TITO 2:7 - Lengua Sur (Enxet) Nuevo Testamento

⁷ etne exchep xa ektakmela aptémakxa, cham'a ekyókxoho aksok apkelanakxa enxoho, yakwayam enxoho elyetlakxak aptémakxa exchep xa wokma'ák nak. Apkelxekmósek agkok xép wokma'ák, etakmelchesho cha'a apkelxekmóso, ná etne aksa aptemesáseykha aksa apkelxekmóso,

TITO 2:7 Referans Kwoze

1 SAN PEDRO 5:3

Nágkólteme aksa kélyennaktésamaxkoho kóllának ma'a énxet'ák ektaha nak kéltakmelcheso kéxegke, wánxa agkok, kólxemósho aksa kéltémakxa ektakmela, yakwayam enxoho elyetlakxak xa énxet'ák nak.

1 TIMOTEO 4:12

Neygyoho aksa kólwanyohok xép eñama apteme apketkok. Wánxa agkok kéméxchek xép etnehek ektakmela appeywa yakwayam enxoho elyetlakxak ma'a énxet'ák apteme nak melya'áseyam, tén han etnehek ektakmela aptémakxa, tén han keytek xép ma'a apchásekhayo nak, tén han keytek xép ma'a mey'áseyam nak, tén han etnehek eyáxñeyo aptémakxa.

FILIPENSES 1:10

yakwayam enxoho kólewának kólyésha kéxegke m'a aksok ektakmela nak. Keñe sat kólewának kóltehek eyáxñeyo kéltémakxa, méko sat xama kélxéncháseykekxoho kéltémakxa, cham'a apkexyekmo sat Cristo.

2 CORINTIOS 4:2

Negyenyókek axta negko'o m'a aksok segmegkasamo apkelyexamakpoho axta cha'a apkeláneykegko énxet; manlanak nahan cha'a yetlo negmáheyo ólyexanchesha egnámokkok, Magyetnakháseykmok nahan cha'a m'a ektémakxa nak Dios appeywa. Wánxa agkok, ekmámnaksoho eyke nentémakxa nak cha'a negko'o nempeywa, cháxa ektahakxa nak cha'a ektakmela ekxeyenma apwáxók negko'o énxet'ák nápakto' Dios xa ektaha nak.

2 CORINTIOS 1:12

Yetneyk negko'o xama aksok segmésa nak ekpayheykekxa egwáxok, cham'a negya'áseykegkoho nak negko'o ektakmalma cha'a nentémakxa, tén han mampósamo cha'a nentémakxa keso náxop, ekyagwánxa agkok ma'a nentémakxa nak cha'a negko'o kélnepyeseksa kéxegke. Háwe negko'o sempékesáseyak ma'a ektémakxa nak negya'ásegwayam egagko', wánxa sempékesáseyak ma'a Dios segásekhayo nak.

2 TESALONICENSES 3:9

Nakso' axta eykhe negkegwagko negko'o agának kéxegke hẽlpasmok, wánxa agkok, neltamheykha axta eyke aksa negko'o yakwayam enxoho kólyetlakxak nentémakxa negko'o.

EFESIOS 6:24

etnehek sat nahan apméso naksa apyókxoho énxet'ák ektaha nak apchásekhayo Wese' egegkok Jesucristo m'a ektémakxa nak segemleykekxoho, yetlo m'a apchásekhayo megkamassegwayam nak.

2 CORINTIOS 2:17

Mantahak cha'a negko'o aptamheykegkaxa nak nápakha énxet'ák apkelyanmagkásamakpo nak cha'a eñama nak Dios appeywa, wánxa agkok, neltennáha cha'a negko'o ekmámnaksoho agko' meyke negeyseykekxa nápakto' Dios, hakte negko'o nenteme Dios apkelásenneykha, eñama nahan negyepetcheyo m'a Cristo.

2 CORINTIOS 8:8

Háwe eyke selyateyeykegkoho kóllának kéxegke sektaha nak seláneya xa; wánxa eyke aksa emenyék ko'o kólya'asagkohok kéxegke m'a apkeltémakxa nak cha'a appasmo pók énxet mók apchakneykekxexa nak, yakwayam enxoho kataxchek ekyetna kéxegke kélásekhayo ekmámnaksoho nak.

1 TIMOTEO 5:10

Kéméxchek nahan kólya'asagkohok ektakmela axta ektémakxa, tén han ma'a ektakmela enxoho éktegkeso étchek, tén han ma'a ekteme enxoho elápeykha ektaha apkelwayam axagkok, tén han ma'a elyenyesesamo enxoho apmagkok énxet'ák apteme nak melya'áseyam, tén han ma'a ekpasmoma enxoho m'a énxet'ák apkellegeykegkoho nak, tén han elenxáneykmoho enxoho elané m'a ekyókxoho ektémakxa nak nentamheykha ektakmela.

TITO 3:8

Ekmámnaksoho agko' xa, emenyék ko'o elenxanmohok apxeyenma exchep xa, yakwayam enxoho elanagkok apkeltamheykha ektakmela m'a énxet'ák apteme nak melya'áseyam Dios. Cháxa ektaha nak nentamheykha ektakmela xa, awanchek nahan hempasmok negyókxoho nak.