TITO 2:5 - Lengua Sur (Enxet) Nuevo Testamento

⁵ tén han kának katnahagkok ekmowána eláneykegkoho ektémakxa, tén han megkalanyek ma'a ekmaso nak nentémakxa mansexta, tén han katnahagkok ektakmelcheso m'a axanák, tén han katnahagkok ektakmeleykha awáxók, katnahagkok nahan elyaheykekxoho m'a anakteyegka'a, yakwayam enxoho mekaxénaxchek ekmaso m'a amya'a eñama nak Dios.

TITO 2:5 Referans Kwoze

COLOSENSES 3:18

Kelán'ák ekha nak anakteyegka'a, kólyahakxoho cha'a kélnakteyegka'a, hakte cháxa eyéméxchexa nak antehek nenteme nak magya'áseyam Wese' egegkok xa.

1 TIMOTEO 5:10

Kéméxchek nahan kólya'asagkohok ektakmela axta ektémakxa, tén han ma'a ektakmela enxoho éktegkeso étchek, tén han ma'a ekteme enxoho elápeykha ektaha apkelwayam axagkok, tén han ma'a elyenyesesamo enxoho apmagkok énxet'ák apteme nak melya'áseyam, tén han ma'a ekpasmoma enxoho m'a énxet'ák apkellegeykegkoho nak, tén han elenxáneykmoho enxoho elané m'a ekyókxoho ektémakxa nak nentamheykha ektakmela.

EFESIOS 5:33

Akke ekxénak nahan ko'o eyéméxko kóltehek kéxegke kélásekhayo m'a kélnakteyegka'a nak, ekhawo m'a ektémakxa nak kélásekhamaxchekxoho kélagko', hawók nahan kelán'ák ekha nak anakteyegka'a, kólteme ekha kélyaheykekxoho kélnakteyegka'a.

LOS HECHOS 9:36

Heyk axta nahan xama kelán'a ekteme axta megkay'áseyam Wese' egegkok ma'a tegma apwányam Jope ekwesey axta Tabitá apkeltéma axta griego appeywa Dorcas. Tásek axta ektémakxa xa kelán'a nak, pasmomchek axta cha'a énxet ekha nak eyéméxchexa aksok.

1 TIMOTEO 6:1

Enxet'ák ektaha nak apkelmomap kéltemesáseykha aksa, kéméxchek kaxének kélwáxok ekpayhawo kóltehek kéláyo wese' kélagkok, yakwayam enxoho megkaxénaxchek ekmaso Dios apwesey, tén han ma'a nelxekmowásamáxche eñama nak Dios.

1 CORINTIOS 14:34

Kéméxchek cha'a kalwanmeyagkok kelán'ák kañe' negakneykekxexa, cham'a megkól'awo enxoho kalpakmétek. Kéméxchek katnehek elyaheykekxoho m'a anakteyegka'a, ekhawo eltémókxa nak katnahagkok Dios segánamakxa apagkok.

1 CORINTIOS 11:3

Wánxa agkok, eltamhok eyke ko'o kólya'asagkohok kéxegke Cristo apteme apkemha apmonye apagkok énxet, keñe m'a énxet ekha nak aptáwa apteme apkemha apmonye agkok ma'a aptáwa, ekhawo ektémakxa nak han ma'a Cristo apteme apkemha apmonye apagkok ma'a Dios.

ROMANOS 2:24

Nakso' ektémakxa nak eknaktáxésamaxche s'e: “Kanmexmakha cha'a appeywa Dios ma'a énxet'ák melya'áseyak nak Dios, kéxegke eñamakxa.”

LOS HECHOS 9:39

Apkelyetlákxeyk axta Pedro xa énxet'ák nak. Xama axta apkelwákxo m'a, kélyentamákxeyk axta Pedro kañe' tegma netno' ekyetnakxa axta ápak xa kelán'a nak; wakha'ak axta kelán'ák tampe' apkenmágkaxa Pedro. Kellekxagweyha axta ekxekmósa Pedro m'a apáwa tén han ma'a apáwa kéltaxno elané axta Dorcas ekyennaktamakxa.

ROMANOS 14:16

Kólenxánem cha'a megkaxénaxchek ekmaso m'a ekxeyenmakxa nak kélwáxok kéxegke ektaha ektakmela.

TITO 2:4

tén han kalxekmósek yakwayam kalásekhohok anakteyegka'a m'a kelán'a etkók ekha nak anakteyegka'a, tén han kalásekhohok ma'a étchek.