TITO 2:12 - Lengua Sur (Enxet) Nuevo Testamento

¹² Cháxa sẽlxekmósama nak yakwayam agyenyók nentémakxa ekmaso xa ektémakxa nak segméso naksa Dios segemleykekxoho, tén han ólwataksek ma'a aksok negyespagkamakxa nak keso náxop, tén han sẽlxekmósama yakwayam antehek negmowána nenlaneykegkoho nentémakxa keso náxop, tén han antehek ekpéwomo nentémakxa, tén han antehek nempagkanchásamáxche Dios,

TITO 2:12 Referans Kwoze

SAN MATEO 16:24

Aptahak axta Jesús apcháneya apkeltámeséyak se'e: —Kélxama apmokókxa enxoho etnehek seltámeso ko'o, elwateys xa apmáheyókxa nak etnehek, epátem apagko' aksok ektegyéso apagkok, hetlógma ko'o.

ROMANOS 6:19

(Ektahak ko'o sekpeywa m'a aptémakxal'a cha'a appeywa énxet, hakte megkólwanchek kéxegke kólya'asagkohok xa aksok nak, hakte kélyelkáxkók kéxegke.) Kólmés kaxwo' kélyókxa yakwayam kalának ma'a nentémakxa ekpéwomo nak, yakwayam enxoho kóltehek ektakmela kéltémakxa nápakto' Dios, ekhawo ektémakxa axta cha'a kélméso kélyókxa aksok ekmanyása nano' axta, tén han ma'a aksok ekmaso nak, yakwayam enxoho kóllának aksok ekmaso.

2 SAN PEDRO 2:9

Ey'asagkohok cha'a aptemésesakxa Wese' egegkok emyók ma'a énxet ektaha nak appagkanchásamap Dios, ey'asagkohok nahan cha'a yakwánxa etnésesek ellegásesagkohok ma'a énxet'ák elmasagcha'a nak apkeltémakxa, ekweykmoho ekhem nelyekpelchamáxchexa sat.

1 SAN JUAN 2:6

Apxénchek agkok enxama aptaha apyepetcheyo Dios, kéméxchek etnehek ma'a aptémakxa axta Jesucristo.

2 TIMOTEO 3:12

Nakso' sat nahan ellegagkohok kélmenxeneykha m'a apyókxoho énxet'ák apmopmenyého nak elpagkanchesakpok Cristo Jesús.

APOCALIPSIS 14:12

Sat kañék ekwetamaxche ektémakxa nak apkelwaskápeykekxoho Dios énxet'ák apagkok apkelpagkanamap nak, cham'a melwateseyam nak apkelané apkeltémókxa nak antehek Dios, cham'a meyenseyam nak han apteme mey'áseyam Jesús.

SAN LUCAS 1:75

keñe nahan antehek negyepetcheyo yetlo ekpéwomo nentémakxa tén han nempagkanchásamáxche yókxoho ekhem neyseksók negha.

1 TESALONICENSES 4:7

Hakte axta hẽlwóneyha negko'o Dios yakwayam antehek ekmanyása nentémakxa, wánxa apkeltémo antehek wánxa nempagkanchásamáxche m'a Dios.

TITO 3:3

Hakte sẽlyéháxma axta anhan negko'o xa nano' axta, axta antemék nelyaheykekxoho Dios, axta agakhémok negko'o nentémakxa, kelmomchek axta egwáxok ekyókxoho aksok negyespagkamakxa nak, nentemegkek axta ekmaso nentémakxa, tén han nelyásekáseykha, neltaknómaxchék axta negko'o, nelenmexamaxchekxeyk axta anhan negko'o xa.

1 TESALONICENSES 4:9

Megkeymexchek ko'o atáxésesek kéxegke ektémakxa nak nelásekhamaxkoho nepyeseksa ẽlyáxeg nentémo xamo' nak magya'áseyam, hakte Dios apagko' axta apkelxekmóso kéxegke ektémakxa nak kélásekhamaxkoho.

EFESIOS 2:2

hakte kélyetlamchek axta kéxegke ektémakxa nak keso náxop, kélláneyak axta anhan kéxegke m'a ekyespagkamakxa nak kelyekhama' wese', eláneykencha'a nak aksok ekha elmowancha'a ekheykha tekhenxet, cham'a elyáteyagkoho nak énxet'ák aptaha nak melyaheykekxoho Dios.

ROMANOS 12:2

Nágkólwéhenekxoho aksa aptamhágkaxa énxet keso negwánxa nak, wánxa agkok, kólyakmagkas ma'a ektémakxa nak elchetámeykha kélwáxok, yakwayam enxoho anhan kañék kélyakmagkaso kéltémakxa kéltaha enxoho xa, keñe anhan kólyekpelchágwomhok ma'a ektémakxa nak Dios apmopmenyého, cham'a aksok ektakmela nak, ekleklamókxa nak han apwáxok Dios, cham'a ektaha nak han ekpéwomo agko'.

ROMANOS 6:12

Nágkólho aksa keytek kélyókxa étsapmo m'a mólya'asáxma ekmowána nak, cham'a ekyáteyeykegkohol'a cha'a yakwayam kólyahakxohok aksok ekmáheyo nak cha'a kalának kélyókxa.

SAN MATEO 28:20

Kóltamesák nahan yakwayam enxoho elyahakxohok ma'a ekyókxoho seltémókxa nak kóltehek kéxegke. Axek sat eyke cha'a ko'o kélnepyeseksa kéxegke ekyókxoho ekhem ekwokmoho ektemegwánxa néxa ekhem.

1 SAN JUAN 2:27

Wánxa agkok, apyetneyk eyke kéxegke Espíritu Santo apkelmeyáseyak axta Jesucristo, megkeyméxchek kólamenyého elxekmósek xama énxet enxoho, hakte Espíritu Santo cha'a elxekmósek kéxegke ekyókxoho aksok, ekmámnaksoho nahan ektémakxa nak sẽlxekmóso, háwe ekmowána amya'a. Nágkólyensem kélteme kélyepetcheyo Cristo, ekhawo m'a ektahakxa enxoho apkelxekmóso Espíritu.

2 SAN PEDRO 3:11

Kéméxchek kéxegke kólpagkanchesaxkohok kélagko' ma'a Dios, tén han kóltehek ektakmela kéltémakxa, hakte ekyókxoho aksok sat katnehek kélmaséseyam xa ektaha nak.

HEBREOS 8:11

Kamaskok sat elxekmósek apnámokkok énxet, tén han ma'a apkelenyémeyo xamo' nak, esenhan ma'a apteme apnámokkok nak yakwayam enxoho elya'asagkohok Wese' egegkok, hakte apyókxoho énxet sat hey'asagkohok ko'o ekweykmoho m'a énxet'ák meyke kéláyo nak, tén han ma'a énxet'ák ekyawe kéláyo nak.

1 TIMOTEO 6:17

Yána sat metnehek eleymáxkoho apwáxok énxet'ák ekxákma nak aksok apagkok keso náxop, yána sat megyáseneykxék ma'a ekxákma nak aksok apagkok, hakte kamassegwomhok cha'a xa. Akke tásek kólásenneykxak ma'a Dios segyeykháseseykmoho nak segméso ekyókxoho aksok yakwayam agmaha yetlo ekmátsa egwáxok.

1 TIMOTEO 4:12

Neygyoho aksa kólwanyohok xép eñama apteme apketkok. Wánxa agkok kéméxchek xép etnehek ektakmela appeywa yakwayam enxoho elyetlakxak ma'a énxet'ák apteme nak melya'áseyam, tén han etnehek ektakmela aptémakxa, tén han keytek xép ma'a apchásekhayo nak, tén han keytek xép ma'a mey'áseyam nak, tén han etnehek eyáxñeyo aptémakxa.

COLOSENSES 1:22

Wánxa agkok, aptemesáseykxeyk eyke kaxwo' kélásekhamaxchekxoho kéxegke m'a Dios eñama m'a apketsapma axta Cristo, cham'a ektahakxa axta eklegeykegkoho apyókxa. Apkelanak axta Dios xa, yakwayam enxoho etnésesek kéxegke kélpagkanamaxche enaklakxak ma'a aphamakxa nak, meyke ekyepetche xama aksok ekmanyása, tén han meyke kélxéncháseykekxoho kéltémakxa.

GÁLATAS 5:24

Massék kaxwo' apkelánégko aksok apkelyespagkamakxa m'a Cristo énxet'ák apagkok nak, cham'a aksok ekmaso apkelmopmenyého axta, máxa axta entahak apkelyepetchesa enxoho aksok ektegyéso m'a ekyókxoho ekmaso nentémakxa nak.

GÁLATAS 1:4

Apmeyáseykpók axta apagko' Jesucristo yakwayam emátog, eñama m'a nentémakxa nak mólya'asáxma, yakwayam hẽlmeyók se'e negwokmo nak eyesagkexa, ekhawo m'a apmopmenyého nak katnehek Dios Egyap.

2 CORINTIOS 7:1

Elyáxeg selásekhayo, cháxa sempekkencháseykekxa axta negko'o appeywa Dios xa; ékeso eñamakxa eyéméxko nak negko'o antehek eyáxñeyo nentémakxa, moghók hempeysegkesek ma'a ekyókxoho aksok ekpeysegkesamo nak negyókxa, tén han ma'a egwáxok; anlenxanmok hana antehek nempagkanchásamáxche agko' Dios, eñama m'a ektémakxa nak cha'a negaye Dios.

2 CORINTIOS 1:12

Yetneyk negko'o xama aksok segmésa nak ekpayheykekxa egwáxok, cham'a negya'áseykegkoho nak negko'o ektakmalma cha'a nentémakxa, tén han mampósamo cha'a nentémakxa keso náxop, ekyagwánxa agkok ma'a nentémakxa nak cha'a negko'o kélnepyeseksa kéxegke. Háwe negko'o sempékesáseyak ma'a ektémakxa nak negya'ásegwayam egagko', wánxa sempékesáseyak ma'a Dios segásekhayo nak.

ROMANOS 8:13

Hakte, kélyetlákxeyk agkok kéxegke m'a nentémakxa egagko' nak mólya'asáxma, kóletsapok sat; wánxa agkok kélmasések agkok kéxegke xa kéltémakxa kélagko' nak megkólya'asáxma eñama m'a appasmo nak Espíritu, megkóletsepek sat.

LOS HECHOS 24:25

Xama axta apxéna Pablo m'a nentémakxa ekpéwomo nak, tén han ma'a ektémakxa nak negmowána anlanagkohok nentémakxa, tén han ma'a yakwánxa sat etnehek segyekpelchémo Dios egmonye sat, apyegwakkek axta Felix, aptahak axta apcháneya Pablo s'e: —Etakhekxa sat kaxwo', wáneyha sat makham méko enxoho selanakxa xama ekhem.

LOS HECHOS 24:16

Ekeso eñamakxa selenxanakmo nak cha'a ko'o katnehek meyke ektahakxa elchetamso ewáxok nápakto' Dios tén han nápakta'awo' énxet'ák.

1 SAN JUAN 5:19

Negya'ásegkok negko'o nentaha Dios énxet'ák apagkok, negya'ásegkok nahan eláneykencha'a kelyekhama' ekyókxoho keso náxop.

EFESIOS 1:4

Dios axta sẽlyeseykha negko'o eñama Cristo, eyeynamókxa m'a sekxo' axta ekmáheyo kalanaxchek keso náxop, yakwayam enxoho antehek nempagkanchásamáxche Dios, tén han antehek meyke nensexnánémaxche nápakto' Dios. Segásekhayo axta keñamak Dios

SAN JUAN 14:30

“Malenxanmagkók sat selpakhetcheso kéxegke, hakte xegakmek ma'a ektaha nak wese' keso náxop. Méko eykhe ekmowána hélának ko'o,

SAN JUAN 6:25

Xama axta apkelwákxo neyáwa xa énxet'ák nak apwetágweykxeyk axta Jesús ma'a. Aptahak axta apkelmaxneyeyncha'a énxet'ák Jesús se'e: —Sẽlxekmóso, ¿Yaksak axta ekhem apwakto s'e?

SAN LUCAS 1:6

Elpéwomo axta nápakto' Dios xa ánet nak, kelyaheykekxók axta ekyókxoho m'a apkeltémókxa nak antehek Dios, tén han ma'a Wese' egegkok segánamakxa apagkok nak, méko axta kawának kasexnenak xama enxoho.

SAN JUDAS 1:18

aptéma axta apkelanagkama s'e: “Etyapok sat énxet sẽsméso m'a eyágketwokmo sat néxa ekhem, wánxa sat elanagkok ma'a aksok ekmaso apkelyespagkamakxa nak.”

2 TIMOTEO 4:10

hakte eñókek aksa ko'o exakko' Demas apmahágko m'a tegma apwányam Tesalónica, hakte apchásekhayók ma'a aksok ekyetna nak keso náxop. Yókxexma Galacia axta eyke apmahágkok ma'a Crescente, keñe axta Tito apmahágko m'a Dalmacia.

SAN MATEO 12:32

Kawomhok sat nahan meyakmagkáseykekxa Dios aptémakxa m'a énxet apxeyenma ekmaso nak ma'a aptaha nak Apketche énxet; wánxa agkok eyakmagkásekxak sat eyke Dios aptémakxa m'a énxet apxeyenma nak ekmaso Espíritu Santo neyseksók apha keso náxop, tén han ma'a egmonye sat.

1 TIMOTEO 6:9

Enxet apmopmenyého nak etnehek ekxákma aksok apagkok melenmaxakpek ma'a ekyekkónma nak, máxa nahan katnehek kelhanma ekma kamok ma'a apmopmenyého nak elának ekyókxoho ektémakxa nak aksok segyeykesamo nak exma, tén han ma'a sẽtsagkasamo nak, cham'a étsagkasamol'a énxet, elya'asamol'a nahan ma'a sẽlmaseseykenxa nak.

SANTIAGO 1:27

Ekmámnaksoho nelpeykesamo Dios, tén han meyke elenchahamaxche nentémakxa nápakto' Dios Egyap ekteme s'e: Nempasmo ektaha nak elyéheykha, tén han nempasmo m'a ektémakxa nak ellegeykegkoho tampé', tén han ma'a móghayo nak hegyepetchegwomhok ektémakxa nak keso náxop.