TITO 3:1 - Lengua Sur (Enxet) Nuevo Testamento

¹ Eltennés énxet'ák yakwayam enxoho etnehek apkelyaheykekxoho m'a kelwese'e apkeláneykha nak yókxexma, yána sat cha'a elyahakxohok kéltemésesakxa enxoho, yána nahan etnahagkok cha'a apmayheykegkoho elanagkok ma'a nentamheykha ektakmela nak.

TITO 3:1 Referans Kwoze

SAN MATEO 22:21

Aptahak axta apkelátegmowágko s'e: —Wese' apwányam Roma. Keñe axta aptaha apkeláneya Jesús se'e: —Kólmés wese' Roma m'a ektaha nak apagkok, kólmés nahan Dios ma'a ektaha nak apagkok.

2 TIMOTEO 2:21

Kéméxchek negko'o antehek eyáxñeyo nentémakxa, manlanyek ma'a ekyókxoho nentémakxa ekmaso nak, yakwayam enxoho hegmések ektakmela nentamheykha Wese' egegkok, tén han hentemésesek nempagkanamaxche, tén han etnehek segásenneykekxa. Nentemék agkok xa, Dios sat hegasenneykxak yakwayam anlának ekyókxoho ektémakxa nentamheykha ektakmela nak.

2 TIMOTEO 1:6

Ekeso eñamakxa seltennasa nak xép seltamho eyánchesagkohok ma'a apmopwána apxawé axta exchep eñama Dios apméso, cham'a seknegkena axta emék apkátek xép.

1 TIMOTEO 5:10

Kéméxchek nahan kólya'asagkohok ektakmela axta ektémakxa, tén han ma'a ektakmela enxoho éktegkeso étchek, tén han ma'a ekteme enxoho elápeykha ektaha apkelwayam axagkok, tén han ma'a elyenyesesamo enxoho apmagkok énxet'ák apteme nak melya'áseyam, tén han ma'a ekpasmoma enxoho m'a énxet'ák apkellegeykegkoho nak, tén han elenxáneykmoho enxoho elané m'a ekyókxoho ektémakxa nak nentamheykha ektakmela.

TITO 2:14

Apmeyásamakpók axta apagko' yakwayam emátog, negko'o eñamakxa, yakwayam enxoho hẽlwagkasek teyp neyseksa ekyókxoho nentémakxa ekmaso nak, tén han hentemésesek ektakmela nentémakxa, yakwayam enxoho nahan antehek énxet'ák apagkok, tén han agámenyéhok anlának ma'a aksok eltakmela nak.

1 TIMOTEO 4:6

Apkelxekmósek agkok xép ẽlyáxeg'a xa ektéma nak, appekkenchek agkok nahan apwáxok xép ma'a amya'a eñama nak magya'áseyam, tén han apkelenxanakmoho enxoho apkelané m'a nelxekmowásamáxche ektakmela nak, etnehek sat xép Jesucristo apkeláneykha ektakmela aptémakxa.

1 TIMOTEO 2:2

Kéméxchek kólmaxnésesek kéxegke apyókxoho kelwese'e apkeláneykha nak apchókxa, tén han ma'a apyókxoho apkelámha apmonye'e nak, yakwayam enxoho katakmelhok negheykha, tén han megkatnegwomóxma negheykha, tén han antehek nempagkanchásamáxche egagko' ma'a Dios, tén han antehek ektakmela nentémakxa nápakta'awo' énxet'ák.

1 CORINTIOS 15:58

Elyáxeg selásekhayo, kóllenxanmoho kélyennaktésamo kélteme megkólya'áseyam, nágkólyensem, kólyanchesagkoho cha'a kéltamheykha kélláneya nak ma'a nentamheykha eñama nak Wese' egegkok, hakte kélya'ásegkok kéxegke megkatnaha eyakhémo kéllané kéltamheykha kélláneyol'a cha'a, eñama kélyepetcheyo Wese' egegkok.

2 SAN PEDRO 1:12

Ekeso eñamakxa peya nak alenxanmohok seltennáseykekxoho cha'a kéxegke xa ektéma nak, neyseksók eykhe kélya'áseyak xa, neyseksók eykhe anhan kéllenxányam ma'a amya'a ekmámnaksoho kélxekmówásamáxko axta kéxegke.

TITO 3:8

Ekmámnaksoho agko' xa, emenyék ko'o elenxanmohok apxeyenma exchep xa, yakwayam enxoho elanagkok apkeltamheykha ektakmela m'a énxet'ák apteme nak melya'áseyam Dios. Cháxa ektaha nak nentamheykha ektakmela xa, awanchek nahan hempasmok negyókxoho nak.

COLOSENSES 1:10

yakwayam enxoho kólewának kóltehek ma'a eyéméxchexa nak etnahagkok Wese' egegkok énxet'ák apagkok, kóllának cha'a m'a ekleklamókxa nak apwáxok antehek Wese' egegkok, tén han kóltehek ma'a ekyókxoho nentémakxa ektakmela nak, tén han kólyekpelchágwomhok agko' ma'a Dios.

FILIPENSES 1:11

Kalánhok sat kélwáxok kéxegke kéltémakxa ektakmela eñama apméso m'a Jesucristo, yakwayam enxoho kóltehek kéláyo Dios, tén han kóltemésesek apcheymákpoho.

EFESIOS 2:10

hakte Dios axta aptaha senlané negko'o; enlanak axta negko'o eñama m'a Cristo Jesús yakwayam enxoho anlának ma'a nentamheykha ektakmela nak, ekhawo m'a apkeláneykekxa apagko' axta Dios ma'a nano' axta.

SAN JUDAS 1:5

Kélya'ásegkok eykhe kéxegke s'e, emenyék eyke altennásekxohok kéxegke m'a apmasésakmo axta Wese' egegkok énxet'ák apteme axta apkelya'áseyam, cham'a natámen apkelántekkeso axta énxet'ák Israel ma'a yókxexma Egipto.

TITO 3:14

Yána sat nahan kaltámeyagkok apkeláneyak nentamheykha ektakmela m'a énxet'ák nentémo xamo' nak magya'áseyam, yakwayam enxoho kaltámeyagkok appasmo m'a énxet ekyetnakxa enxoho eyéméxchexa aksok, yakwayam enxoho kapasmok énxet ma'a apkeltémakxa nak.

2 TIMOTEO 2:14

Elya'asásegwakxoho énxet'ák se'e, eltennés nahan nápakto' Dios, yána elwátésagkok apkelátegmomap apkelxeyenma m'a ektémakxa nak amya'a. Yawanchek hempasmok xa nelátegmomaxche nak. Kanaktawasha aksa cha'a m'a énxet'ák ektahakxa enxoho apháxenmo xa amya'a nak.

TITO 1:16

Elxénhok cha'a apkelya'áseykegkoho Dios xa énxet'ák nak, aksok apkeláneyak akke cha'a kañék ekwetamaxche ektaha megkamámnaksoho xa aptamheykegkaxa nak apkelpeywa; asagcha'awo' nahan apkeltémakxa, méko nahan apkelyaheykekxoho, mopwanchek nahan elanagkok nentamheykha ektakmela xama enxoho.