho' enxeykel'a?

SAN LUCAS 11:52

“¡Kéxegke sat laye kéltaha nak kélxekmóso kélnámokkok ektémakxa segánamakxa! kélmeyókásamáxkoho nak kélagko' ma'a negya'ásegwayam nak. Wánxa agkok, akke nahan kólya'ásegweykmok kéxegkáxa, megkólhayok nahan elya'ásegwók ma'a énxet'ák apmáheyo nak elya'ásegwók.

SAN LUCAS 11:45

Aptahak axta anhan apchátegmowágko xama énxet apkelxekmóso apnámokkok ektémakxa segánamakxa s'e: —Sẽlxekmóso, ẽlyamatcháseyha negko'oxa xa aptahakxa nak appeywa.

SAN LUCAS 10:25

Xama énxet apkelxekmóso ektémakxa segánamakxa axta appakhetchesekmok Jesús yakwayam enxoho ékkónek. Aptahak axta apkelmaxneyeyncha'a s'e: —Selxekmóso, ¿Yaksak eyéméxko alának ko'o yakwayam ótak ekyennakte egkenyek megkatnegwayam enéxa?

SAN LUCAS 7:30

axta eyke eltamhok eyakpásesagkok yegmen Juan ma'a énxet'ák fariseos, tén han ma'a énxet'ák apkelxekmóso nak apnámokkok ektémakxa segánamakxa. Cháxa ektahakxa axta megkalcha apwáxók apmokókxa axta eykhe etnésesek Dios xa énxet'ák nak.

LOS HECHOS 15:3

Kéláphásek axta Pablo tén han Bernabé. Apchakneykekxexa énxet tegma apwányam Antioquía axta keñamak kéláphaso. Xama axta apkelwokmo m'a yókxexma Fenicia tén han ma'a Samaria, apkeltennáseyha axta énxet'ák ektémakxa apkexeykegko nano' apcháyókxa m'a énxet'ák metnaha nak judíos yakwayam elyetlakxak ma'a Dios. Apyókxoho énxet'ák melya'áseyam Wese' egegkok axta kelpayhekxak apwáxók apkelleg'a xa amya'a nak.

LOS HECHOS 19:1

Apyeykhágwokmek axta Pablo yókxexma ekxámakxa axta xóp elekhaheyak elyawe, apwákxeyk axta tegma apwányam Efeso, apkelwetágwokmek axta pók xama énxet'ák apteme melya'áseyam Jesús ma'a, cham'a neyseksa apha axta Apolo tegma apwányam Corinto.

1 CORINTIOS 16:12

Emenyék ko'o axének egyáxeg Apolos, awanhek axta eykhe ko'o seltémo etnehek meyk'a kéxegke yetlo nahan apkelxegexma'a m'a ẽlyáxeg'a nentémo xamo' nak magya'áseyam, akke emokók makham exog kaxwo' nak, exog sat eyke m'a ektepa enxoho yakwayam exog.